ព័ត៌មានជាតិ
សមាជិក ACD ទទួលស្គាល់បញ្ហាប្រឈម ដែលបណ្តាលមកពីជំងឺកូវីដ-១៩ និងឯកភាពដោះស្រាយតាមរយៈអភិក្រមពហុវិស័យ
កិច្ចប្រជុំប្រជុំរដ្ឋមន្ត្រីការបរទេស នៃកិច្ចសន្ទនាកិច្ចសហប្រតិបត្តិការអាស៊ី លើកទី១៧ (17th Ministerial Meeting of the Asia Cooperation Dialogue – ACD) បានធ្វើឡើងកាលពីរសៀលថ្ងៃទី២១ ខែមករា ឆ្នាំ២០២១ តាមប្រព័ន្ធវីដេអូ ហើយនៅក្នុងកិច្ចប្រជុំនោះ មានលោក ម៉េវលុត ឆាវូស៊ូលុ រដ្ឋមន្ត្រីការបរទេសនៃសាធារណរដ្ឋតួកគី ជាប្រធាន ហើយប្រទេសជាសមាជិក ទទួលស្គាល់បញ្ហាប្រឈម ដែលបណ្តាលមកពីជំងឺកូវីដ-១៩ និងឯកភាពដោះស្រាយតាមរយៈអភិក្រមពហុវិស័យ នេះបើតាមការបញ្ជាក់នៅក្នុងសេចក្តីប្រកាស ស្តីពីលទ្ធផល នៃកិច្ចប្រជុំ ដែលបានផ្សព្វផ្សាយដោយក្រសួងការបរទេសកម្ពុជា។
តាមក្រសួងការបរទេសបានឲ្យដឹងថា សម្រាប់ប្រទេសកម្ពុជា លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា បានចូលរួមកិច្ចប្រជុំនោះ។ កិច្ចប្រជុំនេះ ធ្វើឡើងក្រោមមូលបទ “ទេសចរណ៍តាមគន្លងថ្មី មានសុវត្ថិភាព និងសុខភាពល្អ” (The New Normal and Safe and Healthy Tourism) ។
បើតាមលទ្ធផល នៃកិច្ចប្រជុំ ប្រទេសជាសមាជិក ACD បានទទួលស្គាល់នូវភាពចាំបាច់បន្ទាន់ ក្នុងការដោះស្រាយបញ្ហាប្រឈមនានាបណ្តាលមកពីជំងឺរាតត្បាតកូវីដ-១៩ និងបានឯកភាពរួមគ្នាដោះស្រាយផលប៉ះពាល់លើបញ្ហាសង្គម-សេដ្ឋកិច្ច រួមទាំងវិស័យទេសចរណ៍ តាមរយៈអភិក្រមពហុវិស័យ។ កិច្ចសហការរួមគ្នានេះ រួមបញ្ចូលទាំងវិធានការចាំបាច់ទាំងអស់ក្នុងការការពារសុខភាព និងសុវត្ថិភាព ការពង្រឹងកិច្ចសហប្រតិបត្តិការនិងការគាំទ្រគ្នាទៅវិញទៅមក ការរួមកម្លាំងក្នុងកិច្ចខិតខំប្រឹងប្រែងស្តារនិងអភិវឌ្ឍទេសចរណ៍ជាតិឡើងវិញ ការចែករំលែកចំណេះដឹងនិងឧត្តមានុវត្តន៍ ក៏ដូចជាការជំរុញលំហូរវិនិយោគ និងពាណិជ្ជកម្មក្នុងតំបន់ក្នុងកិច្ចខិតខំប្រឹងប្រែងធ្វើឱ្យប្រសើរឡើងនូវសន្តិសុខផ្នែកសុខាភិបាល និងការស្ដារឡើងវិញប្រកបដោយចីរភាព។
នៅក្នុងកិច្ចប្រជុំនោះដែរ លោកឧបនាយករដ្ឋមន្ត្រី ប្រាក់ សុខុន បានចែករំលែកអង្គប្រជុំនូវការប្តេជ្ញាចិត្តដ៏រឹងមាំរបស់កម្ពុជា ក្នុងការដាក់ចេញនូវផែនការចាក់វ៉ាក់សាំងថ្នាក់ជាតិ ជូនប្រជាជនប្រកបដោយប្រសិទ្ធភាព និងផែនការស្ដារឡើងវិញ វិស័យទេសចរណ៍គ្រប់ជ្រុងជ្រោយ ដែលមិនត្រឹមតែធានានូវការស្ដារប្រកបដោយសុវត្ថិភាព និងឆាប់រហ័ស នៃក្បាលម៉ាស៊ីនជំរុញកំណើនដ៏សំខាន់សម្រាប់ជាតិនោះទេ ថែមទាំងរួមចំណែកយ៉ាងសកម្ម និងប្រកបដោយការទទួលខុសត្រូវដល់ការស្ដារវិស័យទេសចរណ៍ និងវិស័យផ្សេងទៀត ក្នុងតំបន់ទាំងមូល។
ជាងនេះទៅទៀត លោកឧបនាយករដ្ឋមន្ត្រី បានបញ្ជាក់សាជាថ្មី នូវការប្ដេជ្ញាចិត្តរបស់ប្រទេសសមាជិកទាំងអស់ ដើម្បីបន្តឱ្យ ACD ឈានទៅជាវេទិកាពហុភាគីដ៏សំខាន់ក្នុងការលើកកម្ពស់កិច្ចសន្ទនា និងការពឹងផ្អែកគ្នាទៅវិញទៅមកនៅគ្រប់វិស័យនៃកិច្ចសហប្រតិបត្តិការ។
រដ្ឋមន្ត្រីការបរទេស និងតំណាងជាន់ខ្ពស់របស់ ACD ក៏បានសម្តែងនូវការកោតសរសើរដល់ប្រទេសតួកគី ក្នុងតួនាទីជាប្រធានប្រកបដោយជោគជ័យសម្រាប់អាណត្តិ ២០១៩-២០២០ និងការបន្តធ្វើជាប្រធានរហូតដល់ខែកញ្ញា ឆ្នាំ២០២១៕
ដោយ ៖ កោះកែវ
ប្រមុខរាជរដ្ឋាភិបាល លើកឡើងថា ការរើសអើង និងការមើលរំលងនូវសមត្ថភាពរបស់ជនមានពិការភាព គឺជាកំហុសឆ្គង
គ្រោងរៀបចំព្រឹត្តិការណ៍ធំចំនួនពីរ ទាក់ទាញវិនិយោគិនបារាំងមកវិនិយោគនៅកម្ពុជា
លោក Blinken ទៅដល់តំបន់មជ្ឈិមបូព៌ា ខណៈស្ថានការណ៍ តានតឹងបំផុត
សមាគមទន្តពេទ្យកម្ពុជា ចុះអប់រំសុខភាពមាត់ធ្មេញដល់សិស្សជិត ២ពាន់នាក់ ក្នុងខេត្តសៀមរាប
តារាសម្តែង សួង សាខារ៉ានីត ចែករំលែកបទពិសោធជោគជ័យ ៦ ចំណុច
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ