ព័ត៌មានជាតិ

រដ្ឋបាលខេត្តព្រះវិហារ រៀបចំពិធីក្រុងពាលីសាងសង់កាំជណ្ដើរឡើងភ្នំត្បែងមានជ័យ

បានផុស

៤ years មុន

នៅ

ថ្ងៃសៅរ៍ ២៣ មករា ២០២១

ដោយ

នាព្រឹកថ្ងៃទី២៣ ខែមករា ឆ្នាំ២០២១នេះ រដ្ឋបាលខេត្តព្រះវិហារ បានរៀបចំពិធីក្រុងពាលីសាងសង់កាំជណ្ដើរឡើងភ្នំត្បែងមានជ័យថ្មី ធ្វើអំពីដែក ជំនួសឲ្យកាំជណ្ដើរបេតុងចាស់ ដែលរងការបាក់ស្រុតខូចខាតប្រវែង២០៣ម ដោយជំនន់ទឹកភ្លៀងកាលពីរដូវវស្សាកន្លងទៅ ដើម្បីសម្រួលដល់ការធ្វើដំណើរឡើងទៅកាន់ខ្នងភ្នំត្បែងមានជ័យ របស់បងប្អូនប្រជាពលរដ្ឋ ក៏ដូចជាភ្ញៀវទេសចរណ៍ជាតិអន្ដរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីក្រុងពាលីនេះប្រព្រឹត្តធ្វើឡើងនៅចំណុចកាំជណ្ដើរឡើងភ្នំត្បែងមានជ័យ ស្ថិតក្នុងភូមិក្រាំងដូង ឃុំព្រះឃ្លាំង ស្រុកត្បែងមានជ័យ ក្រោមអធិបតីភាពឯកឧត្ដមទេសរដ្ឋមន្ត្រី មាស សុភា ប្រធានក្រុមការងាររាជរដ្ឋាភិបាល ចុះជួយមូលដ្ឋានខេត្តព្រះវិហារ ឯកឧត្ដម ឡុង សុវណ្ណ ប្រធានក្រុមប្រឹក្សាខេត្ត ឯកឧត្ដម ប្រាក់ សុវណ្ណ អភិបាលនៃគណៈអភិបាលខេត្ត ព្រមទាំងមានការចូលរួមថ្នាក់ដឹកនាំ មន្ត្រីរាជការជាច្រើនរូបទៀត៕