ព័ត៌មានជាតិ
ចែកជូនពូជស្រូវសែនក្រអូបមិនប្រកាន់រដូវ២៩តោន ដល់កសិកររងគ្រោះដោយទឹកជំនន់
ក្រោយជំនន់ទឹកភ្លៀង ធ្វើឲ្យប៉ះពាល់ដល់ស្រូវ និងដំណាំផ្សេងៗទៀត ជាកត្តានាំឲ្យជីវភាពគ្រួសារឮប្រជាពលរដ្ឋធ្លាក់ចុះ ហើយរាជរដ្ឋាភិបាល ក៏បានផ្តល់ពូជស្រូវ និងពូជដំណាំផ្សេងៗផងដែរ ដល់ប្រជាជនរងគ្រោះគ្រប់បណ្តាខេត្តដែលប្រឈម ដើម្បីស្តារជីវភាពពួកគាត់ឡើងវិញ។
កាលពីថ្ងៃទី២៩ ខែតុលា ឆ្នាំ២០២០ លោក ងួន រតនៈ អភិបាលខេត្តបាត់ដំបង ក្រោមអធិបតីភាពលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានផ្តល់ពូជស្រូវសែនក្រអូបជាប្រភេទស្រូវមិនប្រកាន់រដូវដល់ប្រជាពលរដ្ឋរងគ្រោះចំនួន២៩០គ្រួសារ មកពីភូមិសំបុកអក ក្នុងឃុំកំពង់ព្រៀង ស្រុកសង្កែ។ ក្នុងនោះ ក៏មានផ្តល់អង្ករ និងគ្រឿងឧបភោគ បរិភោគ មួយចំនួនផងដែរ។
លោកអភិបាល បានលើកឡើងថា ជំហានដំបូង ស្រូវពូជសែនក្រអូបមិនប្រកាន់រដូវសរុបចំនួន២៩តោនចំពោះមុខនេះ ត្រូវបានបែងចែកជូនដល់បងប្អូនប្រជាកសិករចំនួន២៩០គ្រួសារ ដែលមកពីភូមិឃុំខាងលើ ដើម្បីយកទៅដាំដុះស្តារផលស្រូវឡើងវិញ ក្រោយពីទឹកជំនន់បានបំផ្លាញកន្លងមក។
បន្ថែមពីនោះ ប្រជាពលរដ្ឋចំនួន១០ស្រុក ដែលកំពុងត្រូវបានប្រឈមក្នុងការប៉ះពាល់ និងខូចខាតដំណាំជាច្រើនដូចជា ស្រូវស្រាល ,ស្រូវដើមរដូវ ,ស្រូវកណ្តាល ,ស្រូវឡើងទឹក និងស្រូវធ្ងន់ សរុបចំនួន១២៧.១៨៩ហិកតា រួមនឹងមានប៉ះពាល់ដំណាំសាកវប្បកម្ម និងដំណាំកសិឧស្សាហកម្មជាច្រើនទៀតផងដែរ។
នៅក្នុងឱកាសនោះ លោក វេង សាខុន បានបញ្ជាក់ដែរថា ក្រោយពីជំនន់ទឹកភ្លៀងបានស្រកជាធម្មតាវិញ សម្ដេចតេជោ ហ៊ុន សែន នាយករដ្ឋមន្ត្រី ក៏ដូចជាក្រសួងមន្ទីរកសិកម្ម រុក្ខាប្រមាញ់ និងនេសាទ បានប្រកាន់ជំហរក្នុងស្មារតីយកចិត្តទុកដាក់ខ្ពស់ ដើម្បីលើកទឹកចិត្តជំរុញឲ្យកសិករដែលរងគ្រោះទាំងអស់ ត្រូវខិតខំ ប្រឹងប្រែង ជម្នះនូវរាល់ឧបសគ្គនានា។ ក្នុងនោះ ដើម្បីស្តារផលិតកម្មដំណាំស្រូវ និងដំណាំរួមផ្សំឡើងវិញ តាមរយៈការផ្តល់ពូជដំណាំគ្រប់ប្រភេទពីរាជរដ្ឋាភិបាល។
ស្របជាមួយនឹងក្រសួងជួយលើកទឹកចិត្តគាំទ្រជំរុញឲ្យប្រជាពលរដ្ឋបន្តការដាំដុះស្តារឡើងវិញតាមគ្រប់រូបភាព ពិសេសដំណាំស្រូវ ក្រសួង រង់ចាំផ្តល់កិច្ចអន្តរាគមន៍គ្រប់ពេលវេលា។
អំណោយសង្គ្រោះបឋមជួយដល់ប្រជាកសិករនាពេលនេះ ក្នុងមួយគ្រួសារៗទទួលបានស្រូវពូជចំនួន១០០គីឡូក្រាម រួមជាមួយអង្ករ មី ទឹកត្រី ទឹកស៊ីអ៊ីវ និងសាច់ក្រកមួយចំនួនទៀតផងដែរ៕
អត្ថបទ ៖ សៅ សារិទ្ធ
អ្នកចិញ្ចឹមត្រីនៅកម្ពុជាស្នើរដ្ឋាភិបាលចាត់វិធានការនាំចូលត្រីពីប្រទេសជិតខាង ដើម្បីជួយគាំទ្រការចិញ្ចឹមត្រីក្នុងស្រុក
ផ្ទះទេវតាមួយខ្នង ជាអំណោយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនប្រជាពលរដ្ឋនៅខេត្តកំពង់ចាម
វឌ្ឍនភាពទំនប់អូរតេធិបតី ៖ ក្រោយដាក់សម្ពោធ អាជ្ញាធរត្រៀមតបណ្តាញផ្គត់ផ្គង់ទឹកស្អាតជូនពលរដ្ឋក្នុងខេត្តមណ្ឌលគិរី
មាស ម៉ើ ប្រសិនបើមានការឧបត្ថម្ភណាមួយលោកនឹងបន្តបើកក្លឹបមហិទ្ធិឬទ្ធិគុនខ្មែរ
អាស៊ានឯកភាពមិនទទួលយកការបោះឆ្នោតនៅមីយ៉ាន់ម៉ាគ្រោងធ្វើចុងឆ្នាំនេះ
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
ត្រឡប់មកពីក្រៅប្រទេសភ្លាម លោកឧកញ៉ា ហ៊ួត ជា នាំយកសម្ភារៈសំណង់ទៅជួយកញ្ញា ពេជ្រ ចរណៃ ភ្លាម និងទទួលធ្វើជា BA ថ្នាំលាប MC PAINT ថែមទៀត
ភ្នាក់ងារចារកម្មជាន់ខ្ពស់អ៊ុយក្រែន ត្រូវបានគេបាញ់សម្លាប់នៅរដ្ឋធានីកៀវ
រដ្ឋមន្ត្រីវប្បធម៌កម្ពុជា ប្រាប់ពិភពលោកថា ថៃលួចចម្លងប្រាសាទអង្គរវត្ត និងស្នើសុំយូណេស្កូ ពិនិត្យលើបញ្ហានេះ
ជំនន់ទឹកភ្លៀងអូរព្រំដែនកម្ពុជា ថៃ បានលិចច្រោះក្បាលស្ពាន និងផ្លូវវាងក្នុងស្រុកសំឡូត
-
ព័ត៌មានអន្ដរជាតិ១ សប្តាហ៍ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង១ សប្តាហ៍ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានជាតិ១ ថ្ងៃ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ២ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានជាតិ១៦ ម៉ោង agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៣ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច២ ថ្ងៃ agoបណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក