ទូ និង​រថយន្ត​សម្រាប់​ដឹក​វ៉ាក់​សាំង​​​ប្រឆាំងកូវីដ-១៩ បាន​មក​ដល់​កម្ពុជា​ហើយ
Connect with us
Helistar Cambodia - Helicopter Charter Services

ព័ត៌មានជាតិ

ទូ និង​រថយន្ត​សម្រាប់​ដឹក​វ៉ាក់​សាំង​​​ប្រឆាំងកូវីដ-១៩ បាន​មក​ដល់​កម្ពុជា​ហើយ

Published

on

ទូ និង​រថយន្ត​​​សម្រាប់​ដឹក​ជញ្ជូន​​វ៉ាក់​សាំង​ការពារកូវីដ១៩ បាន​​មក​ដល់​កម្ពុជា​​ ខណៈ​​ការ​បង្ហាញ​រថយន្ត​នេះ​ត្រូវ​បាន​ធ្វើ​ឡើង​​ក្រោម​​អធិបតី​ភា​សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ អមដោយប្រតិភូ និងអ្នកពាក់ព័ន្ធជាច្រើន ដែលមានលោក ម៉ម ប៊ុនហេង រដ្ឋមន្ត្រីក្រសួងសុខាភិបាល និង លោក Wang Wen Tian ឯកអគ្គរដ្ឋទូត​នៃសាធារណរដ្ឋ​ប្រជាមានិត​ចិនប្រចាំកម្ពុជា​នៅ​រសៀល​​ថ្ងៃ​ទី​៣ ខែ​​កុម្ភៈ ឆ្នាំ​២០២១​នេះ​។

រថយន្ត​​សម្រាប់​ដឹក​វ៉ាក់​សាំ​​ ដែល​យក​មក​បង្ហាញ​នៅថ្ងៃនេះ​មាន​​ចំនួន​ពីរ​គ្រឿង​ ខណៈ​​ទូ​មាន​​​ចំនួន​៤​​ ​គ្រោង​​នឹង​ដឹក​វ៉ាក់​សាំង​​ពី​ព្រលាន​យន្តហោះ​អន្តរជាតិភ្នំពេញ មកកាន់​ទីតាំង​សម្រាប់​ស្តុក​វ៉ាក់សាំង ដែល​ស្ថិត​នៅ​ក្នុង​មន្ទីរពេទ្យ​ព្រះកេតុមាលា​។

បើតាមសម្ដេចពិជ័យសេនា ទៀ បាញ់ បានថ្លែងប្រាប់អ្នកសារព័ត៌មាននៅក្នុងពិធីនោះថា វ៉ាក់សាំង​ប្រឆាំងកូវីដ-១៩ ដែលជាអំណោយរបស់សាធារណរដ្ឋប្រជាមានិតចិន នឹងមកដល់នៅក្នុងខែកុម្ភៈ នាពេលឆាប់ៗខាងមុខនេះ តែសម្ដេចមិនបានបញ្ជាក់ថា នៅថ្ងៃណាពិតប្រាកដនោះទេ។

សម្ដេចពិជ័យសេនាបានបញ្ជាក់ថា វ៉ាក់សាំងដែលមកដល់កម្ពុជាមុន​គេនេះ​គឺជាវ៉ាក់សាំង​អំណោយ​របស់សាធារណរដ្ឋប្រជាមានិតចិន ដែលមានចំនួន៦០ ម៉ឺន ដូស ក្នុងនោះ៣០ ម៉ឺនដូស បានទៅ​ខាង​យោធា និង៣០ ម៉ឺនដូស បានទៅខាងស៊ីវិល៕

កោះកែវ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services