Bay of Lights មានភាពសុទិដ្ឋិនិយមក្នុងការប្រែក្លាយខេត្តព្រះសីហនុ​ទៅជា​គោលដៅតំបន់​ទេសចរណ៍​លំដាប់​តាមរយៈ​ការច្នៃប្រឌិតព្រឹត្តិការណ៍ទេសចរណ៍ដូច Nightmare Carnival​​​ ខាងមុខ​នេះ

មកទទួលយកបទពិសោធពិធីបុណ្យហាឡូវីន (Halloween) ដ៏ពិសេសឆ្នាំនេះនៅ Nightemare Carnival របស់ Bay of Lights ដែលជាគម្រោងអភិវឌ្ឍន៍មាត់សមុទ្រប្រកប ដោយសក្ដានុពល និងចក្ខុវិស័យខ្ពស់បំផុតមួយរបស់កម្ពុជា នឹងប្រែក្លាយទៅជាភូមិ Halloween ដែលនឹងផ្ដល់នូវភាពកម្សាន្តប្លែកអារម្មណ៍ បែបផ្សងព្រេង និងព្រឺព្រួចលើឆ្នេរសមុទ្រដែលមិនមានពីមុន​មកនៅប្រទេសកម្ពុជា ចាប់ពីថ្ងៃទី២០ ខែតុលា ដល់ថ្ងៃទី៤ ខែវិច្ឆិកា ឆ្នាំ២០២៣។

កម្មវិធីបើកប្រកាសជាផ្លូវការនៃព្រឹត្តិការណ៍ Nightmare Carnival ​នេះ បានប្រព្រឹតិ្តឡើង​ក្រោមអធិបតីភាពដ៏ខ្ពង់ ខ្ពស់របស់ឯកឧត្តម គួច ចំរើន អភិបាលនៃគណៈអភិបាលខេត្ត​ព្រះសីហនុ អមដំណើរដោយលោក ឡុង ឌីម៉ង់ និងលោក ឯម ភាព អភិបាលរងនៃគណៈអភិបាលខេត្តព្រះសីហនុ រួម​ទាំង​​មន្រ្តីរាជការ ជា​ថ្នាក់​ដឹកនាំ​ក្នុងខេត្តព្រះសីហនុ ជាច្រើនរូបទៀត ដើម្បីផ្តល់ជាសក្ខីភាពយ៉ាងច្បាស់ពីការគាំទ្រ ជាពិសេសដើម្បី​បង្ហាញ​ពី​ចក្ខុវិស័យ​រួមគ្នា​ក្នុង​ការ​ប្រែ​ក្លាយ​ខេត្ត​ព្រះសីហនុទៅតំបន់ជាគោលដៅទេសចរណ៍ដ៏ចម្បងប្រកបដោយប្រសិទ្ធភាព​នៅក្នុងតំបន់។ ការឈរលើបន្ទាត់ស្របនេះដែរ ក៏បានឆ្លុះ​បញ្ចាំង​ពី​ការ​បណ្ដុះ​ស្មារតី​សហគមន៍​រួម​គ្នាក្នុងការ​អភិវឌ្ឍ​សេដ្ឋកិច្ច​​ក្នុងខេត្តព្រះសីហនុឲ្យកាន់តែរីកចម្រើន។

បន្ទាប់ពីភាពជោគជ័យ​របស់ព្រឹត្តិការណ៍ Sky fest ដែលជាព្រឹត្តិការណ៍បុណ្យបង្ហោះខ្លែងអន្តរជាតិដំបូងគេបង្អស់​នៅ​កម្ពុជា​ បានទាក់ទាញភ្ញៀវទេសចរក្នុងស្រុក និងអន្តរជាតិជាង 10,000 នាក់ នៅខែឧសភា​ កន្លងទៅនេះ Bay of Lights បានគ្រោងរៀបចំឡើងនូវព្រឹត្តិការណ៍ Nightmare Carnival អោយមានភាពអធិកអធម និងធំជាងព្រឹត្តិការណ៍មុនៗកន្លងទៅ ដោយ​រំពឹង​ថា​នឹង​ទាក់ទាញ​ភ្ញៀវទេសចរជាតិ​ និងអន្តរជាតិជាង 14,000 នាក់។ ព្រឹត្តិការណ៍​ Nightmare Carnival នឹងផ្តល់ជូននូវទស្សនីយភាព និងបទពិសោធកម្សាន្ត សប្បាយជាច្រើន ដែលមានដូចជា ការប្រគំតន្រ្តី និងការសម្ដែងរបស់ក្រុមសិល្បករ រួមជាមួយការរៀបចំឡើងនូវផ្ទះខ្មោចបែប Halloween ការចាក់បញ្ចាំងរឿងរន្ធត់ៗក្នុងរដូចរំហើយនេះ ព្រមទាំងសកម្មភាពកម្សាន្ត​លើឆ្នេរសមុទ្រជាច្រើនផ្សេងទៀតផងដែរ។ លើសពីនេះនៅ​ Nightmare Carnival ក៏មានស្តង់ល្បែងកម្សាន្ត និងតូបលក់អាហារជាច្រើនដើម្បីញ៉ាំងបរិយាកាស ឱ្យកាន់តែសប្បាយរីករាយ រស់រវើក សម្រាប់ភ្ញៀវទេសចរណ៍គ្រប់វ័យទាំងអស់។

លោក Edward Lee នាយក​គ្រប់គ្រងគម្រោងអភិវឌ្ឍន៍ Bay of Lights បានថ្លែងថា “ស្របតាមការប្តេជ្ញាចិត្តរបស់យើងក្នុងការបង្កើតប្រព័ន្ធអេកូឡូស៊ីនៃការលំហែកាយ​និងការកម្សាន្តដែលមិនធ្លាប់មានពីមុនមក យើងនឹងខិតខំចូលរួមប្រែក្លាយខេត្តព្រះសីហនុ ទៅជាតំបន់ទេសចរណ៍ដែលប្រកបដោយភាពឆ្នៃប្រឌិត តាមរយៈព្រឹត្តិការណ៍ Nightmare Carnival នេះ។ ហើយព្រឹត្តិការណ៍ Nightmare Carnival មិនមែនគ្រាន់តែជាព្រឹត្តិការណ៍កម្សាន្តមួយតែប៉ុណ្ណោះទេ តែវាគឺជាយុទ្ធសាស្ត្រដើម្បីឆ្ពោះទៅការសម្រេចនូវចក្ខុវិស័យរបស់យើងក្នុងការប្រែក្លាយខេត្តព្រះសីហនុទៅតំបន់ទេសចរណ៍ដ៏មានសក្តានុពលមួយនៅក្នុងតំបន់ឥណ្ឌូចិន។”

ភាពជាដៃគូកិច្ចសហការយ៉ាងប្រសិទ្ធភាពរវាងគម្រោងអភិវឌ្ឍន៍ Bay of Lights និងថ្នាក់នាំខេត្ត បានបង្ហាញពីការបើកទំព័រថ្មីនៃការរីកចម្រើនរបស់ខេត្តព្រះសីហនុ។ កិច្ចសហការនេះ នឹងមិនបញ្ចប់ត្រឹមពិធីបុណ្យ Halloween នេះទេ Bay of Lights បានគ្រោងរៀបចំឡើងនូវព្រឹត្តិការណ៍កម្មសិទ្ធិបញ្ញា (IP) ជាបន្តបន្ទាប់ រួមមាន Christmas Winter Wonderland និងការប្រារព្ធពិធីរាប់ថយក្រោយចុងឆ្នាំផងដែរ។ ព្រឹត្តិការណ៍នាពេលអនាគតទាំងនេះ ដែលត្រូវបានគ្រោងរៀបចំឡើង ផ្តោតសំខាន់ទៅលើវស័យបដិសណ្ឋារកិច្ច និងទេសចរណ៍ ក្នុងគោលបំណងបន្តកំណត់ស្តង់ដារថ្មីសម្រាប់វិស័យទេសចរណ៍ និងការអភិវឌ្ឍសេដ្ឋកិច្ចក្នុងតំបន់ ដ៏សម្បូរបែបរបស់ប្រទេសកម្ពុជា។

ជាមួយនឹងការផ្តោតលើព្រឹត្តិការណ៍កម្មសិទ្ធិបញ្ញា ក្នុងការផ្តល់ជូនបទពិសោធន៍ទេសចរណ៍ដ៏អស្ចារ្យ និងឆ្នៃប្រឌិតបែបនេះ Bay of Lights មានគោលបំណងកំណត់ស្តង់ដារថ្មីមួយ សម្រាប់អោយពិភពលោកបានមើលឃើញ ថាខេត្តព្រះសីហនុ ក៏ដូចជាប្រទេសកម្ពុជាទាំងមូល ពិតជាមានអ្វីដែលពិសេសអាចផ្តល់ជូនដល់ភ្ញៀវទេសចរដែលមកកម្សាន្ត។​ការតម្រឹមយុទ្ធសាស្ត្រនៃព្រឹត្តិការណ៍សំខាន់ធំៗបែបនេះ មិនមែនគ្រាន់តែជាការពង្រីកផលប័ត្រ របស់គម្រោង Bay of Lights ប៉ុណ្ណោះទេ តែជា​កាតាលីករ​សម្រាប់​ការ​បំពេញ​ចក្ខុវិស័យ​របស់​ប្រទេស​កម្ពុជា​ក្នុង​ការប្រែ​ក្លាយ​ទៅជា​ទិសដៅ​សំខាន់​មួយ​ក្នុង​តំបន់​ឥណ្ឌូចិន។

សម្រាប់ព័ត៌មានបន្ថែម សូមទំនាក់ទំនងមកកាន់យើងខ្ញុំតាមរយៈលេខ +855 87 930 196 ឬចូលទៅកាន់ Facebook Page: https://www.facebook.com/beachcluberesort ឬគេហទំព័ររបស់យើង https://bayoflights-entertainment.com/៕