Connect with us

ព័ត៌មានជាតិ

ពលរដ្ឋ​រងគ្រោះ​ដោយ​ទឹកជំនន់ចំនួន​១.២០០​គ្រួសារ​ទទួល​អំណោយពី​អង្គការ​អូស្ត្រាលី​

បានផុស

នៅ

​ប្រជាពលរដ្ឋ​រស់នៅក្នុង​ស្រុក​មង្គល​បូរី​ចំនួន​១.២០០​គ្រួសារ​ដែលរងគ្រោះ​ដោយ​ទឹកជំនន់​កន្លងមក​មាន​៣​ក្រុង ស្រុក បានទទួល​អំណោយ​ស្បៀងអាហារ​របស់​អង្គការ Cambodia Vision Inc. និង​សមាគម​អូស្ត្រាលី​-​កម្ពុជា​ នៅ​ប្រទេស​អូស្ត្រាលី​ នៅ​ស្រុក​មង្គល​បូរី ខេត្តបន្ទាយមានជ័យ នៅ​ព្រឹក ថ្ងៃទី​៨ ខែកុម្ភៈ ឆ្នាំ ២០២១​ក្នុងនោះ ពលរដ្ឋ​រងគ្រោះ​ដោយទឹក​ជំ​នន់នៅស្រុក​ថ្មពួក ​និង​ក្រុង​ប៉ោយ​ប៉ែត​​ក៏បាន​ទទួល​អំណោយ​ដែរ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ម​វិធីចែក​អំណោយ​ទាំង​៣​ស្រុក ក្រុងនោះ​ មានការ​ចូលរួម​ពី​លោក អ៊ុ រាត្រី អភិបាលខេត្ត​បន្ទាយ​មានជ័យ លោក ង៉ោ ម៉េងជ្រួន លោក លី សារី និង​លោក គឹ​ង វណ្ណៈ អភិបាលរង​ខេត្ត មន្ត្រី​ថ្នាក់ដឹក​នាំ​មន្ទីរ អង្គភាព ស្រុក​ក្រុង តំណាង​ក្រុមហ៊ុន​។​

​ស្រុក​មង្គល​បូរី គ្រួសារ​ពលរដ្ឋ​រងគ្រោះ​ទឹកជំនន់ និង​ក្រីក្រចំនួន​៤០០គ្រួសារ​មកពី​៥​ឃុំ មានឃុំ​ឬ​ស្សី​ក្រោក ឃុំ​គយ​មែ​ង ឃុំ​តា​ឡំ ឃុំ​បត់​ត្រង់ និង​ឃុំ​បន្ទាយ​នាង បានទទួល​នូវ​ការចែក​អំណោយរ​របស់​អង្គការ ខេ​ម​បូ​ឌា វី​សិន​សមាគម​ខ្មែរ​នានា នៅ​ទីក្រុង​ស៊ី​នី និង​សប្បុរជន​នៅ​ប្រទេស​អូស្ត្រាលី។ សម្រាប់​ស្រុក​ថ្មពួក​និង​ក្រុង​ប៉ោយប៉ែត ក៏​ទទួលបាន​អំណោយ​សម្រាប់​ពលរដ្ឋ​ច​ចំនួន​៨០០​គ្រួសារ​ក្នុង​១​ស្រុក ក្រុង​។​

តំណាង​អង្គការ​បាន​ឲ្យ​ដឹងថា ដំណឹង​ពីទុក្ខព្រួយ និង​ការលំបាក​ជីវភាព​របស់​បងប្អូន​ជន​រួម​ឈាម​ខ្មែរ នៅ​ស្រុក​នានា​ក្នុងខេត្តបន្ទាយមានជ័យ ដែល​រងគ្រោះ​ដោយ​គ្រោះធម្មជាតិ​ទឹកជំនន់ កាលពី​ខែ​មិថុនា​ និង​ខែតុលា​ឆ្នាំ​២០២១​នោះ បងប្អូន​ពលរដ្ឋ​អូស្ត្រាលី​ដើមកំណើត​ខ្មែរ​និង​អាស៊ី ក៏​ដូច​ពលរដ្ឋ​អូស្ត្រាលី​បាន​ចងចាំ ហើយ​ទើប​មានឱកាស​មក​រួមចំណែក​ជាមួយ​អាជ្ញាធរ​ រដ្ឋាភិបាល​​កម្ពុ​ជា​ចែក​អំណោយ​​នាពេលនេះ​។​

​លោក​អ៊ុ រាត្រី អភិបាលខេត្ត​បន្ទាយមានជ័យ​បាន​ថ្លែងថា អំណោយ​ស្បៀងអាហារ​នេះជា​របស់​អង្គ​ការ​Cambodia Vision Inc នៅ​ក្រុង​ស៊ីដនី និង​សមាគម​នានា នៅ​ប្រទេស​អូរ​ស្ត្រា​លី ដល់​ពលរដ្ឋ​រង​គ្រោះ​ដោយ​ទឹកជំនន់​កន្លងមក និង​ពលរដ្ឋ​ក្រីក្រ​ខ្មែរ​នៅទីនេះ ទោះជា​យឺត​បន្តិច​ប៉ុន្តែ វា​បានរួម​ចំ​ណែក​ដ៏​សំខាន់ ក្នុងការ​ដោះស្រាយ​បន្ត​ក្នុង​អន្តរកាល​ការលំបាក​ជីវភាព​បងប្អូន ដែល​រងគ្រោះ​ដោយ​ទឹកជំនន់​ផង ដោយ​បម្រែបម្រួល​អាកាសធាតុ និង​ដោយ​ការរីក​រាលដាល​នៃ​ជំងឺ​កូ​វីដ​១៩៕

អត្ថបទ ៖ វ៉ាន់ ណា​ង​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម