ព័ត៌មានជាតិ
សាធារណរដ្ឋឆែក ផ្តល់សម្ភារៈបណ្តុះបណ្តាល និង ឧបករណ៍វេជ្ជសាស្ត្រជាង៩០គ្រឿងជួយសង្គ្រោះដល់កុមារកម្ពុជា
ភ្នំពេញ ៖ សាធារណរដ្ឋឆែក ផ្តល់សម្ភារៈបណ្តុះបណ្តាល និង ឧបករណ៍វេជ្ជសាស្ត្រប្រមាណជាង៩០គ្រឿង ដល់មន្ទីរពេទ្យកុមារជាតិ ដើម្បីចូលរួមចំណែកក្នុងការជួយសង្គ្រោះដល់កុមារកម្ពុជា។
ពិធីប្រគល់នេះ ត្រូវបានធ្វើឡើងក្រោមអធិបតីភាពលោក សាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល និងលោក ស្តេ ផាន វួចណារ ភារៈធារីស្តីទី នៃស្ថានទូតសាធារណរដ្ឋឆែក ប្រចាំនៅភ្នំពេញ។
លោកសាស្ត្រាចារ្យ ញឹប អង្គាបុស្ស នាយកមន្ទីរពេទ្យកុមារជាតិបានឲ្យដឹងថា ឧបករណ៍គំរូសម្រាប់ការបណ្តុះបណ្តាលផ្នែកថែទាំសុខភាពទារកទើបនឹងកើត រួមទាំងឧបករណ៍វេជ្ជសាស្ត្រផ្សេងៗទៀតសរុបជាង ៩០គ្រឿង ដែលមានតម្លៃជាង ២សែនដុល្លាសហរដ្ឋអាមេរិក ត្រូវបានរៀបចំសម្រាប់មន្ទីរពេទ្យប្រើប្រាស់ ដែលជាផ្នែកមួយនៃគម្រោងអភិវឌ្ឍន៍ទ្វេភាគី និងឧបករណ៍ក្នុងកម្មវិធីជំនួយមនុស្សធម៌ សម្រាប់ការពារជំងឺកូវីដ-១៩។
លោកបានបន្តថា ឧបករណ៍ដែលបានផ្តល់នេះ អាចជួយមន្ទីរពេទ្យក្នុងការធ្វើពិពិធកម្ម និងពង្រីកការថែទាំទារកទើបនឹងកើតទាំងនៅភ្នំពេញ និងតាមបណ្តាខេត្តនានារបស់ប្រទេសកម្ពុជា ដោយសារការពង្រឹងសមត្ថភាពរបស់បុគ្គលិកពេទ្យសំខាន់ៗនៅមន្ទីរពេទ្យ និងការផ្លាស់ប្តូរបទពិសោធការអនុវត្តល្អៗពីពេទ្យឯកទេសជនជាតិឆែក។
លោក សាស្ត្រាចារ្យ ម៉មប៊ុនហេង រដ្ឋមន្ត្រីក្រសួងសុខាភិបាលបានណែនាំដល់មន្ទីរពេទ្យកុមារជាតិត្រូវយកឧបករណ៍ទាំងនេះទៅប្រើប្រាស់និងបែងចែកទៅតាមមន្ទីរពេទ្យបណ្តាខេត្តផ្សេងៗទៀតដើម្បីយកទៅជួយសង្គ្រោះដល់កុមារសំដៅកាត់បន្ថយអត្រាស្លាប់របស់កុមារនៅកម្ពុជាឲ្យកាន់តែថយចុះថែមទៀត៕
ដោយ ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ