ព័ត៌មានជាតិ
ចេញវិធានការ៣ចំណុច ទប់ស្កាត់ ការឆ្លងរាលដាលជំងឺបម្លែងខ្លួនថ្មីពីវៀតណាម
លោក ម៉ែន វិបុល អភិបាល នៃគណៈអភិបាលខេត្តស្វាយរៀង បានចេញវិធានការចំនួន៣ចំណុច ដល់មន្ត្រីពាក់ព័ន្ធដើម្បីពង្រឹងទីតាំងការធ្វើចត្តាឡីស័កនៅក្នុងភូមិសាស្ត្រខេត្តឲ្យបានល្អប្រសើរ សំដៅទប់ស្កាត់ការឆ្លងរីករាលដាលជំងឺកូវីដ១៩ ជាពិសេសប្រភេទជំងឺបម្លែងខ្លួនថ្មីពីប្រទេសវៀតណាម។
ថ្លែងក្នុងឱកាសដឹកនាំកិច្ចប្រជុំត្រួតពិនិត្យ និងពង្រឹងការអនុវត្តការងារនៅតាមទីតាំងចត្តាឡីស័កក្នុងភូមិសាស្ត្រខេត្តស្វាយរៀង លោក អភិបាលខេត្តបានណែនាំដល់អាជ្ញាធរពាក់ព័ន្ធដែលមានមណ្ឌលចត្តាឡីស័កទាំងអស់មានដូចជា៖
ទី១-ត្រូវពង្រឹងការត្រួតពិនិត្យ និងអនុវត្តឱ្យបានម៉ឺងម៉ាត់ ម៉តចត់ ចំពោះអ្នកដែលស្នាក់នៅតាមមណ្ឌលចត្តាឡីស័ក ដោយអនុវត្តឱ្យបានត្រឹមត្រូវស្របតាមវិធានការ នៃការធ្វើចត្តាឡីស័ក រយៈពេល ១៤ថ្ងៃ របស់ក្រសួងសុខាភិបាល។
ទី២-ត្រូវយកចិត្តទុកដាក់ចាត់ចែងរៀបចំ និងត្រួតពិនិត្យឲ្យបានជាប់ជាប្រចាំ នូវការស្នាក់នៅ ព្រមទាំងការផ្គត់ផ្គង់ការហូបចុកប្រចាំថ្ងៃរបស់អ្នកកំពុងធ្វើចត្តាឡីស័កឱ្យបានគ្រប់គ្រាន់ ប្រកបដោយអនាម័យ ក្នុងកំឡុងពេលធ្វើចត្តាឡីស័ក នៅតាមមណ្ឌលនីមួយៗ។
ទី៣-ត្រូវសហការជាមួយមន្ត្រីសុខាភិបាល ក្នុងការពិនិត្យសុខភាព ការធ្វើសំណាក និងរឹតបន្តឹងការធ្វើចត្តាឡីស័កចំពោះអ្នកធ្វើចត្តាឡីស័ក ឲ្យបានម៉ឺងម៉ាត់ ចៀសវាងមានការលួចរត់ចេញពីមណ្ឌលជាដើម ។
ទន្ទឹមនេះ លោកអភិបាលខេត្ត ក៏បានណែនាំបន្ថែមដល់លោកអភិបាលក្រុង ស្រុក ដែលមានព្រំប្រទល់ជាប់នឹងប្រទេសវៀតណាម ត្រូវបន្តសហការពង្រឹងការត្រួតពិនិត្យនៅតាមព្រំដែន ដើម្បីបង្ការ ទប់ស្កាត់ការលួចឆ្លងដែនខុសច្បាប់ ហើយក្នុងករណីមានប្រជាពលរដ្ឋឆ្លងដែនចូលមកកម្ពុជា ត្រូវធ្វើការត្រួតពិនិត្យ និងចាត់ចែងរៀបចំចត្តាឡីស័កឲ្យបានត្រឹមត្រូវ និងម៉ឺងម៉ាត់បំផុត៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)