ព័ត៌មានជាតិ
អាជ្ញាធរខេត្តកំពង់ធំ ប្រគល់វិញ្ញាបនបត្រសម្គាល់ម្ចាស់អចលនវត្ថុ ប្រមាណ ១.០០០ បណ្ណ ជូនប្រជាពលរដ្ឋ ស្រុកប្រាសាទសំបូរ
អាជ្ញាធរខេត្តកំពង់ធំបានប្រគល់វិញ្ញាបនបត្រសម្គាល់ម្ចាស់អចលនវត្ថុប្រមាណ១.០០០ បណ្ណ ជូនប្រជាពលរដ្ឋ ឃុំឈូក ស្រុកប្រាសាទសំបូរ ដើម្បីផ្តល់សិទ្ធិស្របច្បាប់ ក្នុងការកាន់កាប់អាស្រ័យផល និងបន្តមរតកទៅកូនចៅជំនាន់ក្រោយ។
នៅថ្ងៃទី២១ ខែមីនា ឆ្នាំ២០២៤ លោក ងួន រតនៈ អភិបាលខេត្តកំពង់ធំ អញ្ជើញប្រគល់វិញ្ញា បនបត្រសម្គាល់ម្ចាស់អចលនវត្ថុ ១.០៨០ បណ្ណ ជូនប្រជាពលរដ្ឋភូមិប្រាសាទ ឃុំឈូក ស្រុកប្រាសាទសំបូរ។
![](https://www.kampucheathmey.com/wp-content/uploads/2024/03/photo_2024-03-22_09-24-21-1024x744.jpg)
លោកអភិបាលខេត្តលើកឡើងថា ការផ្តល់ជូននេះ គឺជាការផ្តល់សិទ្ធិស្របច្បាប់ក្នុងការកាន់កាប់ ចាត់ចែង និងបន្តមរតក ទៅកាន់កូនចៅជំនាន់ក្រោយ។
បើតាមលោក ងួន រតនៈ ក្នុងអំឡុងនៃការចុះធ្វើប័ណ្ណជូនបងប្អូន គឺមន្រ្តីជំនាញបានធ្វើការងារដោយប្រុងប្រយ័ត្ន និងទទួលខុសត្រូវខ្ពស់ ហ្មត់ចត់បំផុត ក្នុងការធ្វើបណ្ណកម្មសិទ្ធិ ចុះបញ្ជីដីធ្លីមានលក្ខណៈជាប្រព័ន្ធសម្រាប់ភូមិនីមួយៗ រហូតសម្រេចបានផ្តល់វិញ្ញាបនបត្រសម្គាល់ម្ចាស់ អចលនវត្ថុជូនប្រជាពលរដ្ឋឱ្យប្រើប្រាស់ដោយស្របច្បាប់ និងមានសិទ្ធិជាអចិន្ត្រៃយ៍រហូត។
![](https://www.kampucheathmey.com/wp-content/uploads/2024/03/photo_2024-03-22_09-24-15-1024x783.jpg)
ការផ្តល់បណ្ណកម្មសិទ្ធិនេះនឹងបញ្ចៀសជម្លោះដីធ្លីរ៉ាំរ៉ៃដែលយន្តការនេះនៅតែបន្តដោះស្រាយនៅក្រៅប្រព័ន្ធតុលាការដោយអនុវត្តតាម យុទ្ធសាស្ត្រឈ្នះឈ្នះ ដើម្បីប្រែក្លាយទៅ ជាតំបន់មួយជាតំបន់ដែលមានសន្តិភាពដីធ្លី។
លោក ងួន រតនៈ បញ្ជាក់ថា បណ្ណកម្មសិទ្ធិនេះផ្តល់ជូនដល់ ប្រជាពលរដ្ឋណាដែលបានបំពេញគ្រប់លក្ខខណ្ឌ និងបទដ្ឋានបច្ចេកទេសស្របតាមច្បាប់ និងបទដ្ឋានគតិយុត្ត ជាធរមាន ទើបអាចធ្វើបណ្ណកម្មសិទ្ធិនេះបាន ដើម្បីធានាសុវត្ថិភាពដល់ប្រជាពលរដ្ឋជាម្ចាស់ដី និងអ្នកកាន់កាប់ ជាក់ស្តែង មិនមានការភ័យខ្លាច។
![](https://www.kampucheathmey.com/wp-content/uploads/2024/03/photo_2024-03-22_09-24-12-1024x614.jpg)
លោកអភិបាលខេត្ត ជំរុញដល់អាជ្ញាធរមូលដ្ឋានផ្សព្វផ្សាយដល់ប្រជាពលរដ្ឋមកទទួលយកវិញ្ញាបនបត្រសម្គាល់ម្ចាស់អចលនវត្ថុនេះឲ្យបានគ្រប់ៗគ្នា។
លោក អ៊ឹម សុឌីណា ប្រធានមន្ទីរដែនដី នគររូបនីយកម្ម សំណង់និង សុរិយោដីខេត្ត ធ្វើរបាយការណ៍បញ្ជាក់ផងដែរថា ការប្រគល់វិញ្ញាបនបត្រសម្គាល់ម្ចាស់អចលនវត្ថុ១០៨០ប័ណ្ណ ជូនប្រជាពលរដ្ឋមាន៖ ដីលំនៅដ្ឋានចំនួន៥១៥បណ្ណ, ដីផលិតកម្មកសិកម្មចំនួន ៥៦៣បណ្ណ, ដីវត្តចំនួន០១បណ្ណ, ដីសាលារៀនចំនួន០១ប័ណ្ណ, ដីគ្មានទិន្នន័យចំនួន១៥២ក្បាលដី, ទ្រព្យខាងប្តីចំនួន២៣៥ប័ណ្ណ, ទ្រព្យប្រពន្ធចំនួន៤៣៥ប័ណ្ណ, ទ្រព្យលីវចំនួន៩៦បណ្ណ, ទ្រព្យរួមប្តីប្រពន្ធចំនួន៣០១បណ្ណ, ទ្រព្យរដ្ឋចំនួន០១ប័ណ្ណ, ទ្រព្យកម្មសិទ្ធិអវិភាគចំនួន០៥បណ្ណ, ទ្រព្យសហកម្មសិទ្ធិចំនួន០៦ប័ណ្ណ និងទ្រព្យវត្តចំនួន០១ប័ណ្ណ៕
![](https://www.kampucheathmey.com/wp-content/uploads/2024/03/photo_2024-03-22_09-24-13-1024x682.jpg)
អត្ថបទ៖ ឈាង មករា
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៦ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៣ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
ព័ត៌មានជាតិ១ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
សន្តិសុខសង្គម២០ ម៉ោង ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់