ព័ត៌មានអន្ដរជាតិ
កប៉ាល់ដឹកប្រេងក្រឡាប់នៅហ្វីលីពីនបណ្តាលឲ្យកំពប់ប្រេង១៥០០តោនចូលសមុទ្រ
កប៉ាល់ដឹកប្រេងឥន្ធនៈឧស្សាហកម្ម១គ្រឿង បានក្រឡាប់នៅឆ្នេរសមុទ្រប្រទេសហ្វីលីពីន កាលពីព្រឹកថ្ងៃព្រហស្បតិ៍ទី២៥ ខែកក្កដា ឆ្នាំ២០២៤ ដែលបណ្ដាលឲ្យកំពប់ប្រេងចូលក្នុងទឹកសមុទ្រចំនួន ១៥០០តោន។
រដ្ឋលេខាធិការដឹកជញ្ជូនហ្វីលីពីន លោក Jaime Bautista បានឲ្យដឹងថា សមាជិកនាវិកម្នាក់នៅលើកប៉ាល់ដឹកប្រេង MT Terra Nova ត្រូវគេរាយការណ៍ថាបានបាត់ខ្លួន ខណៈនាវិកចំនួន១៦នាក់ផ្សេងទៀតត្រូវបានជួយសង្គ្រោះទាន់ពេលវេលា។ ហេតុការណ៍នេះ កើតឡើងដោយសារតែកត្តាអាកាសធាតុមិនល្អនៅលើផ្ទៃសមុទ្រ ទើបបណ្ដាលឲ្យក្រឡាប់លិចនៅក្នុងឆ្នេរសមុទ្រក្រុង Limay ខេត្ត Bataan។
លោក Bautista បាននិយាយថា៖«មានការកំពប់ប្រេងរួចហើយ។ ឥឡូវនេះ យើងមិនអាចបញ្ជូនកម្លាំងរបស់យើងទៅបានទេ ដោយសារខ្យល់បក់បោកខ្លាំង និងរលកធំៗ»។
បច្ចុប្បន្នអាជ្ញាធរហ្វីលីពីនកំពុងបើកប្រតិបត្តិការស្វែងរកនាវិកដែលបាត់ខ្លួន។
សូមរំឭកថា កាលពីខែកុម្ភៈឆ្នាំ២០២៣ ហ្វីលីពីនក៏ធ្លាប់កើតមានហេតុការណ៍កំពប់ប្រេងចូលសមុទ្រ ដោយកាលណោះ កប៉ាល់ដឹកប្រេងចំនួន៨០ម៉ឺនលីត្រ បានលិចនៅតំបន់កោះ Mindoro។ ហេតុការណ៍នេះ បានបំពុលទឹកសមុទ្រ និងតំបន់ឆ្នេរនៅខេត្ត Oriental Mindoro ដែលបង្កផលប៉ះពាល់យ៉ាងធ្ងន់ធ្ងរដល់ឧស្សាហកម្មនេសាទនិងទេសចរណ៍របស់ប្រទេសសម្បូរដោយកោះច្រើនបំផុតនៅអាស៊ីអាគ្នេយ៍នេះ៕
ដោយ៖ ឈាង
-
សន្តិសុខសង្គម១ សប្តាហ៍ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ១ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ១ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា