អភិបាលខណ្ឌឬស្សីកែវ ចុះពិនិត្យទីតាំងចំណោទដែលតែងមានរថយន្តរអិលថយក្រោយបុកចូលផ្ទះពលរដ្ឋ

បន្ទាប់ពីមានករណីរថយន្ដរអិលថយក្រោយបុកចូលផ្ទះប្រជាពលរដ្ឋញឹកញាប់នៅចំណុចផ្លូវបេតុងថ្មី ផ្លូវលេខ៩៩ ភូមិទួលសង្កែ សង្កាត់ទួលសង្កែ១ នៅរសៀលថ្ងៃទី២២ ខែកក្កដា លោក ជិន ប៊ុនធឿន អភិបាលនៃគណអភិបាលខណ្ឌឫស្សីកែវ បានចុះពិនិត្យដើម្បីមានវិធានការការពារបង្ការគ្រោះថ្នាក់នៅថ្ងៃមុខបន្តទៀត។

បន្ទាប់ពិនិត្យជាក់ស្ដែង លោកអភិបាលខណ្ឌបានសម្រេចឲ្យជំនាញសិក្សាត្រៀមដាក់របាកំណត់កម្ពស់ទាំងចុះ និងឡើងសម្រាប់រថយន្តធុនធ្ងន់។

សូមជម្រាបថា កាលពីរសៀលថ្ងៃទី២២ ខែកក្កដា ឆ្នាំ២០២៤ នៅបណ្តោយផ្លូវ ៩៩ប៊េ កែងផ្លូវផ្ទះក្រហម ក្នុងសង្កាត់ទួលសង្កែទី១ ខណ្ឌឬស្សីកែវ មានករណីរថយន្ដដឹកសុីទែនទឹកឡើងចំណោទមិនរួចបានរអិលថយក្រោយបុកចូលផ្ទះប្រជាពលរដ្ឋបណ្ដាលឲ្យខូចខាតសម្ភារមួយចំនួន។

បើតាមប្រជាពលរដ្ឋដែលរស់នៅជិតកន្លែងកើតហេតុ ចំណុចនេះតែងមានរថយន្ដធុនធ្ងន់បើកឡើងចំណោទមិនរួច និងបានរអិលថយក្រោយជារឿយៗ ដែលជាបញ្ហាព្រួយបារម្ភពីបញ្ហាសុវត្ថិភាព៕

អត្ថបទ៖ ម៉េង