ជីវិតកម្សាន្ដ

2NE1 ប្រកាសប្រគំតន្ត្រីនៅសេអ៊ូល ត្រៀមអបអរខួបលើកទី១៥ នៃការបង្ហាញខ្លួនដំបូង

បានផុស

២ years មុន

នៅ

ថ្ងៃព្រហស្បតិ៍ ២៥ កក្កដា ២០២៤

ដោយ

ផលិតកម្ម YG Entertainment បានប្រកាសពីការប្រគំតន្ត្រីដ៏ជោគជ័យរបស់ 2NE1 ដែលមានឈ្មោះថា ‘2024 2NE1 Concert [Welcome Back] in Seoul’ ដើម្បីអបអរសាទរខួបលើកទី ១៥ នៃការបង្ហាញខ្លួនលើកដំបូងចាប់តាំងពីបំបែកក្រុម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារ YG Entertainment របស់ 2NE1 បាននិយាយកាលពីថ្ងៃព្រហស្បតិ៍ថា “ដោយសារឆ្នាំនេះជាខួបលើកទី ១៥ របស់ 2NE1 ហើយការជួបជុំគ្នាយ៉ាងខ្លាំងជាមួយក្រុមចម្រៀងស្រីបានកើតឡើង ពួកយើងចង់ចាប់ផ្តើមការសម្តែងរបស់ខ្លួននៅក្នុងឆ្នាំនេះ” ។

សមាជិកទាំងអស់ចង់ចាប់ផ្តើមដំណើរទេសចរណ៍ពិភពលោកនៅទីក្រុងសេអ៊ូល ទោះបីជាកន្លែងប្រគំតន្ត្រីនៅទីក្រុង Kobe និងទីក្រុងតូក្យូ ប្រទេសជប៉ុន ត្រូវបានកក់ទុកមុនក៏ដោយ។ YG បាននិយាយថា “កន្លែងធំជាងនេះ ត្រូវបានកក់ពេញរួចហើយ ហើយវាពិតជាសំណាងណាស់ដែលយើងអាចធានាបាននូវសាលអូឡាំពិក” ។

ដោយឡែក ការប្រគំតន្ត្រីនៅសេអ៊ូលនឹងប្រព្រឹត្តទៅចាប់ពីថ្ងៃទី ៥ដល់ថ្ងៃទី០៦ ខែតុលា នៅសាលអូឡាំពិក ឧទ្យានអូឡាំពិកក្នុងទីក្រុងសេអ៊ូល ដោយសំបុត្រនឹងចាប់ផ្តើមលក់នៅថ្ងៃទី ០៥ ខែសីហា វេលាម៉ោង៨យប់ KST ។

នេះនឹងកត់សម្គាល់ការប្រគំតន្ត្រីទោលលើកដំបូងរបស់ 2NE1 នៅទីក្រុងសេអ៊ូលក្នុងរយៈពេលជាង ១០ ឆ្នាំ ចាប់តាំងពីការប្រគុំតន្ត្រី ‘All or Nothing’ ឆ្នាំ ២០១៤ របស់ពួកគេដែលបានធ្វើឡើងនៅក្នុងខែមីនា។ បន្ទាប់ពីកម្មវិធីបើកឆាកនៅទីក្រុងសេអ៊ូល សមាជិកក្រុម 2NE1 នឹងស្វាគមន៍អ្នកគាំទ្រនៅ Kobe និង Tokyo ក្នុងខែវិច្ឆិកា និងធ្នូ ដោយចាប់ផ្តើមដំណើរទេសចរណ៍ពិភពលោកដែលគ្រោងនឹងបន្តដល់ឆ្នាំ ២០២៥។

យ៉ាងណាមិញ ការបង្ហាញខ្លួនជាលើកដំបូងជាមួយបទ “Fire” ក្នុងឆ្នាំ ២០០៩ 2NE1 បានចេញបទចម្រៀងជាច្រើនដូចជា “I Don’t Care” (២០១០), “I Am the Best” (២០១១), “Lonely” (២០១១), “I Love You” (២០១២), “Missing You” (២០១៣ និង “Come Back Home” (២០១៤) ដែលទទួលបានការសាទរយ៉ាងទូលំទូលាយមកទល់សព្វថ្ងៃ៕