Adidas សុំទោស Bella Hadid បន្ទាប់ពីនាងបង្ហាញមុខក្នុងយុទ្ធនាការរិះគន់អ៊ីស្រាអែល

Adidas បានសុំទោសចំពោះតារាម៉ូដែល Bella Hadid បន្ទាប់ពីបានទាញការផ្សាយពាណិជ្ជកម្មស្បែកជើងកីឡា ដែល​ក្លាយ​ជា​មុខ​ក្នុង​យុទ្ធនាការ​សម្រាប់​ការ​ដាក់​លក់​ស្បែកជើង​ឡើង​វិញ ​ជុំវិញ​ព្រឹត្តិការណ៍​អូឡាំពិក​ទីក្រុង Munich ឆ្នាំ ១៩៧២។

ការសុំទោសដែលបានចេញផ្សាយនៅលើ Instagram បាននិយាយថា “ការតភ្ជាប់បន្តត្រូវបានធ្វើឡើងចំពោះសោកនាដកម្មដ៏គួរឲ្យភ័យខ្លាច​ ដែលបានកើតឡើងនៅឯកីឡាអូឡាំពិកទីក្រុង Munich ដោយសារតែយុទ្ធនាការ SL72 នាពេលថ្មីៗនេះរបស់យើង ដោយសំដៅទៅលើការសម្លាប់រង្គាលអូឡាំពិកនៅទីក្រុង Munich ឆ្នាំ ១៩៧២ នៅពេលដែលអត្តពលិកអ៊ីស្រាអែល ត្រូវបានចាប់ធ្វើជាចំណាប់ខ្មាំងដោយ Black September ។ អង្គការ ដែលជាក្រុមសកម្មប្រយុទ្ធប៉ាឡេស្ទីន​ បានសម្លាប់ជនជាតិអ៊ីស្រាអែល ១១នាក់ មន្ត្រីប៉ូលិសអាល្លឺម៉ង់ និងអ្នកវាយប្រហារ ៥នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តី​ថ្លែងការណ៍​បាន​បន្ត​ថា​ «​​យើង​សូម​អភ័យទោស​ចំពោះ​ការ​តូចចិត្ត ឬ​ទុក្ខព្រួយ​ដែល​បង្ក​ឡើង​ដល់​សហគមន៍​ជុំវិញ​ពិភពលោក​។ យើងបានធ្វើកំហុសដោយអចេតនា យើងក៏សូមអភ័យទោសដល់ដៃគូរបស់យើង Bella Hadid, ASAP Nast, Jules Koundé និងអ្នកផ្សេងទៀតចំពោះផលប៉ះពាល់អវិជ្ជមានណាមួយមកលើពួកគេ ហើយយើងកំពុងកែសម្រួលយុទ្ធនាការនេះ»។

កាលពីថ្ងៃសុក្រ ក្រុមហ៊ុនដែលមានមូលដ្ឋាននៅប្រទេសអាល្លឺម៉ង់បាននិយាយនៅក្នុងសេចក្តីថ្លែងការណ៍មួយថា ខ្លួនកំពុង ពិនិត្យឡើងវិញនូវយុទ្ធនាការដែលនៅសល់ បន្ទាប់ពីការរិះគន់លើការចូលរួមរបស់ Hadid ដោយអ៊ីស្រាអែលនៅលើ X ថា “Bella Hadid ជា​តារា​ម៉ូដែល​ម្នាក់​ដែល​មាន​ប្រវត្តិ​ផ្សព្វផ្សាយ​ពី​ការ​ប្រឆាំង​នឹង​សាសនា និង​ការ​អំពាវ​នាវ​ឲ្យ​មាន​អំពើ​ហិង្សា​លើ​ជន​ជាតិ​អ៊ីស្រាអែល និង​ជន​ជាតិ​យូដា។

ជារឿយៗ កំពូល​តារា​បង្ហាញ​ម៉ូដ​អាមេរិក​វ័យ២៧​ ដែលមានឪពុកជា​ជនជាតិ​ប៉ាឡេស្ទីន ជាញឹកញយនាងបានទាក់ទាញការខឹងសម្បារពីរដ្ឋាភិបាលអ៊ីស្រាអែល ដោយសារតែនាងតែងតែរិះគន់រដ្ឋាភិបាលអ៊ីស្រាអែលម្តងហើយម្តងទៀត និងគាំទ្រប៉ាឡេស្ទីនជាច្រើនឆ្នាំកន្លងមក ហើយនៅថ្ងៃទី ២៣ខែតុលាបានធ្វើសេចក្តីថ្លែងការណ៍មួយនៅលើ Instagram ទួញសោកចំពោះការបាត់បង់ជីវិតស្លូតត្រង់ ខណៈពេលដែលនាងក៏បានអំពាវនាវឲ្យអ្នកដើរតាមដាក់សម្ពាធមេដឹកនាំរបស់ពួកគេឲ្យការពារជនស៊ីវិលនៅតំបន់ហ្គាហ្សា។

ទន្ទឹមនោះថែមទៀត នៅពេលដែល Bella Hadid បង្ហាញខ្លួននៅលើក្របទស្សនាវដ្តី Vogue ក្នុងឆ្នាំ ២០២១ នាងបាននិយាយនៅលើ Instagram ដោយគ្មានការភ័យខ្លាចថា “ក្មេងស្រីប៉ាឡេស្ទីននៅលើក្របទស្សនាវដ្តី Vogue ។ ភាពរីករាយដែលនាំឲ្យខ្ញុំនិយាយថា ខ្ញុំនឹងមិនឈប់និយាយអំពីការគៀបសង្កត់ ការឈឺចាប់ និងភាពរាបទាបជាប្រព័ន្ធ ដែលប្រជាជនប៉ាឡេស្ទីនប្រឈមមុខជាប្រចាំនោះទេ”៕

អត្ថបទ៖ សាង ស្រីល័ក្ខ

ចុចអាន៖Adidas ដក Bella Hadid ចេញពីពាណិជ្ជកម្ម ក្រោយរងការរិះគន់យ៉ាងចាស់ដៃពី អ៊ីស្រាអែល