ព័ត៌មានជាតិ

លោក ហ៊ុន ម៉ាណែត៖ ការប្រយុទ្ធប្រឆាំងជំងឺកូវីដ-១៩ គឺផ្តើមចេញពីខ្លួនយើង

បានផុស

៣ years មុន

នៅ

ថ្ងៃព្រហស្បតិ៍ ២៥ កុម្ភៈ ២០២១

ដោយ

លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក បានផ្ញើសារឱ្យប្រជាពលរដ្ឋចូលរួមទប់ស្កាត់ការឆ្លងរីករាលដាលជំងឺកូវីដ-១៩ ដោយបានបញ្ជាក់ថា ការប្រយុទ្ធប្រឆាំងជំងឺកូវីដ១៩ គឺផ្តើមចេញពីខ្លួនយើង ដើម្បីការពារខ្លួនយើង និងអ្នកនៅជុំវិញខ្លួនយើង។

លោកឧត្តមសេនីយ៍ឯក ហ៊ុន ម៉ាណែត បានបញ្ជាក់នៅថ្ងៃទី២៤ ខែកុម្ភៈ ឆ្នាំ២០២១ នេះយ៉ាងដូច្នេះថា “ក្នុងកាលៈទេសៈនៃការរីករាលដាលក្នុងសហគមន៏ នៃជម្ងឺកូវីដ-១៩ នាពេលនេះ សូមបងប្អូនចូលរួមអនុវត្តនូវវិធានសុខាភិបាលក្នុងការទប់ស្កាត់ការឆ្លងនៃជំងឺកូវីដ-១៩ ដើម្បីការពារខ្លួនយើង គ្រួសារយើង និងសង្គមជាតិយើង ព្រោះការប្រយុទ្ធប្រឆាំងនឹងជំងឺឆ្លងដ៏សាហាវនេះ គឺផ្តើមចេញពីខ្លួនយើង ដើម្បីការពារខ្លួនយើង និងអ្នកនៅជុំវិញខ្លួនយើង”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារនេះត្រូវបានឧត្តមសេនីយ៍ឯក ហ៊ុន ម៉ាណែត បានបង្ហោះលើផេកហ្វេសប៊ុកផ្លូវការ កាលពីព្រឹកមិញ ហើយស្របពេលដែលស្ថានភាពនៃការរីករាលដាលនៃជំងឺកូវីដ១៩ ក្នុងសហគមន៍ “ព្រឹត្តិការណ៍ ២០ កុម្ភៈ” គួឲ្យព្រួយបារម្ភ។

បើតាមតាមក្រសួងសុខាភិបាល នៅព្រឹកថ្ងៃទី២៤ ខែកុម្ភៈ ឆ្នាំ២០២១នេះ បានរកឃើញអ្នកឆ្លងជំងឺកូវីដ-១៩ ចំនួន៤០នាក់ថ្មីទៀត ដែលក្នុងនោះមាន៣៨ នាក់ជាករណីឆ្លងសហគមន៍ក្នុង “ព្រឹត្តិការណ៍ ២០ កុម្ភៈ” និង២ នាក់ជាករណីនាំចូលពីក្រៅប្រទេស ហើយគ្រាន់តែរយៈពេល៤ ថ្ងៃ ដែលករណីឆ្លងសហគមន៍ក្នុង “ព្រឹត្តិការណ៍២០កុម្ភៈ” មានអ្នកឆ្លងរហូតដល់ជាង១៣០នាក់ទៅហើយ៕

អត្ថបទ ៖ កោះកែវ

Related Topics:

Up Next

មេទ័ពកម្ពុជា ប្រាប់អនុព័ន្ធយោធាមីយ៉ាន់ម៉ា អំពីជំហររបស់កម្ពុជា

Don't Miss

កម្ពុជា-ហ្វីលីពីន ពិភាក្សារិះរកមធ្យោបាយឲ្យទំហំពាណិជ្ជកម្ម និងវិនិយោគ បានប្រសើរជាងមុន