ព័ត៌មានជាតិ

កុមារីជនជាតិវៀតណាម ទើបអាយុ ១៦ ខែ នៅភ្នំពេញ តេស្តមានកូវីដ ១៩

បានផុស

៤ years មុន

នៅ

ថ្ងៃព្រហស្បតិ៍ ២៥ កុម្ភៈ ២០២១

ដោយ

ក្នុងចំណោមអ្នកឆ្លងថ្មីនៅព្រឹកនេះ។ កុមារីនេះស្នាក់នៅរាជធានីភ្នំពេញ។ មូលហេតុនៃការការឆ្លងរបស់កុមារីរូបនេះ មិនត្រូវបានបញ្ជាក់បន្ថែមទៀត។

ការផ្ទុះព្រឹត្តិការណ៍សហគមន៍ ២០ កុម្ភៈ អ្នកឆ្លងកើនដល់ ១៩៤ នាក់ ដែលភាគច្រើនជាជនជាតិចិន។ ក្នុងនោះក៏មានកុមារក្រោមអាយុ ១៦ ឆ្នាំ ចំនួនពីរនាក់បានឆ្លងរួមទាំងកុមារីខាងលើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាលើកដំបូង ព្រឹកនេះកម្ពុជាប្រកាសមានអ្នកឆ្លងច្រើនបំផុតមិនធ្លាប់មាន ក្នុងរយៈពេលផ្ទុះវិបត្តិកូវិដ ១៩ ជាងមួយឆ្នាំនេះ។ មានអ្នកឆ្លងសរុប ៦៥ នាក់ក្នុងចំណោមអ្នកឆ្លង ៦៥ នាក់ ការឆ្លងក្នុងសហគមន៍ ២០ កុម្ភៈ មានចំនួន ៥៨ នាក់ និងពាក់ព័ន្ធអ្នកដំណើរមកពីក្រៅប្រទេសចំនួន ០៧ នាក់។

ការផ្ទុះកូវិដក្នុងព្រឹត្តិការណ៍ ២០ កុម្ភៈ បានរាលដាលដល់ខេត្តក្រុងចំនួន ០៣។ រាជធានីភ្នំពេញ ខេត្តកណ្ដាល និងខេត្តព្រះសីហនុ ត្រូវបានដាក់ក្នុងការប្រុងប្រយ័ត្ន បន្ទាប់ពីរកឃើញអ្នកពាក់ព័ន្ធ និងអ្នកឆ្លងកូវីដ ១៩ជាបន្តបន្ទាប់។
ការផ្ទុះក្នុងសហគមន៍ ២០ កុម្ភៈ លើកនេះមានសភាពធ្ងន់ធ្ងរ។ គួរឲ្យបារម្ភនោះ កូវិដបំប្លែងខ្លួនត្រូវបានរកឃើញលើជនរងគ្រោះចំនួន ០៦ ករណី ដែលមន្រ្តីសុខាភិបាលលើកឡើងពិបាកគ្រប់គ្រង និងមានការឆ្លងរាលដាលលឿន។

ដោយសារចំនួនអ្នកឆ្លងកើនឡើងជារៀងរាល់ថ្ងៃ រដ្ឋាភិបាលបានបញ្ជាឲ្យផ្អាកបណ្តោះអាសន្នសាលារៀនក្នុងរាជធានីនិងខេត្តកណ្តាលយ៉ាងតិច២សប្តាហ៍។ ទីតាំងចំនួន ៦៣ ក្នុងក្រុងភ្នំពេញ ត្រូវបានអាជ្ញាធរចុះបិទភ្លាមៗ ដោយសារមានពាក់ព័ន្ធអ្នកឆ្លងកូវីដ។

ការរៀបចំពិធីមង្គលការក៏ស្នើឲ្យមានការពន្យាពេល ឬក៏កាត់បន្ថយចំនួនមនុស្សចូលរួម។ រដ្ឋាភិបាលបានអំពាវនាវប្រជាពលរដ្ឋ បើមិនមានការចាំបាច់កុំចាកចេញពីផ្ទះ ដើម្បីទប់ស្កាត់ការឆ្លងបន្តចូលសហគមន៍កាន់តែធ្ងន់ធ្ងរ៕

គិតត្រឹមព្រឹកថ្ងៃទី២៥ ខែកុម្ភៈ ឆ្នាំ២០២១ អ្នកឆ្លងសរុបមានចំនួន ៦៩៧ នាក់ និងអ្នកជាសះស្បើយចំនួន ៤៧៧ នាក់៕

អត្ថបទ៖ ប៊ុណ្ណារ៉ា

Related Topics: