មុន​នេះ​អភិបាល​ខណ្ឌ​ដង្កោ​បញ្ជាក់ស្រ្តី​ខ្មែរ​ម្នាក់​នៅខណ្ឌ​ដង្កោធ្វើ​ការ​ជាមួយ​​ចិន ឆ្លង​​កូវិដ ១៩

អាជ្ញាធរ​ខណ្ឌ​ដង្កោ បាន​ប្រាប់​កម្ពុជា​ថ្មី​នៅ​មុន​នេះ​បន្តិច​លើ​ករណី​ស្រ្តី​ខ្មែរម្នាក់​នៅ​ខណ្ឌ​ដង្កោ​ បាន​តេស្ត​មាន​វិជ្ជមាន​កូវីដ ១៩។

លោក​ស្រី គឹម ញិប អភិបាល​ខណ្ឌ​ដង្កោ​បាន​ឲ្យ​ដឹង​ថា ស្រ្តី​ដែល​ឆ្លង​កូវិដ ១៩ មាន​ពាក់ព័ន្ធ​និង​ធ្វើការ​ជាមួយ​ជនជាតិ​ចិន ហើយ​តេស្ត​មាន​វិជ្ជមាន​កូវិដ ១៩។ តែ​លោក​ស្រី​មិនបង្ហាញ​ជនជាតិចិន និង​ស្រ្តីដែល​ឆ្លង​នោះ​ធ្វើការ​នៅ​ទីណាទេ។

បើ​តាម​អភិបាល​ខណ្ឌ ជនរងគ្រោះ​រួម​ទាំង​ក្រុម​គ្រួសារ ត្រូវ​បាន​បញ្ជូន​ទៅ​ធ្វើ​ចត្តាឡីស័ក និង​ព្យាបាល​នៅ​មណ្ឌល​ព្រែកព្នៅ​អស់​ហើយ។

លោក វេជ្ជបណ្ឌិត ងី ម៉េងហេង ប្រធាន​មន្ទីរ​សុខាភិបាល​រាជធានី​ភ្នំពេញ​បាន​ឲ្យ​ដឹង​ថា ក្រុម​ឆ្លើយតប​បន្ទាន់​នៃមន្ទីរសុខាភិបាលរាជធានីភ្នំពេញ កំពុង​ចុះយកសំណាក អ្នក​បាន​ប៉ះពាល់​ផ្ទាល់​និង​ប្រយោលជាមួយកម្មករ​ស្រ្តី​ ដែល​ធ្វើការ​នៅរោងចក្រកាត់ដេរព្រៃកជ្រៃ មានតេស្តវិជ្ជមានកុវីដ១៩។

លោកបានបញ្ជាក់ថា ចំពោះការបិទរោងចក្រនេះឬយ៉ាងណានោះនៅមិនទាន់ដឹងនៅឡើយទេ៕

អត្ថបទ៖ ប៊ុណ្ណារ៉ា