ព័ត៌មានជាតិ

Breaking News!!! វ៉ាក់សាំង AstraZenecaបានដឹកមកដល់កម្ពុជាហើយ

បានផុស

៣ years មុន

នៅ

ថ្ងៃអង្គារ ២ មីនា ២០២១

ដោយ

ភ្នំពេញ ៖ វ៉ាក់សាំងកូវីដ១៩ របស់ក្រុមហ៊ុន AstraZeneca ដែលផលិតនៅប្រទេសឥណ្ឌា ចំនួន ៣២៤,០០០ដូស ដែលជាជំនួយរបស់អង្គការសុខភាពពិភពលោកបានមកដល់កម្ពុជាហើយនៅវេលាយប់ថ្ងៃទី០២ ខែមីនា ឆ្នាំ២០២១ ដោយមានការអញ្ជើញទៅទទួលដោយផ្ទាល់ពីលោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល លោកស្រីវេជ្ជបណ្ឌិត លី អាយលែន តំណាងអង្គការសុខភាពពិភពលោកប្រចាំកម្ពុជា និងលោកស្រី Ms. Foroogh Foyouzat តំណាងអង្គការយូនីសេហ្វប្រចាំកម្ពុជានៅព្រលានយន្តហោះអន្តរជាតិភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមក្រសួងសុខាភិបាល ព្រះរាជាណាចក្រកម្ពុជា គឺជាប្រទេសមួយដែលស្ថិតនៅក្នុងចំណោមប្រទេសដំបូងគេនៅក្នុងតំបន់ប៉ាស៊ីហ្វិកខាងលិច ដែលទទួលបានវ៉ាក់សាំងពីមជ្ឈមណ្ឌលកូវ៉ាក់ (COVAX Facility) នេះ។

លោក ស្រី វេជ្ជបណ្ឌិតឱ វណ្ណឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាលធ្លាប់បានឲ្យដឹង ថាមជ្ឈមណ្ឌលកូវ៉ាក់របស់អង្គការសុខភាពពិភពលោកនឹងផ្តល់វ៉ាក់សាំងអាស្ត្រាហ្សេនីការបស់អង់គ្លេសដែលផលិតនៅប្រទេសឥណ្ឌាចំនួន១២៩៦០០០ដូសសម្រាប់ចាក់ជួនប្រជាពលរដ្ឋកម្ពុជាការពារពីជំងឺកូវីដ១៩។

គួរបញ្ជាក់ថា កម្ពុជាទើបទទួលបានវ៉ាក់សាំងកូវីដ១៩ស៊ីណូហ្វាមពីចិន ចំនួន៦០ម៉ឺនដូសក្នុងចំណោម១លានដូស ដែលភាគីចិនសន្យាផ្តល់ឲ្យក្នុងនោះមាន៣០ម៉ឺនដូសប្រគល់ជួនក្រសួងសុខាភិបាលនិង៣០ម៉ឺនដូសទៀតប្រគល់ជួនក្រសួងការពារជាតិ៕

ដោយ ៖ សំអឿន