បន្ទាន់ទាំងព្រឹក រកឃើញបុរសជនជាតិចិនម្នាក់មានវិជ្ជមាន​កូវីដ១៩ ក្នុងបុរី ប៉េង ហួត

បុរសជនជាតិចិនម្នាក់ត្រូវបានរកឃើញមានវិជ្ជមានកូវិដ១៩ នាព្រឹកថ្ងៃទី៣ខែមីនា ដែលអាជ្ញាធរបញ្ជាក់ជាទីតាំងទី៨​ហើយក្នុងមូលដ្ឋានខណ្ឌច្បារអំពៅរាជធានីភ្នំពេញ ចាប់តាំងពីមានព្រឹត្តិការថ្ងៃទី២០ខែកុម្ភៈ មកនោះ។

លោកហ៊ត គឹមនី អភិបាលរងខណ្ឌច្បារអំពៅបានឲ្យដឹងថានៅព្រឹកថ្ងៃទី៣ខែមីនានេះក្រុមគ្រូពេទ្យ បានរកឃើញបុរស ជនជាតិចិនម្នាក់មានវិជ្ជមានកូវីដ១៩ ដែលកំពុងស្នាក់នៅផ្ទះលេខ ២៩៧ ផ្លូវប៉ូឡារីស គម្រោង៧ បុរីប៉េង ហួត ក្នុងសង្កាត់និរោធខណ្ឌច្បារអំពៅរាជធានីភ្នំពេញ។

លោកអភិបាលរងខណ្ឌ បានបញ្ជាក់នេះជាករណីទី៨ហើយ ដែលក្នុងមូលដ្ឋានខណ្ឌច្បារអំពៅរាជធានីភ្នំពេញរកឃើញអ្នកជំងឺកូវិដ១៩ ក្នុងព្រឹត្តិការណ៍២០កុម្ភះ។ដូច្នេះសូមបងប្អូនប្រជាពលរដ្ឋត្រូវមានការប្រុងប្រយត្ន័ និងអនុវត្តន៍ឲ្យបានខ្ជាប់ខ្ជួននូវវិធានការ ៣ការពារនិង៣កុំដើម្បីទប់ស្កាត់ការរីករាលដាលជំងឺកូវិដ១៩ ក្នុងសហគមន៍យើង។

គួរបញ្ជាក់ថា ក្នុងមូលដ្ឋានខណ្ឌច្បារអំពៅគឺមានអ្នកឆ្លងជំងឺកូវិដ១៩ ចំនួន៨ទីតាំង ក្នុងនោះមានសង្កាត់ក្បាលកោះ ១ករណី សង្កាត់វាលស្បូវ១ករណីនិង៦ករណីស្ថិតក្នុងសង្កាត់និរោធ ច្រើនជាងគេ៕

អត្ថបទ៖នរា