ព័ត៌មានជាតិ

ស្គាល់ឈ្មោះស្ដ្រីជនជាតិវៀតណាម២នាក់ និងអ្នកជាប់ពាក់ព័ន្ធ២៣នាក់ និងកំពុងតែស្វែងរកម៉ូតូឌុបទាំង៤ជើង

បានផុស

៤ years មុន

នៅ

ថ្ងៃពុធ ៣ មីនា ២០២១

ដោយ

យោងតាមរបាយការណ៍បឋមស្ដីពីស្ដ្រីជនជាតិវៀតណាម ដែលវិជ្ជមានកូវីដ១៩បានឲ្យដឹងថា ស្ដ្រីជនជាតិវៀតណាម២នាក់ ដែលមានវិជ្ជមានកូវីដ១៩ នៅខេត្តស្វាយរៀង ក្នុងនោះទី១.ឈ្មោះ Dinh Thi Xuon Nhi ភេទស្រី អាយុ២៧ឆ្នាំ ជនជាតិវៀតណាម និង ២. ឈ្មោះ Nguyen Ngoc Xia ភេទស្រី អាយុ២៨ឆ្នាំ ជនជាតិវៀតណាម មានអាសយដ្ឋាននៅ អាផាតមិន Star Diamonds ផ្លូវលេខ៩៩ សង្កាត់បឹងត្របែក ខណ្ឌចំការមន រាជធានីភ្នំពេញ ម្នាក់ស្នាក់នៅបន្ទាប់លេខ៤ ជាន់ទី៤ និងម្នាក់ទៀតនៅបន្ទាប់លេខ៣ ជាន់ទី៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពួកគាត់ធ្វើដំណើរមកពីភ្នំពេញនៅថ្ងៃទី២៧ ខែកុម្ភៈ ឆ្នាំ២០២១ តាម Taxi ដែលមានស្លាកលេខៈ2AC 4648(កំពង់ស្រាវជ្រាវស្វែងរកម្ចាស់Taxiនិងលេខទូរស័ព្ទ) ក្នុងគោលបំណងទៅវៀតណាមតាមច្រកបាវិត ប៉ុន្តែមិនអាចទៅបានដោយខ្វះឯកសារ។ បន្ទាប់មកពួកគាត់បានត្រឡប់មកវិញ ស្នាក់នៅសណ្ឋាគារ ហេង ហេង សេរីរ័ត្ន នៅវេលាម៉ោង២០:៣០នាទី នៅថ្ងៃទី២៧ ខែកុម្ភៈ ឆ្នាំ២០២១ រហូតដល់ថ្ងៃទី២៨ ខែកុម្ភៈ ឆ្នាំ២០២១។ នៅថ្ងៃទី២៨ ខែកុម្ភៈ ឆ្នាំ២០២១ ពួកគាត់បានជួលម៉ូតូកង់បីទៅច្រកទ្វារព្រំដែន ដើម្បីឆ្លងដែនចំនួន៣ដង ក៏ប៉ុន្តែមន្ត្រីច្រកទ្វារព្រំដែនមិនអនុញ្ញាតឲ្យពួកគាត់ឆ្លងដែន។ លុះដល់ម៉ោង១៩:០០នាទី ពួកគាត់ចាកចេញពីសណ្ឋាគារគោលបំណងចង់ត្រឡប់ទៅភ្នំពេញវិញ។ ក៏ប៉ុន្តែត្រូវបានមន្ត្រីនគរបាលល្បាតបានឃាត់ពួកគាត់ ដើម្បីសួរនាំទើបដឹងថា ស្ត្រីទាំង២នាក់នេះ ជាករណីសង្ស័យ និងបានជូនដំណឹងទៅក្រុមការងារប្រយុទ្ធប្រឆាំងនឹងជំងឺកូវីដ១៩។ ក្រុមការងារបានដាក់ឲ្យពួកគាត់នៅចត្តាឡីស័ក និងយកសំណក នៅថ្ងៃទី១ ខែមិនា ឆ្នាំ២០២១ លទ្ធិផលវិជ្ជមាននៅថ្ងៃទី៣ ខែមិនា ឆ្នាំ២០២១។