ស្ថានទូតចិនសាទរថ្នាក់ដឹកនាំកម្ពុជាចាក់វ៉ាក់សាំងមកពីឥណ្ឌា
Connect with us
Helistar Cambodia - Helicopter Charter Services

ព័ត៌មានជាតិ

ស្ថានទូតចិនសាទរថ្នាក់ដឹកនាំកម្ពុជាចាក់វ៉ាក់សាំងមកពីឥណ្ឌា

Published

on

ស្ថានទូតចិនប្រចាំកម្ពុជា នៅថ្ងៃទី៤ ខែមីនា ឆ្នាំ ២០២១នេះ បានលើកឡើងអបអរសាទរចំពោះសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានទទួលចាក់វ៉ាក់សាំង ដែលមានប្រភពមកពីប្រទេសអង់គ្លេសផលិតនៅប្រទេសឥណ្ឌានៅព្រឹកថ្ងៃទី ៤ ខែមីនានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថានទូតចិនលើកឡើងថា “ការឆ្លងនៃជំងឺវីរុសគ្មានព្រំដែនទេ ការរីករាលដាលនៃជំងឺវីរុសក៏មិនប្រកាន់ពូជសាសន៍ឡើយ ហើយការចាក់វ៉ាក់សាំងក៏មិនបែងចែកជាប្រទេសណាដែរ”។

សម្តេចតេជោ ហ៊ុន សែន ថ្លែងនៅព្រឹកនេះ ថាមានការធ្វើអត្ថាធិប្បាយថា សម្តេចមិនមានហានចាក់វ៉ាក់សាំង ដែលមានប្រភពដើមមកពីប្រទេសអង់គ្លេសនោះទេ ដោយខ្លាចចិនខឹង។

សម្តេចបញ្ជាក់ថា កម្ពុជាមិនធ្លាប់ទទួលនូវការទូន្មានរបស់នរណា ហើយក៏មិនទទួលនូវការទូន្មានរបស់នរណា។ សម្តេចបញ្ជាក់ថា សម្តេចធ្លាប់ធ្វើការជាមួយចិន ជិត ៣០ ឆ្នាំមកហើយ រដ្ឋាភិបាលចិនមិនដែលបង្គាប់ឲ្យសម្តេចមិនឲ្យទទួលជំនួយពីប្រទេសផ្សេងនោះទេ។

បើតាមសម្តេចនាយករដ្ឋមន្ត្រី បញ្ហាទាក់ទិននឹងវិទ្យាសាស្ត្របច្ចេកទេស មិនមែនជាបញ្ហានយោបាយនោះទេ។

ជាមួយគ្នានេះ ស្ថានទូតចិនប្រចាំកម្ពុជាសង្ឃឹមយ៉ាងមុតមាំថា វ៉ាក់សាំងដែលជាជំនួយរបស់ចិននិង COVAX នឹងអាចជួយដល់ប្រជាជនកម្ពុជារួចផុតពីផលប៉ះពាល់នៃជំងឺវីរុសកូវីដ-១៩ និងរួមចំណែកយ៉ាងសកម្មក្នុងការទប់ស្កាត់នឹងជំងឺមួយនេះ៕

អត្ថបទ៖ ឡេង ដេត

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services