ព័ត៌មានជាតិ

មន្ត្រីជាន់ខ្ពស់ ប.ស.ស ៖ ព្រែកជីកហ្វូណនតេជោ នឹងក្លាយជាប្រព័ន្ធដឹកជញ្ជូនផ្លូវទឹកដ៏មានសក្ដានុពលសម្រាប់សេដ្ឋកិច្ចជាតិ

បានផុស

២ years មុន

នៅ

ថ្ងៃចន្ទ ៥ សីហា ២០២៤

ដោយ

លោក ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយកបេឡាជាតិសន្តិសុខសង្គម នៃក្រសួងការងារ និងបណ្ដុះបណ្ដាលវិជ្ជាជីវៈ បានអះអាងថា ព្រែកជីកហ្វូណនតេជោ នឹងក្លាយជាប្រព័ន្ធដឹកជញ្ជូនផ្លូវទឹក ដ៏មានសក្ដានុពលសម្រាប់សេដ្ឋកិច្ចជាតិ និងជាប្រព័ន្ធធារាសាស្ដ្រមួយដែលអាចជួយក្នុងការផ្គត់ផ្គង់ទឹកសម្រាប់ប្រជាពលរដ្ឋដែលរស់នៅជិតៗ ព្រែកជីកនេះ ប្រកបរបរកសិកម្មបានយ៉ាងល្អប្រសើរទៀតផង។

ក្នុងឱកាសដឹកនាំថ្នាក់ដឹកនាំ មន្ត្រី និងបុគ្គលិកបេឡាជាតិសន្ដិសុខសង្គម នៃក្រសួងការងារ និងបណ្ដុះបណ្ដាលវិជ្ជាជីវៈ ចូលរួមអបអរសាទរ “ការបើកការដ្ឋានសាងសង់ព្រែកជីកហ្វូណនតេជោ”នៅព្រឹកថ្ងៃទី ០៥ សីហា លោក ម៉េង ហុង បានបន្តថា គម្រោងព្រែកជីកហ្វូណនតេជោ គឺជាគម្រោងព្រែកជីកដ៏មហស្ចារ្យជាប្រវត្តិសាស្ត្រ ដែលមានប្រវែង ១៨០ គីឡូម៉ែត្រ ដោយតភ្ជាប់កំពង់ផែស្វយ័តភ្នំពេញ ជាមួយក្រុងកែប និងឈូងសមុទ្រថៃ និងឆ្លងកាត់ខេត្តចំនួន ៤ រួមមាន កណ្ដាល តាកែវ ខេត្តកំពត និងខេត្តកែប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ព្រែកជីកហ្វូណនតេជោ នឹងក្លាយជាប្រព័ន្ធដឹកជញ្ជូនផ្លូវទឹក ដ៏មានសក្ដានុពលសម្រាប់សេដ្ឋកិច្ចជាតិ និងក្លាយជាប្រព័ន្ធធារាសាស្ដ្រមួយដែលអាចជួយក្នុងការផ្គត់ផ្គង់ទឹកសម្រាប់ប្រជាពលរដ្ឋដែលរស់នៅជិតៗ ព្រែកជីកនេះ ប្រកបរបរកសិកម្មបានយ៉ាងល្អប្រសើរទៀតផង។

ជាមួយគ្នានេះ ប្រតិភូរាជរដ្ឋាភិបាល ក៏បានសំដែងនូវអំណរគុណចំពោះថ្នាក់ដឹកនាំ មន្ត្រី និងបុគ្គលិកក្រោមឱវាទទាំងអស់ ដែលបានចូលរួមក្នុងឱកាសដ៏មហស្ចារ្យជាប្រវត្តិសាស្ត្រនេះ និងបានអំពាវនាវ ដល់ថ្នាក់ដឹកនាំ មន្ត្រី និងបុគ្គលិកគ្រប់លំដាប់ថ្នាក់ ត្រូវចូលរួមផ្សព្វផ្សាយ និងអបអរសាទរចំពោះគម្រោងព្រែកជីកនេះទាំងអស់គ្នា៕

អត្ថបទ ៖ សំអឿន