រកឃើញអ្នករត់តាក់ស៊ីដឹកស្ត្រីឆ្លងកូវីដ​២នាក់នៅស្វាយរៀង
Connect with us
Helistar Cambodia - Helicopter Charter Services

ព័ត៌មានជាតិ

រកឃើញអ្នករត់តាក់ស៊ីដឹកស្ត្រីឆ្លងកូវីដ​២នាក់នៅស្វាយរៀង

Published

on

អ្នករត់តាក់ស៊ីដែលបានដឹកស្ត្រីជនជាតិវៀតណាម២នាក់មានវិជ្ជមានកូវីដ១៩នៅខេត្តស្វាយរៀងត្រូវបានគេរកឃើញហើយនៅខេត្តព្រះសីហនុនិងបានយកសំណាកនិងធ្វើចត្តាឡីស័ករួចរាល់ហើយដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀងបានឲ្យដឹងនៅព្រឹកថ្ងៃទី៦មីនានេះថា«ទាក់ទងនឹងអ្នករត់តាក់ស៊ីដែលយើងបានស្រាវជ្រាវរកគាត់ប៉ុន្មានថ្ងៃមិនឃើញឥឡូវនេះបានរកគាត់ឃើញហើយដោយគាត់ជារត់តាក់ស៊ីនៅកំពង់សោម។ខាងកំពង់សោមបានផ្តល់ព័ត៍មានមកខ្ញុំថាបានចាប់គាត់ធ្វើចត្តាឡីស័កនៅទីនោះរួចហើយ»។

លោកបានបន្តថាបុរសអ្នករត់តាក់ស៊ីមានឈ្មោះ កែវ សាន មានស្រុកកំណើតភូមិបឹងអណ្តែង  ឃុំតាសួស ស្រុកស្វាយជ្រំបច្ចុប្បន្ន ស្នាក់នៅភូមិពោធប្ញស្សី ខាងក្រោយវត្តពោធិញាណ រាជធានីភ្នំពេញ  ធ្វើចត្តាឡីស័កនៅខេត្តព្រះសីហនុ។

 លោកបានបន្តទៀតថាពាក់ព័ន្ធនឹងស្ត្រីវៀតណាម២នាក់មានវិជ្ជមានកូវីដ១៩នេះដែរក្រុមការងារបានរកឃើញអ្នកជាប់ពាក់ព័ន្ធចំនួន២៨នាក់ក្នុងនោះមានអ្នករត់ម៉ូតូកង់បីចំនួន៣នាក់បានយកទៅធ្វើចត្តាឡីស័កនៅក្រុងបាវិតនិងបានយកសំណាក់រួចរាល់ហើយដែរ។

លោកបានបន្ថែមទៀតថាចំណែកពាក់ព័ន្ធចំនួន២៥នាក់ទៀតក្នុងនោះមានសមត្ថកិច្ច៧នាក់ត្រូវ បាន បញ្ជូន មកធ្វើចត្តាឡីស័ក នៅ ផ្ទះ សំណាក់គ្រូបង្រៀន ក្រុង ស្វាយរៀង។ចំណែកឯអ្នកផ្សេងទៀតដូចជាម្ចាស់សណ្ឋារគារ បុគ្គលិកនិងអ្នកដែលលក់ដូរនៅសណ្ឋាគារត្រូវធ្វើចត្តាឡីស័កនៅសណ្ឋាគារហេង ហេង សេរីរ័ត្ន។

គួរបញ្ជាក់ថាកាលពីថ្ងៃទី២៧ ខែមុក្ភៈ ឆ្នាំ២០២១ បុរសរត់តាក់ស៊ីនេះបានដឹក ស្រ្ដីជនជាតិវៀតណាម ២នាក់ទី១មានឈ្មោះ Dinh Thi Xuon Nhi ភេទស្រី អាយុ២៧ឆ្នាំនិងទី២ឈ្មោះ Nguyen Ngoc Xia ភេទស្រី អាយុ២៨ឆ្នាំធ្វើដំណើរពីភ្នំពេញទៅបាវិតក្នុងគោលបំណងទៅវៀតណាមតាមច្រកបាវិត ប៉ុន្តែមិនអាចទៅបានដោយខ្វះឯកសារ។

ក្រោយមកស្ត្រីវៀតណាម២នាក់នេះត្រូវបានរកឃើញវិជ្ជមានកូវីដ១៩ហើយបច្ចុប្បន្ននេះពួកគេកំពុងសម្រាកព្យាបាលជំងឺនៅ មន្ទីរពេទ្យ បង្អែក ស្វាយជ្រំ៕

អត្ថបទ៖ សំអឿន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ9 mins ago

លោក គឹម សន្តិភាព ៖ អ្នក​ល្មើស​វិធានការ ហាមឃាត់​ការធ្វើដំណើរ ត្រូវ​ផ្ដន្ទាទោស​ពី ៣​ឆ្នាំ ទៅ​៥​ឆ្នាំ ឬ​ធ្ងន់​ជាង​នេះ

ព័ត៌មានជាតិ52 mins ago

លោកជំទាវ ម៉ែន សំអន ថ្លែងអំណរគុណ លោក ប៉ិច បូឡែន និងលោក ហុង លីម ដែលបានផ្តល់អំណោយក្នុងការចូលរួមប្រយុទ្ធប្រឆាំងនឹងកូវីដ១៩

ព័ត៌មានជាតិ2 hours ago

អតីតយុទ្ធជន​ជាង​៣​ម៉ឺន​៥​ពាន់​នាក់​ ហើយ​ទទួល​បាន​ចាក់​វ៉ាក់សាំង​ការពារ​កូ​វីដ​១៩

ព័ត៌មានជាតិ2 hours ago

អ្នកជំងឺកូវីដ១៩នៅផ្សារអូរឫស្សីបានទៅដើរផ្សារនៅផ្សារម៉ាក្រូសែនសុខ

ព័ត៌មានអន្ដរជាតិ3 hours ago

Breaking News! លោកស្រី អ៊ុងសាន ស៊ូជី រងការចោទប្រកាន់បទឧក្រិដ្ឋថ្មីមួយទៀត សរុបឡើងដល់ ៦ ករណី

Sokha Hotels

ព័ត៌មានពេញនិយម

Helistar Cambodia - Helicopter Charter Services