ព័ត៌មានជាតិ
បាត់ខ្លួនជាង ៥ ម៉ោង ដើរទៅរកឃើញស្លាប់ទាំងឪពុកនិងកូន
ខេត្តបាត់ដំបង ៖ សពឪពុក និងកូន ដែលបានបាត់ខ្លួននៅក្នុងអន្លង់ទឹកដ៏ជ្រៅមួយកន្លែង ត្រូវបានប្រជាពលរដ្ឋ
និងសមត្ថកិច្ចមូលដ្ឋានរកឃើញ បន្ទាប់ពីបានបាត់ខ្លួនអស់រយៈពេលប្រមាណ ៥ ម៉ោងរួចមក ដោយសារតែជនរងគ្រោះទាំងពីរ ទំនងជាដើរខុសផ្លូវក្នុងការធ្វើដំណើរទៅរកសារមង ហើយបានធ្លាក់ទៅក្នុងអន្លង់តែម្តង។
តាមការលើកឡើងពីសមត្ថកិច្ចមូលដ្ឋានបានអោយដឹងថា កាលពីល្ងាចថ្ងៃទី ៤ ខែ វិច្ឆិកា ឆ្នាំ ២០២០ ក្មេងប្រុសម្នាក់ ( កូនរបស់ជនរងគ្រោះ ) បានទៅដាក់ពង្រាយមងនៅត្រង់ចំណុចក្បែអន្លង់ត្រាំង ស្ថិតក្នុងភូមិស្រែស្តៅ ឃុំមានជ័យ ស្រុកសំឡូតខេត្តបាត់ដំបង។
លុះព្រឹកឡើងក្មេងប្រុសរូបនោះមិនបានទៅសារមងទេ ដោយឪពុក និង កូនប្រុសម្នាក់ទៀត ជាអ្នកងើបទៅសារ ហេតុដូច្នេះហើយទើបគេសន្និដ្ឋានថា ទំនងអាចដើរខុសផ្លូវ ដោយសារតែក្នុងតំបន់ខាងលើទឹកនៅល្ហល្ហេវនៅឡើយ ទើបធ្វើអោយពួកគេទាំងពីរនាក់ ធ្លាក់ទៅក្នុងអន្លង់មួយដ៏ជ្រៅ បណ្តាលអោយលង់ស្លាប់ទាំងពីរនាក់តែម្តង លុះរសៀលទើបរកឃើញសពយកមកវិញ ។
គួរបញ្ជាក់ថា អន្លង់ត្រាំងនេះ កាលពីដើមឡើយគឺជាតំបន់រមណីយដ្ឋានមួយ សម្រាប់អោយភ្ញៀវទេសចរទៅកម្សាន្ត ដោយមានទឹកល្វឹងល្វើយ និងមានជម្រៅជ្រៅទៀតផង។ ដោយឡែកជនរងគ្រោះជាឪពុកមាន ឈ្មោះ សុី សំអូន អាយុ ៥៨ ឆ្នាំ រស់នៅ ក្រុម ទី ៩ ភូមិ ស្រែជីពៅ ឃុំមានជយ័ ស្រុក សំឡូត ខេត្ត បាត់ដំបង និងកូនប្រុស ឈ្មោះ សុី សុភាបុត្រ អាយុ ១៤ ឆ្នាំ បច្ចុប្បន្នសពត្រូវបានស្ត្រីជាភរិយា រៀបចំធ្វើបុណ្យហើយ ទាំងភាពក្តុកក្តួលក្រៃលែង ៕
អត្ថបទ៖ សោ និយមរ័ត្ន
-
ព័ត៌មានអន្ដរជាតិ៣ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៤ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
KPT+៣ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ៣ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ចរាចរណ៍៥ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ២ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ១ សប្តាហ៍ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
ចរាចរណ៍៧ ថ្ងៃ ago
មន្ត្រីសុរិយោដីម្នាក់ស្រវឹងបើករថយន្ត ឡើងសួនច្បារ ខណៈវាស់ជាតិអាល់កុលឃើញ១.៥៥mg/L