ព័ត៌មានជាតិ
សម្ដេចក្រឡាហោមស ខេង អញ្ជើញជាអធិបតីក្នុងពិធីចែកអំណោយប្រជាកសិកររងគ្រោះដោយសារជំនន់ទឹកភ្លៀង
បាត់ដំបង ៖ នៅព្រឹកថ្ងៃទី០៨ ខែវិច្ឆិកា ឆ្នាំ២០២០នេះ សម្ដេចក្រឡាហោមស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និង ជាប្រធានក្រុមការងាររាជរដ្ឋាភិបាលចុះជួយខេត្តបាត់ដំបងតំណាងដ៏ខ្ពង់ខ្ពស់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃកម្ពុជាបានអញ្ជើញជាអធិបតីដ៏ខ្ពង់ខ្ពស់ក្នុងពិធីចុះសួរសុខទុក្ខដល់ប្រជាពលរដ្ឋជាង១ម៉ឺនគ្រួសារក្នុងខេត្តបាត់ដំបង។
និងនាំយកនូវអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោហ៊ុន សែន និងសម្ដេចកិត្តិព្រឹទ្ធបណ្ឌិតប៊ុនរ៉ានី ហ៊ុន សែន រួមទាំងអំណោយរបស់សម្តេចផ្ទាល់ផងដែរដើម្បីចែកជូនដល់បងប្អូនប្រជាពលរដ្ឋរងគ្រោះដោយសារជំនន់ទឹកភ្លៀងចំនួន១០,២១០គ្រួសារដែលមកពីបណ្តាស្រុករងគ្រោះនានាក្នុងខេត្តបាត់ដំបង។
ពិធីនេះប្រព្រឹត្តទៅនៅទីតាំងអាកាសយានដ្ឋានបាត់ដំបងស្ថិតនៅភូមិរំចេកសង្កាត់រតនៈក្រុង/ខេត្តបាត់ដំបង។ ក្នុងនោះក៏មានការអញ្ជើញចូលរួមពីសមាជិកព្រឹទ្ធសភារដ្ឋសភាទេសរដ្ឋមន្ត្រីគណៈប្រតិភូអមដំណើរក្រុមប្រឹក្សារខេត្តអភិបាលនៃគណៈអភិបាលខេត្តមន្ទីរអង្គភាពមន្ត្រីរាជការជុំវិញខេត្តនិងអាជ្ញាធរមូលដ្ឋានគ្រប់ជាន់ថ្នាក់ព្រមប្រជាពលរដ្ឋជាច្រើនរូបផងដែរ។
ក្នុងឱកាសនេះដែរ សម្តេចក្រឡាហោមស ខេង បានថ្លែងថា ឆ្នាំនេះគឺជាឆ្នាំមួយមានលក្ខណៈពិសេសដែលយើងបានដឹងទាំងអស់គ្នាហើយថាទឹកជំនន់នេះគឺបង្កដោយទឹកភ្លៀង។ នៅចំពោះមុខប្រជាពលរដ្ឋយ៉ាងច្រើនកុះករនេះដែរសម្ដេចក៏បានថ្លែងអំណរព្រះគុណយ៉ាងជ្រាលជ្រៅបំផុតចំពោះព្រះករុណាជាម្ចាស់ជីវិតតម្កល់លើត្បូងព្រះមហាក្សត្រនៃព្រះរាជាណាចក្រកម្ពុជានិងសម្ដេចម៉ែដែលព្រះអង្គបានរាជទាននូវអំណោយជួយដល់ប្រជាពលរដ្ឋក្នុងខេត្តបាត់ដំបង។
ក្នុងនោះសម្តេចក៏បានថ្លែងអំណរគុណយ៉ាងជ្រាលជ្រៅចំពោះសម្ដេចអគ្គមហាពញាចក្រីនិងសម្ដេចវិបុលសេនាភក្តីសាយ ឈុំ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក៏ដូចជាឯកឧត្តមលោកជំទាវលោកលោកស្រីទាំងអស់ដែលបានជួយជ្រំជ្រែងនិងផ្តល់អំណោយជាបន្តបន្ទាប់បានបង្កលក្ខណៈឲ្យប្រជាពលរដ្ឋលោកមានលទ្ធភាពអាចដោះស្រាយបញ្ហាលំបាកបានមួយរយៈពេល ខណៈដែលពួកគាត់កំពុងប្រឈមនិងគ្រោះធម្មជាតិ។
ក្រៅពីនេះសម្ដេចក្រឡាហោមក៏បានផ្តាំផ្ញើដល់ប្រជាពលរដ្ឋទាំងអស់អោយយកចិត្តទុកដាក់ខ្ពស់ចំពោះវិធីការពារទប់ស្កាត់ការឆ្លងរាលដាលពីជំងឺកូវីដ១៩ ឲ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល។
ជាមួយគ្នានេះដែរ បងប្អូនក៏ត្រូវមើលកូនចៅកុំឲ្យទៅជំពាក់ជំពិនជាមួយគ្រឿងញៀនផងដែរបើទោះបីប្រើប្រាស់ ឬ ចែកចាយក៏ដោយចុះត្រូវជៀសវាងដាច់ខាត។ហើយបញ្ហាចរាចរណ៍ក៏ដូចគ្នាត្រូវមានការប្រុងប្រយ័ត្នឲ្យបានខ្ពស់ព្រោះការស្លាប់ដោយគ្រោះថ្នាក់ចរាចរណ៍ខ្លាំងជាងកាលពីធ្វើសង្គ្រាមទៅទៀតដែលក្នុងមួយថ្ងៃមានមនុស្សពី០៧ទៅ០៨នាក់ត្រូវរងគ្រោះដូច្នេះយើងមិនត្រូវមើលស្រាលដោយធ្វេសប្រហែសចំពោះករណីចរាចរណ៍នោះទេ។
ចំណែកប្រជាពលរដ្ឋរងដែលបានមកទទួលអំណោយជាពូជស្រូវនិងគ្រឿងឧបភោគបរិភោគមួយចំនួនទៀតនៅថ្ងៃនេះ គឺមានប្រជាពលរដ្ឋដែលរងគ្រោះសរុបចំនួន១០.២១០គ្រួសារ។ ដែលបានមកពីបណ្តាស្រុកចំនួន០៨រួមមាន ស្រុកមោងឫស្សី,ស្រុកបាណន់,ស្រុកសង្កែ,ស្រុកឯកភ្នំ,ស្រុកគាស់ក្រឡ,ស្រុករុក្ខគិរី,ស្រុកបវេលនិងស្រុកថ្មគោល។
ដោយក្នុង០១គ្រួសារៗទទួលបានស្រូវពូជសែនក្រអូបចំនួន១០០គីឡូក្រាម,អង្ករ២៥គីឡូក្រាមគ្រឿងឧបភោគបរិភោគនិងសម្ភារៈប្រើប្រាស់មួយចំនួនទៀតជាមួយនិងថវិកាចំនួន៥ម៉ឺនរៀលផងដែរ។
សូមបញ្ជាក់ផងដែរថា នៅទូទាំងខេត្តបាត់ដំបងជំនន់ទឹកភ្លៀងបានធ្វើឲ្យប៉ះពាល់ដល់ស្រុកចំនួន១០មានឃុំចំនួន៩៦ក្នុងចំណោម១៤ក្រុង/ស្រុករបស់ខេត្តបាត់ដំបង។ដោយគិតត្រឹមថ្ងៃទី២ខែវិច្ឆិកាឆ្នាំ២០២០ដំណាំស្រូវរងផលប៉ះសរុបមានចំនួនជិត១៣ម៉ឺនហិកតាស្រូវខូចខាតចំនួនជាង៤ម៉ឺនហិកតា។
ក្នុងនោះដំណាំសាកវប្បកម្មដូចជាពោតសម្នាស់និងបន្លែប៉ះពាល់សរុបចំនួនជិត១៥០០ហិកតាក្នុងនោះផ្ទៃដីខូចខាតមានចំនួន៧៤៣ហិកតា។ ដំណាំកសិឧស្សាហកម្ម,ដំឡូងមី,ពោតក្រហម,សណ្តែកបាយសណ្តែកសៀងនិងល្ង ប៉ះពាល់សរុបមានចំនួនជាង៥ម៉ឺន៦ពាន់ហិកតាក្នុងនោះខូចខាតចំនួនជាង៣ម៉ឺន៦ពាន់ហិកតា៕
ដោយ ៖ សៅ សារិទ្ធ
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
លោក ហេង សួរ ៖ កិច្ចប្រជុំកំពូលវាយនភណ្ឌសកល នឹងធ្វើឱ្យកម្ពុជាក្លាយជាគោលដៅទាក់ទាញទាំងអាជីវកម្មនិងវិនិយោគទុន
សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភជាប្រចាំខែដល់កុមារកំព្រា និងកុមារមានទុក្ខលំបាកនៅមណ្ឌលមែកឈើ
រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល
ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់
យោធាមីយ៉ាន់ម៉ាបន្តការវាយប្រហារតាមអាកាសទោះបីមានរញ្ជួយដីក៏ដោយ
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី