នយោបាយ
លោកយឹម ស៊ីណន បរិហារអ្នកអត្ថាធិប្បាយនយោបាយ៣រូបថា គិតតែពីផលប្រយោជន៍ផ្ទាល់ខ្លួន
អតីតប្រធានចលនាយុវជនអតីតគណបក្សសង្រ្គោះជាតិប្រចាំនៅកូរ៉េខាងត្បូង លោកយឹម ស៊ីណន នៅថ្ងៃអង្គារនេះ បានចេញមកបរិហារនយោបាយរបស់លោកសម រង្ស៊ី និងអ្នកអត្ថាធិប្បាយនយោបាយ៣រូបទៀត គឺលោកបណ្ឌិតសេង សារី លោកស៊ន ដារ៉ា និងព្រះសង្ឃ ប៊ុត ប៊ុនតិញ។ លោកថា នយោបាយរបស់ក្រុមលោកសម រង្ស៊ី គឺពូកែបោកបញ្ជោត ឯ អ្នកអត្ថាធិប្បាយទាំង៣វិញ គឺគិតតែពីផលប្រយោជន៍ផ្ទាល់ខ្លួន។
តាមរយៈគណនីហ្វេសប៊ុក លោកយឹម ស៊ីណន បានបរិហារអ្នកអត្ថាធិប្បាយទាំង៣នេះថា បានក្លែងខ្លួនជាមនុស្សងងឹតងងុល ដោយសារតែរបៀបវារ:នយោបាយសម្រាប់ប្រយោជន៍ផ្ទាល់ខ្លួនក្នុងពេលបច្ចុប្បន្ន និងអនាគតរបស់ពួកគេ។ លោកយឹម ស៊ីណន បានលើកឡើងដូច្នេះ ដោយសារតែលោកមើលឃើញថា អ្នកទាំង៣បានដឹងច្បាស់ថា ក្រុមលោកសម រង្ស៊ី ពូកែខាងឃោសនាបោកបញ្ឆោតទាញការគាំទ្រពីមហាជន ប៉ុន្តែពួកគេនៅតែអត្ថាធិប្បាយពីនយោបាយរបស់ក្រុមលោកសម រង្ស៊ី ទៀត។
បន្ថែមលើនេះ លោកយឹម ស៊ីណន បានអះអាងថា លោកបណ្ឌិតសេង សារី លោកស៊ន ដារ៉ា និងព្រះសង្ឃ ប៊ុត ប៊ុនតិញ សុទ្ធតែដឹងច្បាស់ណាស់ថា ក្រុមលោកសម រង្ស៊ី បានបង្កើត«ចលនាសង្រ្គោះជាតិCNRM» បានធ្វើឱ្យចលាចលដល់«គណបក្សសង្រ្គោះជាតិCNRP» ទាំងសាធារណមតិជាតិ និងអន្តរជាតិ។ ចំណែកឯរឿងឃោសនា«ដេកផ្ទះឈ្នះឯង»គឺជួយឱ្យការបោះឆ្នោតឆ្នាំ២០១៨ប្រព្រឹត្តទៅយ៉ាងរលូន និងរឿងមាតុភូមិនិវត្តន៍៩វិច្ឆិកា ជាការវាយប្រហារព្រះមហាក្សត្រ និងបំបះបំបោរយោធា បាននាំមកនូវទុក្ខដល់អ្នកគាំទ្រ និងប្រែក្លាយក្រុមខ្លួនជាឧទ្ទាម។
បើតាមលោកយឹម ស៊ីណន គឺពួកគេសុទ្ធតែដឹងច្បាស់ ប៉ុន្តែមកធ្វើជាងងឹងងងុល ដែលតាមការពិត ពួកគេមានភាពឆ្លាតវៃផ្នែកនយោបាយទេតើ។ ជាមួយគ្នានេះ អតីតសមាជិកអតីតបក្សប្រឆាំងរូបនេះ បានបន្ទាបខ្លួនឯងថា ជាមនុស្សល្ងង់គ្មានពីរដែលមិនចេះស្របតាមខ្យល់ ដើម្បីស្រូបយកប្រជាប្រិយបានងារជាអ្នកស្នេហាជាតិ៕
អត្ថបទ៖ វណ្ណ សុគន្ធា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)