អាជីព
បន្លែធម្មជាតិកសិករដាំមានអ្នកបរិភោគគាំទ្រច្រើនមិនប៉ះពាល់ដល់សុខភាព
បន្លែចម្រុះដែលកសិករនៅក្នុងខេត្តស្ទឹងត្រែងនាំយកមកលក់នៅផ្សារសាមគ្គីស្ទឹងត្រែង ប្រជាពលរដ្ឋមានជំនឿថា គ្មានសារធាតុគីមី ហើយទទួលបានការគាំទ្រពីអ្នកបរិភោគមិនប៉ះពាល់ដល់សុខភាពជាផ្នែកមួយជំរុញឲ្យបងប្អូនកសិករយើង កាន់តែបង្កើនការដាំដុះបន្ថែមទៀតអាចរកប្រាក់ចំណូលបានគួរសមសម្រាប់ដោះស្រាយជីវភាពក្នុងបន្ទុកគ្រួសារ។
លោកស្រី សេង ប៊ុនណា រស់នៅសង្កាត់ក្រុងស្ទឹងត្រែងបានបញ្ជាក់ថា៖ បន្លែចម្រុះដែលកសិករ ផលិតបាន បច្ចុប្បន្ននេះប្រជាពលរដ្ឋពេញនិយមហើយក៏មានអ្នកភូមិខ្លះទិញយកទៅលក់បន្តតាមម៉ូតូ ដែលធ្វើឲ្យសិករត្រូវការពង្រីកផ្ទៃដីដាំដុះបន្លែបន្ថែមជាលក្ខណៈគ្រួសារ ឬជាអាជីពដើម្បីនាំចេញមកលក់នៅទីផ្សារ។
លោកស្រីថា៖ ការនិយមបរិភោគបន្លែធម្មជាតិនេះ បានកើនឡើង ខណៈប្រជាពលរដ្ឋកាន់តែយល់អំពីគ្រោះថ្នាក់ចំពោះសុខភាព ដែលបណ្តាលមកពីការទទួលទានបន្លែដាំដុះដោយប្រើជីគីមី និងថ្នាំពុលកសិកម្ម ច្រើនហួសកំរិត ឬបន្លែនាំចូលគ្មានប្រភពច្បាស់លាស់។
អ្នកស្រី ប៊ី សូកូលា អ្នកលក់បន្លែនៅផ្សារសាមគ្គីបានបញ្ជាក់ថា៖ក្នុងស្ថានភាពមួយរយៈនេះបន្ទាប់ពីក្រសួងសុខាភិបាលបានណែនាំស្តីពី ការធ្វើអនាម័យ សុខភាពសង្កេតឃើញបងប្អូនយើងយល់ដឹងកាន់តែច្រើន និងបង្កើនការយកចិត្តទុកដាក់ក្នុងការថែរក្សារសុខភាពបានល្អប្រសើរ។
លោក ស្រីស៊ីនចិន្តា កសិករដាំបន្លែនៅឃុំកំភុនបានសាទរចំពោះ ការបញ្ជាទិញបន្លែសរីរាង្គ ពីអតិថិជនទៅទីផ្សារ ព្រោះបានមកប្រមូលទិញបន្លែជាប្រចាំធ្វើឱ្យកសិករសប្បាយចិត្តក្នុងការប្រឹងប្រែងផលិតបន្លែបានកាន់តែច្រើនទៅតាមការបញ្ជាទិញ។
សូមបញ្ជាក់ថា៖ ការបញ្ជាទិញបន្លែគ្មានជាតិគីមី ឬបន្លែសរីរាង្គ ពីទីផ្សារនេះ វាជាកម្លាំងចលករមួយបានបង្កើនបរិមាណ ឱ្យកសិករប្រឹងប្រែងដាំដុះបន្លែឱ្យបានច្រើនមុខទាំងបន្លែស្លឹកនិងបន្លែផ្លែដូចជា ស្ពៃ សាឡាដ៍ ខាត់ណា ស្ពៃក្តោប ត្រកួន ស្កឹកគ្រៃ ម្ទេស សណ្តែក ននោង ត្រប់ ត្រឡាច ម្រះ ពោត ល្ហុង ឆាយថាវ និងជី ស្លឹក គ្រប់ប្រភេទជាដើម៕
អត្ថបទ៖ ងិន លីម
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)