ព័ត៌មានជាតិ
បន្លែសុវត្ថិភាពខេត្តកំពង់ធំធ្លាប់លក់បាន ៥ ០០០ រៀល ធ្លាក់មកនៅ ១ ៥០០ រៀល/គ.ក្រ ផលិតបានគ្មានទីផ្សារនាំចេញ
លោក វន វង្ស គណៈកម្មាធិការនិងជាអនុប្រធានត្រួតពិនិត្យសមាគមបន្លែសុវត្ថិភាពខេត្តកំពង់ធំបានឲ្យ «កម្ពុជាថ្មី» ដឹងនៅថ្ងៃទី១១ ខែមិនា ឆ្នាំ២០២៤ នេះថា ចាប់តាំងពីកំឡុងចុងខែវិច្ឆិកា ឆ្នាំ២០២៣ រហូតមកដល់ពេលបច្ចុប្បន្ននេះ ទីផ្សារបន្លែសុវត្ថិភាពកំពុងប្រឈមមុខនឹងបញ្ហាទីផ្សារយ៉ាងខ្លាំង ដោយសារឈ្មួយទម្លាក់តម្លៃនាំចេញរហូតដល់កម្រិតមួយដែលប្រជាសមាគមមិនអាចទទួលយកបាន។
លោក វន វង្ស មានប្រសាសន៍ថា បន្លែដែលបានដាំដុះនៅក្នុងសមាគមបន្លែសុវត្ថិភាព បានប្រឈមមុខនឹងបញ្ហាទីផ្សារយ៉ាងខ្លាំង។ ជាក់ស្ដែង ចាប់តាំងពីចុងខែវិច្ឆិកា ឆ្នាំ២០២៣ រហូតមកដល់បច្ចុប្បន្ននេះ ឈ្មួញបានទម្លាក់តម្លៃបន្លែ មិនអាចទទួលយកបាន ដែលធ្វើឲ្យប្រជាសហគមន៍ខាតនៅក្នុងការផលិត ព្រោះតែបន្លែសុវត្ថិភាពនាំចេញមានតម្លៃទាបពេក ហើយបើទោះបីជាសព្វថ្ងៃនេះបន្លែនៅអាចលក់បានក៏ពិតមែន ប៉ុន្តែក្នុងចំនួនមួយតិចតួចដែលចំណូលទទួលបានក៏មិនអាចយកមកផ្គត់ផ្គង់ជីវភាពគ្រួសារបានឡើយ។
គណៈកម្មាធិការសមាគមរូបនេះបានលើកឡើងថា «ឈ្មួយបានទម្លាក់តម្លៃទីផ្សារយ៉ាងគំហុក។ ជាក់ស្តែងបន្លែសុវត្ថិភាព ដែលដាំដោយមិនប្រើប្រាស់សារធាតុគីមី និងស្ទើរតែឈានទៅដល់បន្លែសរីរាង្គទៅហើយនោះ គឺអាចលក់បានក្នុងតម្លៃពី ១ ០០០ រៀល ទៅ ១ ៥០០ រៀលប៉ុណ្ណោះ (ប្រភេទបន្លែសន្លឹក) ក្នុងមួយគីឡូក្រាម ហើយមកដល់ពេលបច្ចុប្បន្ន បញ្ហាតម្លៃនាំចេញលើទីផ្សារក៏មិនទាន់អាចមានដំណោះស្រាយឬអាចដោះសា្រយបាននៅឡើយដែរ»។
យ៉ាងណាមិញ លោក វន វង្ស បានលើកឡើងដែរថា កាលមិនទាន់ប្រឈមនឹងបញ្ហាទីផ្សារ និងកាលពីឆ្នាំមុនៗបន្លែសុវត្ថិភាពក្នុងសមាគម គឺមានតម្លៃទីផ្សារល្អគួរសមដោយក្នុងមួយគីឡូក្រាមអាចលក់បានក្នុងតម្លៃចន្លោះពី ៣ ៥០០ រៀល ទៅ ៥ ០០០ រៀល ប៉ុន្តែភាគច្រើនគឺលក់បានក្នុងតម្លៃ ៤ ០០០ ទៅ ៥ ០០០ រៀល ដែលជាតម្លៃទទួលបានថេរ។ ទៀតសោត ដោយសារតែប្រឈមនឹងបញ្ហាទីផ្សារ បច្ចុប្បន្នសហគមក៏បានកាត់បន្ថយនៃការដាំដុះជាច្រើនប្រភេទ ដើម្បីកុំឲ្យកសិករមានការខាតបង់កាន់តែខ្លាំង។ កាលពីឆ្នាំមុន តាមផែនការសមាគមដាំពពួកបន្លែសន្លឹកដូចជាសាឡាត់ខ្មែរ សាឡាត់បរទេស ស្ពៃក្រញាញ់ ស្បៃចង្កឹះ និងជាច្រើនប្រភេទទៀត។
បើទោះបីជាប្រឈមបញ្ហាទីផ្សារក៏ពិតមែន លោក វន វង្ស បានអះអាងថា «ប្រជាសមាគមនៅតែខិតខំពង្រឹងគុណភាពបន្លែឲ្យកាន់តែមានស្តង់ដារអនាម័យល្អ ដើម្បីទទួលបានការទទួលស្គាល់បន្ថែមទៀត ព្រោះកន្លងមកបន្លែមួយចំនួនក៏ទទួលបានការទទួលស្គាល់ពីគណៈកម្មាធិការថ្នាក់ជាតិរួចមកហើយ និងខិតខំទំនាក់ទំនងទីផ្សារទំនើបក្នុងស្រុកមួយចំនួនបន្ថែមក្នុងការនាំចេញ ប៉ុន្តែនៅមិនទាន់ទទួលបានលទ្ធផលនៅឡើយ»។
ក្នុងនាមជាគណៈកម្មាធិការត្រួតពិនិត្យសមាគមបន្លែធម្មជាតិ លោកក៏សំណូមពរមន្ទីរពាក់ព័ន្ធជួយរកទីផ្សារជូនកសិករដែលផលិតបានហើយ ប៉ុន្តែគ្មានមានទីផ្សារ និងសុំឲ្យពលរដ្ឋខ្មែរងាកមកគាំទ្រផលិតផលក្នុងស្រុក ដើម្បីរួមចំណែកលើកកម្ពស់ផលិតផលសុទ្ធដែលគ្មានសារធាតុគីមី និងមិនធ្វើឲ្យមានផលប៉ះពាល់ដល់សុខភាពជាជាងគាំទ្រផលិតផលនាំចូល៕
អត្ថបទ៖ ថារី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង