Connect with us

អាជីព

ដើម្បីក្លាយជាអ្នកធ្វើអាជីវកម្មជោគជ័យ និងយូរអង្វែងចាំបាច់មានចំណុចសំខាន់អ្វីខ្លះ?

បានផុស

នៅ

មនុស្សមិនតិចទេប្រាថ្នាចង់ប្រកបរបរអាជីវកម្មផ្ទាល់ខ្លួន។ ប៉ុន្តែការបើករបរអាជីវកម្មពុំមែនជារឿងងាយស្រួលឡើយ។ មុខជំនួញថ្មីៗជាច្រើន អាចមានការខាតបង់ ឬដួលរលំដោយសារតែកត្តាផ្សេងៗជាច្រើន ជាពិសេសអំឡុងវិបត្តិសេដ្ឋកិច្ច ដែលកើតឡើងដោយសារសង្គ្រាមពាណិជ្ជកម្មរវាងសហរដ្ឋអាមេរិក និងចិន បញ្ហាកូវីដ-១៩ និងសង្គ្រាមរុស្ស៊ី-អ៊ុយក្រែន។ កត្តាទាំងអស់នេះ ម្ចាស់អាជីវកម្មចាំបាច់ត្រូវមានភាពប៉ិនប្រសព្វ និងចេះបត់បែនឱ្យទាន់កាលៈទេសៈ។

លោក នៅ ស៊ីនិត ម្ចាស់អាជីវកម្មម៉ៅការសំណង់ ដែលកំពុងទទួលបានប្រជាប្រិយភាព បានចែករំលែកនូវគន្លឹះចំនួន៤​ចំណុច​ ដើម្បីក្លាយជាអ្នកធ្វើអាជីវកម្មជោគជ័យ និងយូរអង្វែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទី១. ត្រូវមានភាពស្មោះត្រង់ ការទទួលខុស និងការទទួលត្រូវ
ទី២. ត្រូវមានជំនាញច្បាស់លាស់(ចំណេះដឹង+បទពិសោធន៍) ក្នុងអាជីវកម្មរបស់អ្នក ព្រោះថា បើអ្នកគ្មានជំនាញច្បាស់លាស់ ក្នុងអាជីវកម្មអ្នកទេ គឺអ្នកគ្មានក្រមសីលធម៌វិជ្ជាជីវៈរួចបាត់ទៅហើយ ពោលគឺបាត់បង់ភាពស្មោះត្រង់ តាំងពីមុននឹងចាប់ផ្ដើមអាជីវកម្មមកម្ល៉េះ។

ឧទាហរណ៍៖ បើអ្នកជាអ្នកម៉ៅការសំណង់ ប៉ុន្តែអ្នកគ្មានជំនាញបច្ចេកទេសសំណង់ តើអ្នកធ្វើដូចម្តេចនឹងអាច​សាងសង់​គម្រោងដែលអ្នកទទួលម៉ៅការនោះមានគុណភាពទៅ? ទោះបីជាអ្នកមានភាពស្មោះត្រង់ និងការទទួលខុសត្រូវខ្ពស់ប៉ុណ្ណាក៏ដោយ ក៏អ្នកគ្មានក្រមសីលធម៌វិជ្ជាជីវៈរួចទៅហើយ ព្រោះជាលទ្ធផល គឺសំណង់ដែលអ្នកបានសាងសង់រួចរាល់នោះគឺជាសំណង់គ្មានគុណភាព ដែលនៅក្នុងរូបភាពពិតជាក់ស្ដែង គឺអ្នកមិនអាចប្រកែកបានឡើយ។

ទី៣. អ្នកត្រូវមានស្តង់ដារវិនិច្ឆ័យដ៏ត្រឹមត្រូវមួយ តើអ្វីទៅជាស្តង់ដារវិនិច្ឆ័យ? ហើយធ្វើដូចម្តេចទើបយើងអាចបង្កើតស្តង់ដារវិនិច្ឆ័យដ៏ត្រឹមត្រូវមួយសម្រាប់ខ្លួនឯងបាន? ស្តង់ដារវិនិច្ឆ័យវាមិនពិបាកយល់នោះទេ ព្រោះមនុស្សណាក៏មានដែរ។ នៅពេលដែលមនុស្សយើងចាប់ផ្តើមប្រើខួរក្បាលគិតទៅលើរឿងអ្វីមួយ ហើយលទ្ធផលដែលគេគិតឃើញនោះហើយ គឺជាស្តង់ដារវិនិច្ឆ័យរបស់គេ ហើយលទ្ធដែលគេសម្រេចនោះត្រូវឬខុស ល្អឬអាក្រក់គឺទៅតាមកម្រិតចំណេះដឹង និងបទពិសោធន៍ដែលគេបានឆ្លងកាត់កន្លងមកក្នុងជីវិតរបស់គេ។ ប៉ុន្តែស្តង់ដារវិនិច្ឆ័យ ដែលខ្ញុំ​និយាយនោះគឺលើសពីមនុស្សសាមញ្ញធម្មតា ពោលគឺជាមនុស្ស ដែលគិតគូរ បានវែងឆ្ងាយ មានហេតុមានផលដ៏ត្រឹមត្រូវអាចយកជាការបាន។

ស្តង់ដារវិនិច្ឆ័យដ៏ត្រឹមត្រូវ គឺកើតចេញ២ ចំណុច៖

ក. ការគិតគូ ការវិភាគ ការប្រមើលមើលយ៉ាងស៊ីជម្រៅ និងល្អិតល្អន់ ពីលទ្ធផលទុកជាមុន ដោយមានហេតុមានផល ច្បាស់លាស់ ដែលយើងហៅថា «Critical thinking»។
ខ. ការមើលពីចិត្តសាស្រ្តមនុស្ស និងការវាយតម្លៃមនុស្សភ្លាមៗ ដោយគ្រាន់តែឃើញរូបរាង និងលឺការនិយាយស្តីរបស់គេក្នុងខណៈពេលខ្លីណាមួយ ថាតើគេជាមនុស្សបែបណាដោយទុកនៅក្នុងចិត្តខ្លួនឯង ដើម្បីងាយស្រួលក្នុងការប្រាស្រ័យទាក់ទងគ្នាទៅតាមកម្រិត ដែលយើងបានវាយតម្លៃនោះ។ពីរចំណុចខាងលើនេះបូកបញ្ចូលគ្នាទើបយើងទទួលបានស្តង់ដារវិនិច្ឆ័យដ៏ត្រឹមត្រូវមួយសម្រាប់ខ្លួនឯង។

ទី៤. អ្នកត្រូវតែជាមនុស្សរឹងមាំ មិនងាយបាក់ទឹកចិត្ត មិនញាប់ញ័រនៅពេលដែលគេសរសើរ មិនឈឺចាប់នៅពេល ដែលគេបង្អាប់ខុសពីការពិត ពោលគឺត្រូវដឹងពីទីតាំង ដែលខ្លួនឯងកំពុងនៅ។ បើអ្នកមាន៤ចំណុចខាងលើនេះហើយ គឺអ្នកក្លាយទៅជាមនុស្សខ្លាំងរួចទៅហើយ កុំថាតែការងាររកស៊ី សូម្បីតែការ សេពគប់មិត្តភ័ក្ដិ ការជ្រើសរើសគូរស្រករ ឬក៏ការជ្រើសរើសអ្វីក៏ដោយដែលពាក់ពន្ធ័នឹងមនុស្ស គឺអ្នកមានភាគរយខ្ពស់ក្នុងការជ្រើសរើសបានត្រឹមត្រូវជាងមនុស្សធម្មតាឆ្ងាយណាស់។ ប៉ុន្តែពេលខ្លះបើអ្នកប្រើប្រាស់ ភាពហ្មត់ចត់ (Critical Thinking) ខ្លាំងពេកវាអាចធ្វើឱ្យអ្នកបាត់បង់ឱកាស បាត់បង់មិត្តភាពដ៏ស្មោះត្រង់ក៏មាន ព្រោះតែអ្នកជាមនុស្សសង្ស័យច្រើន។ ដូចនេះហើយអ្នកត្រូវតែចេះប្រើប្រាស់សក្ដានុពលរបស់ខ្លួនឱ្យចេញជាប្រយោជន៍៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៤ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៤ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៦ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៧ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម