សន្តិសុខសង្គម
សមត្ថកិច្ចកំពុងស្រាវជ្រាវកំណត់មុខសញ្ញាដែលបាញ់ប្រហារពលរដ្ឋរបួស២នាក់
កម្លាំងអធិការស្រុកថាឡាបរិវ៉ាត់ សហការជាមួយអាជ្ញាធរមូលដ្ឋានឃុំសំអាង នៅព្រឹកថ្ងៃទី១៩ ខែមេសានេះ កំពុងចុះស្រាវជ្រាវតាមប្រមាញ់ជនសង្ស័យដែលបាញ់ប្រហារទៅលើប្រជាពលរដ្ឋកាលពីថ្ងៃទី១៣ ខែមេសា ដែលកំពុងរាំផឹកស៊ីសប្បាយអបអរឆ្នាំថ្មីធ្វើឱ្យមនុស្សពីរនាក់រងរបួសធ្ងន់។
លោក សែម ស៊ីថា អធិការស្រុកថាឡាបរិវ៉ាត់ បានឲ្យដឹងថា ពេលនេះកម្លាំងសមត្ថកិច្ចកំពុងចុះស្រាវជ្រាវ ស៊ើបអង្កេត តាមប្រមាញ់ជនដៃដល់ដែលបានបាញ់ប្រហារទៅលើប្រជាពលរដ្ឋ ដែលកំពុងរាំសប្បាយអបអរឆ្នាំថ្មី ដោយប្រើអាវុធខុសច្បាប់បាញ់រះទៅលើហ្វូងមនុស្សបង្កឲ្យមានរបួសយ៉ាងធ្ងន់ធ្ងរមនុស្សចំនួន២នាក់។
លោកអធិការបានបញ្ជាក់ឲ្យដឹងទៀតថា ជនសង្ស័យត្រូវបានកម្លាំងសមត្ថកិច្ចកំណត់មុខសញ្ញារួចហើយ ទោះបីប្រឹងរត់គេចខ្លួនដល់ទីណាក៏មិនរួចខ្លួនដែរ យូរនឹងឆាប់គង់តែសមត្ថកិច្ចឃាត់ខ្លួនបាននោះទេ។
លោកអធិការបានបន្តថា ករណីបាញ់ប្រហារនេះបានកើតឡើងនៅយប់ថ្ងៃទី១៣ ខែមេសា ឆ្នាំ២០២២ វេលាម៉ោង៩យប់ មុនថ្ងៃចូលឆ្នាំប្រពៃណីជាតិខ្មែរ ដែលមានប្រជាពលរដ្ឋមានគ្នាប្រមាណ៥ទៅ៦នាក់បានជុំគ្នាផឹកស៊ីអបអរឆ្នាំថ្មីបណ្តាលអោយមនុស្សពីនាក់របួសធ្ងន់ នៅភូមិសំអាង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង។
លោកបន្តថា ជនរងគ្រោះទី១ឈ្មោះ ម៉េស ហ៊ីន អាយុជាង៤០ឆ្នាំ ជាប្រធានយុវជន ស.ស.យ.ក ឃុំសំអាង ត្រូវគ្រាប់កាំភ្លើងចំត្រគាកខាងឆ្វេង បានបញ្ជូនទៅមន្ទីរពេទ្យព្រះកុសមៈ(លោកសង្ឃ) រាជធានីភ្នំពេញ។ ទី២ឈ្មោះ ណែត ធន់ ភេទស្រីអាយុជាង៣០ឆ្នាំ ជាស្ត្រីមេម៉ាយរងរបួសដៃខាងស្ដាំកំពុងសម្រាកព្យាបាលនៅមន្ទីរពេទ្យខេត្តស្ទឹងត្រែង។
សូមបញ្ជាក់ថា ករណីបាញ់បោះនេះ សមត្ថកិច្ចបានរកឃើញសំបកគ្រាប់ប្រភេទអាកាចំនួន៣គ្រាប់ ក្នុងនោះមានមួយគ្រាប់បាញ់មិនផ្ទុះជាវត្ថុតាំង និងកំពុងធ្វើតាមដានជនសង្ស័យដែលគេចខ្លួនចេញពីភូមិដើម្បីឈានទៅចាប់ខ្លួនយកមកដាក់ទោសតាមច្បាប់៕
អត្ថបទ៖ ងិនលីម
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល