សន្តិសុខសង្គម
អាជ្ញាធរបង្ហាញលទ្ធផលបង្ក្រាបបទល្មើសជលផលក្នុងរដូវបិទនេសាទ
ខណ្ឌរដ្ឋបាលជលផលស្ទឹងត្រែងសហការជាមួយអាជ្ញាធរមូលដ្ឋានកម្លាំងឆ្មាំទន្លេ និងសហគមន៍នេសាទក្នុងយុទ្ធនាការការពារ និងអភិរក្សធនធានជលផលក្នុងរដូវបិទនេសាទចាប់ពីថ្ងៃទី ០១ ខែឧសភា មកដល់ថ្ងៃទី ៣០ ខែកញ្ញា ឆ្នាំ ២០២២ សមត្ថកិច្ចជំនាញបានដកហូតឧបករណ៍នេសាទខុសច្បាប់ជាច្រើនប្រភេទ។
លោក ស្រីសម វិចិត្រ នាយខណ្ឌរដ្ឋបាលជលផលបានបញ្ជាក់ថា ក្នុងយុទ្ធនាការបង្ក្រាបបទល្មើសជលផលក្នុងរដូវបិទនេសាទចាប់ពីថ្ងៃទី ១ ឧសភាដល់ថ្ងៃទី ៣០ ខែកញ្ញា សម្រេចបានលទ្ធផលរួមមានដូចជា៖ ដកហូតមងបណ្ដែតវែងៗដែលប្រជានេសាទលួចបណ្ដែតបានប្រវែង ១៦.៥០០ ម៉ែត្រ។
ដកហូតសន្ទូចរនងដែលដាក់នៅតាមអន្លង់អភិរក្ស និងតំបន់ហាមឃាត់បានចំនួន ៤ ០៦៩ ផ្លែ ដែលប្រជានេសាទលួចដាក់នៅកន្លែងអភិរក្ស និងដាក់ក្នុងអន្លង់ចាប់ត្រីមេពូជ។
ដកហូតបានក្បាលឆក់ ០៣គ្រឿង ដងឆក់ ០២គូ អាគុយ ០២គ្រឿង និងថ្នង ០២គ្រឿង និងទូកម៉ាស៊ីនចំនួន ០៥គ្រឿង។ បំផ្លាញរបាំងព្រួលសាច់អួនប្រវែង ១៣៧០ម៉ែត្រ បង្គោល ៦០០ដើម, លូសាច់អួន ០៨មាត់, លប ២៧គ្រឿង, លូប្រើស ០៨ គ្រឿង។
លោកនាយខណ្ឌបន្តថា:ក្នុងយុទ្ធនាការនេះយើងក៏បានលែងត្រីបបែលយក្សទឹកសាប ចំនួន ០៣ក្បាល កូនត្រីបបែលយក្សទឹកសាប ០១ក្បាល និងត្រីមេពូជប្រមាណ ១២០គីឡូក្រាម ចូលក្នុងធម្មជាតិវិញដែរ។
លោកថាក្រៅពីនោះយើងបានផ្សព្វផ្សាយអប់រំណែនាំប្រជានេសាទដែលនេសាទដោយប្រើឧបករណ៍មងបណ្តែតគ្រប់ប្រភេទក្នុងរដូវបិទនេសាទចំនួន ៥៥៩ នាក់។ ធ្វើកិច្ចសន្យាកុំឲ្យប្រព្រឹត្តិបន្តទៀតចំពោះប្រជានេសាទដែលនៅតែបន្តនេសាទនៅក្នុងរដូវបិទនេសាទចំនួន ១១៥ នាក់។ អប់រំណែនាំ និងធ្វើកិច្ចសន្យាអ្នកប្រមូលទិញត្រីឲ្យបញ្ឈប់ទិញត្រីបានពីការនេសាទខុសច្បាប់ ចំនួន ១៨នាក់។
អោយអាជីវករលក់ត្រី នៅក្នុងផ្សារសាមគ្គីស្ទឹងត្រែង ដឹងពីប្រភេទធនធានជលផលកំពុងរងគ្រោះថ្នាក់ និងណែនាំអ្នកលក់ឧបករណ៍នេសាទ ពីប្រភេទឧបករណ៍នេសាទខុសច្បាប់និងលិខិតបទដ្ឋានគតិយុត្តិផ្សេងៗដល់សគមន៍នេសាទតាមដងទន្លេទាំង៣ឲ្យប្រជានេសាទបានជ្រួតជ្រាប តាមវិទ្យុ ទូរទស្សន៍ ផ្សាយតាមមេក្រូ ខិតប័ណ្ណ បណ្តាញទំនាក់ទំនងសង្គម និង ជួបផ្ទាល់តាមខ្នងផ្ទះ។
ក្នុងនោះកម្លាំងជំនាញក៏បានចុះល្បាតជាប្រចាំនៅតាមតំបន់អភិរក្សសត្វផ្សោតទាំងបួនអន្លង់ ដើម្បីបង្ការ ទប់ស្តាត់ និងបង្ក្រាបបទល្មើសជលផលនានាដែលកើតមាននៅតំបន់ងាយរងគ្រោះ។
លោកបញ្ជាក់ថាក្នុងយុទ្ធនាការក្នុងរដូវបិទនេសាទនេះ សមត្ថកិច្ចជំនាញក៏បានឃាត់ជនសង្ស័យ៣នាក់ ប្រើឧបករណ៍នេសាទខុសច្បាប់បញ្ជូនទៅតុលាការផងដែរ។
លោកស្រីសំវិចិត្របានបញ្ជាក់ចុងក្រោយថាបច្ចុប្បន្នដល់រដូវបេីកនេសាទវិញ ហើយ តែខណ្ឌរដ្ឋបាលជលផលស្ទឹងត្រែងនៅតែបន្តសហការជាមួយស្ថាប័នពាក់ព័ន្ធ អាជ្ញាធរមូលដ្ឋាន និងសហគមន៍នេសាទចុះទប់ស្កាត់ និងបង្ក្រាបបទល្មេីសក្នុងដែននេសាទដូចភ្លៀងរលឹម។
លោកនាយខណ្ឌបានសំណូមពរដល់ប្រជានេសាទឲ្យគោរពច្បាប់ស្ដីពីជលផល និងលិខិតបទដ្ឋានគតិយុត្តិពាក់ព័ន្ធ កុំប្រេីឧបករណ៍នេសាទហាមឃាត់ កុំនេសាទកន្លែងអភិរក្ស ឬកន្លែងហាមឃាត់ កុំចាប់ប្រភេទធនធានជលផលកំពុងរងគ្រោះថ្នាក់បេីសិននេសាទបានសូមព្រលែងទៅវិញ និងចូលរួមការពារ និងអភិរក្សធនធានជលផលទាំងអស់គ្នា៕
អត្ថបទ៖ ងិនលីម
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ