ព័ត៌មានខ្លីៗ

សម្តេចតេជោ ហ៊ុន សែន ស្នើឱ្យនគរបាលជាតិបង្ក្រាបផែនការទុច្ចរិតរបស់ក្រុមឧទ្ទាមក្បត់ជាតិ

បានផុស

១ ខែ មុន

នៅ

ថ្ងៃសៅរ៍ ១៥ ឧសភា ២០២១

ដោយ

សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងស្នើឱ្យកងកម្លាំងនគរបាលជាតិត្រូវទប់ស្កាត់ និងបង្ក្រាបឱ្យបានទាន់ពេលវេលានូវរាល់ឧបាយកលសកម្មភាពរបស់ក្រុមឧទ្ទាមក្បត់ជាតិនិងបក្ខពួក ដោយមិនឱ្យពួកឧទ្ទាមសម្រេចផែនការទុច្ចរិតបានជាដាច់ខាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសារលិខិតរំឭកខួបអនុស្សាវរីយ៍លើកទី៧៦ ថ្ងៃកំណើតនគរបាលជាតិកម្ពុជា ១៦ ឧសភា ១៩៤៥-២០២១ ប្រមុខរាជរដ្ឋាភិបាលកម្ពុជាបានធ្វើការព្យាករណ៍អំពីសភាពការណ៍សន្តិសុខសកលលោកនៅតែបន្តប្រែប្រួល ស្មុគស្មាញពោរពេញដោយគ្រោះថ្នាក់ហើយនឹងជះឥទ្ធិពលអវិជ្ជមានដល់បរិយាកាសសន្តិសុខនៅកម្ពុជាជាក់ជាមិនខានឡើយ។

សម្តេចតេជោ ហ៊ុន សែន បញ្ជាក់ថាក្នុងពេលដូចគ្នានេះកម្ពុជាត្រូវត្រៀមលក្ខណៈសម្បត្តិរៀបចំដំណើរការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ឆ្នាំ២០២២ដែលជាគោលដៅនៃការប៉ុនប៉ងវាយប្រហាររបស់ក្រុមឧទ្ទាមក្បត់ជាតិដើម្បីបំផ្លាញកិច្ចដំណើរការនៃព្រឹត្តិការណ៍នយោបាយដ៏សំខាន់នេះ។

សម្តេចតេជោ ហ៊ុន សែនមានប្រសាសន៍បញ្ជាក់ថា ស្ថានការណ៍នាពេលខាងមុខទោះបីតិចឬច្រើន ផ្ទាល់ឬប្រយោល សុទ្ធតែមានផលប៉ះពាល់ដល់សន្តិសុខផ្ទៃក្នុងយ៉ាងពិតប្រាកដដែលបញ្ហាទាំងអស់នេះតម្រូវឲ្យកង កម្លាំងនគរបាលជាតិបន្តពង្រឹងស្មារតីប្ដេជ្ញាចិត្តខ្ពស់បំពេញកាតព្វកិច្ចក្នុងនាមជាកម្លាំងស្នូល រក្សាឲ្យបាននូវស្ថិរភាព សន្តិសុខ ទប់ស្កាត់និងបង្ក្រាបឲ្យបានទាន់ពេលវេលានូវរាល់ ឧបាយកលសកម្មភាពរបស់ក្រុមឧទ្ទាមក្បត់ជាតិនិងបក្ខពួកដោយមិនឲ្យពួកគេសម្រេចផែនការទុច្ចរឹតទាំងនេះបានជាដាច់ខាត៕ អត្ថបទ៖ណារី

Related Topics:សម្តេចតេជោ ហ៊ុន សែន