ព្រឹក​នេះ​បើក​ការប្រកួត​កីឡា​តេ​ក្វាន់​ដូ “ITF”​ជ្រើសរើស​ជើងឯក​ថ្នាក់ជាតិ​ឆ្នាំ ២០២០ ជា​ផ្លូវការ – Kampuchea Thmey Daily
Connect with us

កីឡា

ព្រឹក​នេះ​បើក​ការប្រកួត​កីឡា​តេ​ក្វាន់​ដូ “ITF”​ជ្រើសរើស​ជើងឯក​ថ្នាក់ជាតិ​ឆ្នាំ ២០២០ ជា​ផ្លូវការ

Published

on

ភ្នំពេញ​ ៖ ការប្រកួត​កីឡា​តេ​ក្វាន់​ដូ “ITF” ជ្រើសរើស​ជើងឯក​ថ្នាក់ជាតិ​២០២០ នៅ​ព្រឹក​ថ្ងៃទី​២៧ ខែវិច្ឆិកា​ឆ្នាំ​២០២០​នេះ ​បាន​បើក​ការប្រកួត​ជា​ផ្លូវការ​ហើយ ដោយ មាន​កីឡាករ​-​កីឡាការិនី​មកពី​១៩​ក្លិប ៦ រាជធានី​ខេត្ត​ក្រុង និង​ក្រសួង​២ ដែល​ធ្វើ ការប្រកួត​នៅ​ទីលាន​សហព័ន្ធ​ក្នុង​ម​ជ្ឈ​មណ្ឌ​ល​ជាតិ​ហ្វឹកហ្វឺន​កីឡា នៃ​ពហុ​កី​ឡដ្ឋា​ន​ជាតិ​។

ពិធី​បើ​ការប្រកួត​កីឡា​តេ​ក្វាន់​ដូ “ITF” ជ្រើសរើស​ជើងឯក​ថ្នាក់ជាតិ​២០២០ នេះ​មានការ​អញ្ជើញ​ចូលរួម​ពី​លោក កែវ រ៉េមី ប្រធាន​សហព័ន្ធ​កីឡា តេ​ក្វាន់​ដូ “ITF” កម្ពុជា និង​អនុប្រធាន​សហព័ន្ធ​កីឡា​តេ​ក្វាន់​ដូ “ITF” ពិភពលោក​។

លោក ប៊ួ​ន ហ៊ីង​សុធី​យ៉ា អគ្គលេខា​ធិ ការ​សហព័ន្ធ​កីឡា​តេ​ក្វាន់​ដូ ITF​កម្ពុជា​បាន​ឲ្យ​ដឹងថា ការប្រកួត​ជើងឯក​ឆ្នាំនេះ​បាន​ប្រព្រឹត្តធ្វើ​តាំងពី​ថ្ងៃទី​២៥​វិច្ឆិកា​មកម្ល៉េះ តែ​ការ​ប្រារព្វ​ពី​បើក​ជា​ផ្លូវការ​នៅ​ព្រឹក​ថ្ងៃទី​២៧​វិច្ឆិកា​នេះ ដោយ​គ្រោង​បញ្ចប់​បិទ​ការប្រកួត​នៅ​ថ្ងៃទី ២៩ ខែវិច្ឆិកា ឆ្នាំ ២០២០។

លោក​បន្ត​ថា មាន​កីឡាករ​-​កីឡា ការិនី​ចំនួន​១៤៥​ចូលរួម ក្នុងនោះ​កីឡា ការិនី​ចំនួន​៤១​នាក់មក​មកពី​១៩​ក្លិប ៦ រាជធានី​ខេត្ត​ក្រុង និង​ក្រសួង​២ គឺ​ក្រសួង មហាផ្ទៃ និង​ក្រសួង​សេដ្ឋកិច្ច និង​ហិរញ្ញ វត្ថុ៕
ដោយ ៖ វិ​សិទ្ធ

ចុច Like Facebook កម្ពុជាថ្មី

ព័ត៌មានពេញនិយម