Connect with us

កីឡា

Rae Yoon វ៉ៃ​ដណ្តើម​ខ្សែក្រវាត់​បានសម្រេច តែ Christian Lee មិន​ពេញ​លទ្ធផល

បានផុស

នៅ

ការប្រកួត​ដណ្តើម​ខ្សែក្រវាត់​ពិភពលោក​រវាង​ជើង​ខ្លាំង​វ័យក្មេង Christian Lee និង​អ្នកលេង​គុន​ចម្រុះ​កូរ៉េខាងត្បូង Ok Rae Yoon ទទួលបាន​ការចាប់អារម្មណ៍​យ៉ាងខ្លាំង បន្ទាប់ពី​តស៊ូ​គ្នា​ពេញ​៥​ទឹក​។​

​ចប់​ការប្រកួត​ចៅក្រម​ទាំង​៣​រូប​សម្រេច​ឲ្យ Ok Rae Yoon ទទួលបាន​ជ័យជម្នះ​ដោយ​ពិន្ទុ​លើ Christian Lee ដើម្បី​ដណ្តើមយក​ខ្សែក្រវាត់​គុន​ចម្រុះ​ពិភពលោក ONE Lightweight World Title មក​គ្រប់គ្រង​ក្នុង​ព្រឹត្តិការណ៍ ONE: REVOLUTION នា​យប់​ថ្ងៃ​សុក្រ ទី​២៤ ខែកញ្ញា​នេះ​។​

​ទោះបីជា​យ៉ាងណា​ក្រោយ​ត្រូវ​បានប្រកាស​ឲ្យ​ចាញ់ Christian Lee ដែល​ល្បី​ខាង​បញ្ចប់​ដៃគូ​មិន​ពេញ​ចិត្តនឹង​លទ្ធផល​ឡើយ ហើយក៏​មានការ​រត​វ៉ា​ផងដែរ​។ ចំណែក​អ្នកទស្សនា​តាម​បណ្តាញ​សង្គម​ភាគច្រើន​បាន​យល់​ស្របតាម​ការសម្រេច​របស់​ចៅក្រម​។​

​ការពិត​នៅលើ​សង្វៀន​បង្ហាញ​

​ទឹក​ទី​១៖ Christian Lee ហាក់​មានប្រៀប​តិចតួច បន្ទាប់ពី​រូបគេ​បាន​ព្យាយាម​ចាប់​បោក​ផ្តួល និង​អោប​ពីក្រោយ​ហើយ​ឡើង​ជង្គង់ ខណៈ​កីឡាករ​កូរ៉េខាងត្បូង​បាន​ព្យាយាម​ការពារ និង​រើ​ដោះខ្លួន​ចេញពី​ការ​អោប ហើយ​ព្យាយាម​វ៉ៃ​ចេញ​កណ្តាប់ដៃ​មួយៗ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទឹក​ទី​២៖ កីឡាករ​ទាំង​ពីរបាន​ព្យាយាម​វ៉ៃ​គ្នា​ទៅវិញទៅមក​តាម​លក្ខណៈ​បច្ចេកទេស និង​ប្រុងប្រយ័ត្ន​រៀងៗ​ខ្លួន​។ Christian Lee បាន​ព្យាយាម​ប្រើ​ជំនាញ​ក្រោម អោប​កាច់​ផ្តួល​។ ជាពិសេស​នៅ​ចុង​ទឹក រូបគេ​បាន​ឱកាស​អោប​ពីក្រោយ និង​ឃ្លេ​-​ក​ស្ទើរតែ​អាជ្ញាកណ្តាល​បញ្ឈប់ Ok Rae Yoon ទៅហើយ ប៉ុន្តែ​ជើង​ខ្លាំង​កូរ៉េ​បាន​ដែល​បាន​ទាត់​ក្រោម វ៉ៃ​កណ្តាប់ដៃ ឡើង​ជង្គង់​បាន​រើ​ដោះខ្លួន​ចេញពី​ការ​ឃ្លេ​បានសម្រេច​។​

​ទឹក​៣៖ ទឹក​នេះ​មើលឃើញ​ពី Ok មានប្រៀប​ខ្លាំង បន្ទាប់ពី​ប្រើ​កណ្តាប់ដៃ ទាត់​ក្រោម និង​ឡើង​ជង្គង់​ហោះ ស្របពេល Lee ថយចុះ​កម្លាំង​ដោយសារ​ប្រឹង​ខ្លាំង​ក្នុង​ពីរ​ទឹក​ដំបូង​។ អ្វីដែល​ធ្ងន់​ទៀត​នោះ Ok បាន​វ៉ៃ​មួយ​ដៃ​ពេញ​ធ្វើ​ឲ្យ Lee ស្រ៊ុ​ត​ស្ទើរ​ដួល ហើយ​ព្យាយាម​វ៉ៃ​សន្ធាប់​ទាំង​កណ្តាប់ដៃ និង​ជង្គង់​ហោះ​ក្នុង​គោលបំណង​ផ្តួល​។ យ៉ាងណា Lee ដែល​អស់កម្លាំង​បាន​ព្យាយាម​ថយក្រោយ ហើយ​ចេញ​កណ្តាប់ដៃ​ចេញ​មួយៗ​។ ជាពិសេស​រូបគេ​វ៉ៃ​ចំ​ថ្គាម Ok ពេញ​ឲ្យ​ដួល និង​បាន​ចាប់​រឹត​ឃ្លេ​ក្បាច់​ក្រោម ប៉ុន្តែ Ok បាន​រើ​បម្រះចេញ​បាន និង​វ៉ៃ​សង​វិញ​។​

ទឹក​៤៖ Ok Rae Yoon យក​ប្រៀប​ទាំងស្រុង​តាមរយៈ​ការដាក់​សម្ពាធ​ដោយ​កណ្តាប់ដៃ​ទាំង​លើ និង​ពោះ​ទឹក​ផ្ទួនៗ ហើយ​ជាពិសេស​ឡើង​ជង្គង់​ហោះ​ប្រហែលជា​១០​ដង ខណៈ Lee បាន​ត្រឹម​ទាត់​ក្រោម​មួយៗ និង​ការពារ​ប៉ុណ្ណោះ​។​

ទឹក​៥៖ Ok Rae Yoon នៅតែ​បន្ត​ដាក់​សម្ពាធ​តាមរយៈ​ការ​វ៉ៃ​ចេញ​កណ្តាប់ដៃ​ជាច្រើន ទាត់​ទាំង​ក្រោម និង​ដងខ្លួន ហើយ​ឡើង​ជង្គង់​ហោះ​ថែមទៀត​ដើម្បី​បាន​ពិន្ទុ​កាន់តែច្រើន​។ យ៉ាងណា ចុង​ទឹក Christian Lee បានចេញ​កណ្តាប់​ដៃស្តាំ​ចំ​មុខ Ok បណ្តាល​ឲ្យ​ស្រុត​បន្តិច ប៉ុន្តែ​អាច​តាំងស្មារតី​ឡើងវិញ​បាន​។​

ផ្អែកលើ​កត្តា​ទាំងនេះហើយ​បានជា​ចៅក្រម​ផ្តល់​ពិន្ទុ​ឲ្យ កីឡាករ​កូរ៉េខាងត្បូង​ទទួលបាន​ជ័យជម្នះ​ដើម្បី​ផ្តល់​ការខកចិត្ត​យ៉ាងខ្លាំង​ដល់ Christian Lee​។ នេះ​ជា​ជ័យជម្នះ​មួយទៀត​ដើម្បី​បំពេញ​ន័យ​ទៅលើ​រហស្សនាម​របស់ខ្លួន​«​ឃាតក​វីរបុរស​» ដោយសារ​ពីរ​ប្រកួត​កន្លងមក រូបគេ​បាន​យកឈ្នះ​អតីត​ជើងឯក​ពិភពលោក Marat Gafurov និង​ខ្លា​ចាស់​អាមេរិក​ដែលជា​ជើងឯក​ពិភពលោក Eddie Alvarez៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៧ នាទី មុន

កសិករ​ភូមិ​ភ្នំ​រីករាយ​ សប្បាយចិត្ត​ប្រមូល​ផល​ម្រះ

ព័ត៌មានជាតិ១ ម៉ោង មុន

រដ្ឋមន្ត្រីមហាផ្ទៃ៖ រដ្ឋផ្ទេរថវិកាជាង៤រយលាន ឱ្យរដ្ឋបាលក្រុង ស្រុក ខណ្ឌ ប្រើសម្រាប់ដំណើរការគ្រឹះស្ថានសិក្សា

ព័ត៌មានជាតិ២ ម៉ោង មុន

ពលរដ្ឋថាមានការនាំចូលសាច់បង្កកខុសច្បាប់រាប់តោន ពីវៀតណាមចូលមកកម្ពុជាតាមច្រកត្រពាំងផ្លុង​

សន្តិសុខសង្គម២ ម៉ោង មុន

សិស្សសាលា​៣​នាក់ ​ឆក់​ទូរសព្ទ​ពី​ស្ត្រី​ម្នាក់​បានសម្រេច​ ត្រូវ​បាន​សមត្ថកិច្ច​ឃាត់ខ្លួន​

ព័ត៌មានជាតិ៤ ម៉ោង មុន

ប្រជាពលរដ្ឋ​ក្រីក្រ​ជាង ៥០០ គ្រួសារ ទទួល​បាន​អំណោយ​ពី​ធនាគារ សា​ខម​ប៊ែ​ង ខេ​ម​បូ​ឌា

សន្តិសុខសង្គម១ ថ្ងៃ មុន

ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល

បច្ចេកវិទ្យា៤ ថ្ងៃ មុន

វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា

ជីវិតកម្សាន្ដ៣ ថ្ងៃ មុន

តួកាច Benz ទម្លាយថា នាងធ្លាប់វាយរឹកដាក់អ្នកគាំទ្រ ពេលកេរ្តិ៍ឈ្មោះល្បីល្បាញខ្លាំងកាលវ័យជំទង់

ព័ត៌មានជាតិ៥ ថ្ងៃ មុន

សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា

ព័ត៌មានជាតិ២ ថ្ងៃ មុន

ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន

Sokha Hotels

ព័ត៌មានពេញនិយម