កីឡា
ចាន់ រតនា ពន្យល់លម្អិតថា Xie Wei ខ្លាំងជាងដៃគូមុនៗទាំងអស់?
ជើងខ្លាំងគុនចម្រុះកម្ពុជា ចាន់ រតនា នឹងវិលត្រឡប់មកកាន់សង្វៀនជាថ្មីដោយជួបជើងខ្លាំងចិន Xie Wei នៅព្រឹត្តិការណ៍ប្រកួត ONE: COLLISION COURSE នៅកីឡដ្ឋាន Singapore Indoor Stadium នារាត្រីថ្ងៃសុក្រ ទី១៨ ខែធ្នូ ខាងមុខ។
ស្ថាប័នប្រដាល់ធំបំផុតក្នុងពិភពលោក ONE Championship នាំយកព្រឹត្តិការណ៍ផ្សាយផ្ទាល់នេះការប្រកួតចុងក្រោយបំផុតប្រចាំឆ្នាំ២០២០ដែលមានការប្រកួតដណ្តើមខ្សែក្រវាត់មួយថៃពិភពលោក និងការប្រកួតគុនចម្រុះកម្រិតអន្តរជាតិសម្រាប់អ្នកគាំទ្រទូទាំងពិភពលោក។
មុនការប្រកួតមកដល់ តារាគុនចម្រុះកម្ពុជានិងជាទូតសុច្ឆន្ទៈសែលកាត ចាន់ រតនា បានសិក្សាស្វែងយល់យ៉ាងស៊ីជម្រៅពីកីឡាករចិន Xie Wei និងរៀបចំផែនការធ្វើយ៉ាងណាដើម្បីទប់ទល់ជាមួយនឹងដៃគូម្នាក់នេះ។
ប៉ុន្តែមុនការបង្ហាញផែនការប្រកួតដល់អ្នកគាំទ្រឲ្យបានដឹង កីឡាករគុនចម្រុះចំណាត់ថ្នាក់លេខ១នៅកម្ពុជាបានចាត់ទុកកីឡាករ Xie Wei ជាដៃគូល្អបំផុត និងខ្លាំងជាងដៃគូមុនៗដែលរូបគេបានជួបប្រកួតកន្លងមក។
ចាន់ រតនា ពន្យល់ថា ៖«ខ្ញុំយល់ឃើញថា ដៃគូម្នាក់នេះពិតជាស័ក្តិសមឥតខ្ចោះជាមួយនឹងខ្ញុំ»។
«Xie Wei នៅក្មេង កម្លាំងស៊ុហ្វខ្លាំង។ គាត់មានចលនាចេញចេញ-ចូលលឿនជាមួយនឹងកណ្តាប់ដៃ និងទាត់។ ជាពិសេសក្បាច់វ៉ៃរបស់គាត់គឺជំនាញឃីកបុកសីងដែលមិនសូវខុសប្លែកច្រើនពីជំនាញគុនខ្មែររបស់ខ្ញុំទេ។ គាត់ពិតជាស័ក្តិសមជាមួយខ្ញុំ»។
បើប្រៀបធៀបជាមួយដៃគូមុនៗ កីឡាករជាទូតសុឆន្ទៈរបស់ Cellcard បានចាត់ទុកថាដៃគូម្នាក់នេះគឺល្អ និងខ្លាំងជាងដៃគូមុនទាំងអស់។
ចាន់ រតនា លើកហេតុផលថា ៖«ធម្មតា ការផ្គូផ្គងកម្រិតអន្តរជាតិបែបនេះ ពីមួយលើកទៅមួយលើកគឺត្រូវតែជួបនឹងដៃគូដែលខ្លាំងៗជាងមុន»។
«គេនឹងមិនផ្គូផ្គូងឲ្យយើងជួបនឹងដៃគូដែលមានកម្រិត ឬសមត្ថភាពទាបជាងដៃគូមុនៗដែលយើងទទួលបានជ័យជម្នះទេ។ គេត្រូវតែឲ្យជួបនឹងដៃគូដែលខ្លាំងជាងមុន ពីព្រោះគេវាស់ស្ទង់សមត្ថភាពរបស់យើងដែលបានប្រកួតឈ្នះមុនៗ ហើយរៀបឲ្យជួបអ្នកខ្លាំងទៀត»។
ការផ្គូផ្គងឲ្យជួបដៃគូដែលមានកម្រិតខ្លាំងពីមួយទៅមួយគឺដើម្បីដឹងពីកម្រិតសមត្ថភាពរបស់ ចាន់ រតនា កើតឡើងកម្រិតណា។ វាក៏អាចប្រៀបធៀបនឹងជើងខ្លាំងផ្សេងៗទៀត ជាពិសេសដើម្បីវាស់ស្ទង់កម្រិតសមត្ថភាពដែលឈានទៅប្រកួតជាមួយនឹងកីឡាករដែលមានឈ្មោះនៅក្នុងតារាងចំណាត់ថ្នាក់ មុនពេលជួបម្ចាស់ជើងឯកដើម្បីប្រកួតដណ្តើមខ្សែក្រវាត់ពិភពលោក។
ការប្រកួតចុងក្រោយរបស់ Xie Wei គឺបានចាញ់ជើងខ្លាំង Danny Kingad ដោយពិន្ទុប៉ុណ្ណោះ។ ដឹងស្រាប់ហើយកីឡាករហ្វីលីពីន Danny Kingad មានជំនាញគុនចម្រុះខ្ពស់ដែលធ្លាប់ប្រកួតវគ្គផ្តាច់ព្រ័ត្រខ្សែក្រវាត់ពិភពលោក ONE Championship Flyweight Grand Prix ជាមួយកីឡាករ Demetriouss Johnson ដែលជាជើងខ្លាំងអាមេរិកធ្លាប់ឈ្នះខ្សែក្រវាត់ពិភពលោកច្រើនគ្រឿង។
ចាន់ រតនា ប្រៀបធៀបថា ៖«ពេលនោះ Danny Kingad ចាញ់កីឡាករ Demetriouss Johnson ដោយពិន្ទុប៉ុណ្ណោះ ហើយ Danny Kingad បានយកឈ្នះ Xie Wei ដោយពិន្ទុដែរ ដូច្នេះខ្ញុំអាចនិយាយបានថា ដៃគូលើកនេះខ្លាំងជាងមុន»។
លទ្ធផលប្រកួតជាមួយ Xie Wei ចេញបែបណា ខ្ញុំអាចវាស់ស្ទង់សមត្ថភាពខ្លួនឯងបានជាមួយនឹងជើងខ្លាំងផ្សេងៗដូចជា Danny Kingad និង Demetrious Johnson ជាដើម»។ ចាន់ រតនា បានសង្កត់ធ្ងន់។
គូឯកប្រចាំព្រឹត្តិការណ៍ONE: COLLISION COURSE គឺខ្លាចាស់ថៃ Nong-O Gaiyanghadao ត្រូវឡើងការពារខ្សែក្រវាត់មួយថៃពិភពលោករបស់ខ្លួន ONE Bantamweight Muay Thai World Championship ទល់នឹងមិត្តរួមជាតិជាជ័យលាភីលេខ១ពីកម្មវិធីប្រកួតស្វែងរកជើងខ្លាំង ONE Bantamweight Muay Thai Tournament គឺកីឡាករ Rodlek PK.Saenchai Muaythaigym ខណៈជើងខ្លាំង Lowen Tynanes វិលមកកាន់សង្វៀនវិញជាមួយនឹងអតីតជើងឯកពិភពលោក Marat Gafurov៕
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ