ក្រសួងមហាផ្ទៃ​គ្រង​តំណែង​ជើងឯក​នៃ​ការប្រកួត​កីឡាវាយកូនឃ្លីលើតុ​ថ្នាក់ជាតិ ២០២០ – Kampuchea Thmey Daily
Connect with us
Helistar Cambodia - Helicopter Charter Services

កីឡា

ក្រសួងមហាផ្ទៃ​គ្រង​តំណែង​ជើងឯក​នៃ​ការប្រកួត​កីឡាវាយកូនឃ្លីលើតុ​ថ្នាក់ជាតិ ២០២០

Published

on

ភ្នំពេញ ​៖ ក្លិប​កីឡាវាយកូនឃ្លីលើតុ​នៃ​ក្រ សួង​មហាផ្ទៃ​ដណ្តើម​មេដាយ​គ្រង​តំណែង​ជើងឯក​ព្រឹត្តិការណ៍​នៃ​ការប្រកួត​កីឡា វាយ​កូនឃ្លី​លើ​តុ​ជ្រើសរើស​ជើងឯក​ថ្នាក់ជាតិ និង​ពានរង្វាន់​សហព័ន្ធ​កីឡា​វាយ​កូន ឃ្លី​លើ​តុ​កម្ពុជា លើក​ទី​១ ឆ្នាំ​២០២០​។

ក្នុង​ឱកាស​ពិធី​បិទ​ការប្រកួត​កីឡា​វាយ កូនឃ្លី​លើ​តុ​ជ្រើសរើស​ជើងឯក​ថ្នាក់​ជាតិ និង ពានរង្វាន់​សហព័ន្ធ​កីឡា​វាយ​កូនឃ្លី លើ​តុ​កម្ពុជា លើក​ទី​១ ប្រចាំឆ្នាំ ២០២០ កាលពី​ថ្ងៃទី​២៤ ខែតុលា​ម្សិលមិញ​នេះ មានការ​អញ្ជើញ​ចូលរួម​ពី​លោកនាយ​ឧ​ត្ត​ម​សេនីយ៍ គៀត ច័ន្ទ​ថា​រិ​ទ្ធ អគ្គនាយក​នៃ​អគ្គនាយកដ្ឋាន​អន្តោប្រវេសន៍ និង​ជា​ប្រធាន​សហព័ន្ធ​កីឡាវាយកូនឃ្លីលើតុ​កម្ពុជា និង អ៊ុក សិទ្ធិ​ជាតិ អគ្គនាយក​នៃ​អគ្គនាយកដ្ឋាន​កីឡា​។

ក្លិប​កីឡាវាយកូនឃ្លីលើតុ​ក្រសួង​មហា​ផ្ទៃ​ដណ្តើម​មេដាយ​សរុប​ចំនួន ១៩ គ្រឿង ក្នុង​នោះ​មេដាយមាស​ចំនួន​៧ គ្រឿង មេដាយ​ប្រាក់​៦​គ្រឿង និង​មេដាយ​សំរិទ្ធ​៦​គ្រឿង ហើយ​ក្លិប​កីឡា​វាយ​កូនឃ្លី លើ​តុ​ស៊ី​ធី​ស្ព​ត (​ច្បារអំពៅ​)​ទទួល​បាន​មេដាយមាស​១​គ្រឿង ក្លិប​កីឡា​វាយ​កូន ឃ្លី​លើ​តុ​សន្ធរ​មុខ​ថ្មី​ទទួលបាន​មេដាយ​៥ គ្រឿង​ក្នុង​នោះ​មេដាយ​ប្រាក់​១​គ្រឿង និង​មេដាយសំរិទ្ធ​៤​គ្រឿង​។

ក្លិប​កីឡាវាយកូនឃ្លីលើតុ​ឌីណាមិច​ទទួល​បាន​មេដាយ​២​គ្រឿងក្នុង​នោះ​មេ ដាយ​ប្រាក់​១​គ្រឿង និង​មេដាយសំរិទ្ធ​១ គ្រឿង​។ ចំណែក​ក្លិប​កីឡា​វាយ​កូនឃ្លី​លើ តុ​ALL Star អនុវិទ្យាល័យ ពោធិចិនតុង ខេត្តកំពត និង​អគ្គនាយកដ្ឋាន​អត្ត​សញ្ញា​កម្ម​ទទួលបាន​មេដាយ​មេដាយសំរិទ្ធ​១ គ្រឿង​ដូចគ្នា​៕
ដោយ ៖ វិសិទ្ធ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services