កីឡា

Marcus Haber ក្លាយជាកីឡាករនាំសំណាងដល់ព្រះខ័នរាជស្វាយរៀងសារជាថ្មី ក្រោយស៊ុតយកឈ្នះបឹងកេត

បានផុស

៤ years មុន

នៅ

ថ្ងៃសៅរ៍ ៩ កក្កដា ២០២២

ដោយ

ក្លិបបាល់ទាត់ព្រះខ័នរាជស្វាយរៀង បន្តជ័យជម្នះទៀតហើយក្នុងពានរង្វាន់ខេមបូឌានព្រីមៀរលីគ ឆ្នាំ២០២២ ក្រោយយកឈ្នះម្ចាស់ផ្ទះបឹងកេត ០-១ ចុងម៉ោង ក្នុងជំនួបសប្ដាហ៍ទី១០ នៃជុំទី២ នាល្ងាចថ្ងៃទី០៩ ខែកក្កដា ឆ្នាំ២០២២។

ការប្រកួតពិតជាតានតឹងតាំងពីការចាប់ផ្ដើមដំបូង ដោយក្រុមទាំងពីរនាមជាក្រុមខ្លាំងដូចគ្នា ដោយមានឱកាសច្រើនដូចគ្នាជាមួយការទាត់ចូលទីច្រើនលើកច្រើនសារប៉ុន្តែបានត្រឹមរំលងរបាទី និងសង្គ្រោះដោយអ្នកចាំទី និងបានរក្សាលទ្ធផល ០-០ ដល់ចប់វគ្គទី១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចូលដល់វគ្គទី២ ព្រះខ័នរាជស្វាយរៀង មានសម្ទុះកាន់តែខ្លាំង ដោយមានឱកាសបន្ថែមច្រើនជាងមុនតែនៅតែមិនទាន់អាចធ្វើបានសម្រេច និងបានអូសបន្លាយដល់នាទី៨៨ ទើបគ្រាប់បាល់កើតមានឡើងសម្រាប់ព្រះខ័នរាជស្វាយរៀង ធ្វើបានសម្រេចដោយកីឡាកររកគ្រាប់បាល់បានច្រើនជាងគេក្នុងលីគ Marcus Haber ដដែលជួយឱ្យក្លិបយកឈ្នះ បឹងកេត ០-១ គ្រាដែលគេទើបតែជួយក្លិបយកឈ្នះភ្នំពេញក្រោន ១-០ កាលពីពាក់កណ្ដាលសប្ដាហ៍ដូចគ្នា ដើម្បីទទួលបាន ៣ពិន្ទុដ៏មានសារៈសំខាន់បំផុត។

លទ្ធផលនេះ ធ្វើឲ្យ ព្រះខ័នរាជស្វាយរៀង បន្តកំណត់ត្រាមិនដែលចាញ់ក្នុងលីគ ១០ប្រកួតជាប់ៗគ្នា ហើយជាពិសេសនៅតែឈរកំពូលតារាងនៃលីគកំពូលកម្ពុជា ឆ្នាំ២០២២ ត្រឹមសប្ដាហ៍ទី១០ ដោយបន្ថែមដល់ ២៨ពិន្ទុ រុញបឹងកេត ធ្លាក់ទៅលេខ៣ បណ្ដោះអាសន្ន។ ដោយឡែកគីរីវង់សុខសែនជ័យ បានរងបរាជ័យក្រោមថ្វីជើង វិសាខា ១-២ លើទឹកដីរបស់ខ្លួនឯង៕

អត្ថបទ ៖ មន្នីរ័ត្ន

Related Topics:

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា