កីឡា
អត្តពលិកប្រណាំងម៉ូតូ Kara ៤៨នាក់ នឹងចូលរួមប្រកួតប្រជែងដណ្ដើមពានរង្វាន់ប្រណាំងម៉ូតូលើវាលរាប
ថ្លែងក្នុងពិធីសន្និសីទការសែតកាលពីព្រឹកថ្ងៃទី ០២ ខែធ្នូ ឆ្នាំ២០២២ នៅទីស្នាក់ការគណៈកម្មាធិការជាតិអូឡាំពិកកម្ពុជាលោក ពៅ តិចឡេង អគ្គនាយកក្រុមហ៊ុនភ្នាក់ងាររៀបចំការ៉ាកម្ពុជាឲ្យដឹងថា ការប្រកួតនេះនឹងមានការចូលរួមប្រកួតពីកីឡាករខ្មែរ និងកីឡាករជប៉ុនម្នាក់ សរុប ៤៨នាក់ ដោយចែកចេញជា ៥កម្រិតលើចម្ងាយផ្លូវ ១ ៦០០ម៉ែត្រ ក្នុងនោះ មានផ្លូវបត់កាច់កោងសរុបចំនួន ១៣។
កម្រិត A មានកីឡាករចូលរួមប្រកួតប្រជែងចំនួន ៩នាក់, កម្រិត B មាន ២៩នាក់ (កីឡាការិនីម្នាក់), កម្រិត C មាន ១០នាក់ (កីឡាករកម្ពុជា ៩នាក់ និងជប៉ុនម្នាក់) និងកម្រិត D ផ្នែក Endurance មានកីឡាករចូលរួមសរុប ២០នាក់ ស្មើនឹង១០ក្រុម។ ចំពោះក្រុមមេកានិកមានចំនួន ៤៣នាក់។
លោកក៏បានអំពាវនាវដល់កីឡាករ និងអ្នកគាំទ្រវិស័យកីឡាយានយន្តឲ្យបន្តចូលរួមលើកស្ទួយវិស័យកីឡានៅកម្ពុជាឱ្យកាន់តែរីកចម្រើនបន្ថែមទៀត បន្ទាប់ពីព្រឹត្តិការណ៍កីឡាប្រណាំងម៉ូតូលើវាលរាបខកខានចំនួន ២ឆ្នាំ ដោយសារវិបត្តិជំងឺកូវីដ-១៩។
នៅឆ្នាំក្រោយ KARA ប្តេជ្ញារៀបចំព្រឹត្តិការណ៍ដូចគ្នានេះឱ្យបាន២ដងក្នុង១ឆ្នាំ ដើម្បីជំរុញឱ្យជំនាញកីឡាមួយនេះកាន់តែមានការអភិវឌ្ឍឱ្យកាន់តែល្អប្រសើរបន្ថែមទៀត។
អគ្គលេខាធិការរងសហព័ន្ធកីឡាយានយន្តកម្ពុជាលោក ខៃ វណ្ណៈ បាននាំយកនូវការផ្តាំផ្ញើរបស់លោកនាយឧត្តមសេនីយ៍ មៀច សុផាន់ណា ប្រធានសហព័ន្ធកីឡាយានយន្តកម្ពុជាថា ពាក់ព័ន្ធនឹងការរៀបចំការប្រណាំងម៉ូតូលើវាលរាបនេះដោយផ្តោតសំខាន់លើគោលការណ៍ចម្បងចំនួនពីរគឺគោលការណ៍ថែរក្សាសុវត្ថិភាព និងគោលការណ៍គោរពវិន័យឱ្យបានខ្ពស់បំផុតក្នុងការប្រណាំង។
លោកអគ្គលេខាធិការរងស្នើឱ្យអ្នករៀបចំយកចិត្តទុកដាក់ឱ្យបានខ្ពស់ក្នុងការថែរក្សាសុវត្ថិភាព និងការគោរពវិន័យឱ្យបានល្អប្រសើរ ដើម្បីជៀសវាងគ្រោះថ្នាក់ផ្សេងៗ ដោយការគោរពវិន័យសំដៅទៅលើកីឡាករដោយតម្រូវឱ្យគោរពបទបញ្ជាការប្រកួត និងលក្ខខណ្ខប្រកួតឱ្យបានល្អប្រសើរ។
គួបញ្ជាក់ផងដែរថា សម្រាប់ប្រាក់រង្វាន់ជ័យលាភីផ្នែក Endurance ម្ចាស់ជ័យលាភីជើងឯក ប្រាក់រង្វាន់ ៤លានរៀល, លេខ២ ប្រាក់រង្វាន់ ៣លានរៀល និងលេខ៣ ប្រាក់រង្វាន់ ២លានរៀល។
ដោយឡែកប្រាក់រង្វាន់សម្រាប់កម្រិត A B C D នឹងទទួលបានប្រាក់រង្វាន់លេខ១ ទឹកប្រាក់២លានរៀល, លេខ២ ប្រាក់រង្វាន់ ១លាន២សែនរៀល និងលេខ៣ មានប្រាក់រង្វាន់ ៨០ម៉ឺនរៀល៕
អត្ថបទ៖ មន្នីរ័ត្ន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?