កីឡា

៤រឿងសំខាន់ៗអំពីគូដណ្ដើមខ្សែក្រវាត់រវាង Regian Eersel និង Mustapha Haida

បានផុស

១ ខែ មុន

នៅ

ថ្ងៃចន្ទ ១៥ មីនា ២០២១

ដោយ

Regian “The Immortal” Eersel ដែលជាម្ចាស់ខ្សែក្រវាត់ ONE Lightweight Kickboxing World Champion ត្រូវឡើងការពារខ្សែក្រវាត់ប៉ះគូប្រជែងលំដាប់លេខ២ Mustapha “Dynamite” Haida ក្នុងនាមជាគូឯកនៅព្រឹត្តិការណ៍ ONE: FISTS OF FURY III។ គូប្រកួតទាំងពីរមានស្ទិលប្រកួតខុសៗគ្នាគួរឲ្យចង់ទស្សនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គូប្រកួតលំដាប់ពិភពលោកនេះនឹងប៉ះគ្នានៅថ្ងៃសុក្រទី ទី ១៩ ខែមីនា ចុងសប្ដាហ៍នេះនៅ Singapore Indoor Stadium ហើយអ្នកគាំទ្រនឹងបានទស្សនាសកម្មភាពប្រកួតឥតឈប់ឈរមិនខានតាំងពីដំបូងដល់ចប់ការប្រកួត។ អ្នកទាំងពីរសុទ្ធតែមានស្ទិលប្រកួតល្អរៀងៗខ្លួន។ សូមតាមតាមដាន រឿងរ៉ាវសំខាន់ៗ ៤ យ៉ាង មុនជើងឯកពិភពលោកប៉ះគ្នាខាងក្រោម។

Eersel មានស្នៀតគាបសង្កត់ដ៏វ័យឆ្លាត

“The Immortal” ជាអ្នកប្រយុទ្ធដែលមានស្នៀតគាបសង្កត់តាមក្បាច់ទាត់ជើងដ៏មានប្រសិទ្ធភាព។ ក្បាច់ទាត់របស់គេធ្វើឲ្យគូប្រជែងពិបាកទប់ទល់ណាស់។ គេអាចប្រើស្នៀតនេះកៀរគូបដិបក្ខទៅក្បែរកន្លែងឲ្យទឹក មុនពេលប្រើក្បាច់ប្រយុទ្ធដ៏គ្រោះថ្នាក់។ នៅពេលគូប្រជែងព្យាយាមគេច កូនកាត់ហូឡង់-សូរីណាម រូបនេះតែងតែដើរចូលដើម្បីប្រើកណ្ដាប់ដៃធ្ងន់ៗ, ស្នៀតទាត់ជើង, និងឡើងជង្គង់ដ៏មានថាមពល។

Haida មានវិធីងាយស្រួលក្នុងការប្រកួត

“Dynamite” ធ្វើបម្លាស់ទីបានល្អ ប៉ុន្តែ គេមិនមែនជាអ្នកដកថយដើម្បីប្រកួតនោះទេ។ កីឡាករប្រើឆ្វេងរូបនេះអាចប្រើជំហរឆ្វេងដើម្បីប្រយុទ្ធឲ្យបានល្អ។ អ្នកជំនាញកណ្ដាប់ដៃធ្ងន់សញ្ជាតិអ៊ីតាលីរីករាយដើម្បីឲ្យគូប្រជែងបុកចូល ខណៈរូបគេប្រើវិធីឆ្មក់វ៉ៃវិញក៏មិនធម្មតាដែរ។ នៅពេលគូប្រជែងចូលមកដើម្បីវ៉ៃកៀក Haida ក៏អាចចេញស្នៀតខាវកណ្ដាប់ដៃ និង វាយបកកណ្ដាប់ដៃឆ្វេងលឿនៗទៅវិញ ឬ វ៉ៃកាត់ឆ្វេងដ៏គ្រោះថ្នាក់ផងដែរ។ ដូចគ្នានេះ Eersel ត្រូវតែបារម្ភពេលចូលកៀកនេះតែម្ដង។

‘The Immortal’ មានជង្គង់ប្រកបដោយគ្រោះថ្នាក់

Eersel មានកម្ពស់មានប្រៀបដែលអំណោយផលសម្រាប់អុកជង្គង់។ ហើយបើសិនមានឱកាស គេនឹងបំបាក់គូប្រកួតដោយប្រើជង្គង់ដ៏ធ្ងន់ៗ។ “The Immortal” បានសម្រួចការប្រកួតនេះតាមរយៈស្នៀតជង្គង់របស់ខ្លួន។ គេអាចវ៉ៃខាវ ឬ វ៉ៃថ្ពក់ ហើយបន្ទាប់មកចូលអុកជង្គង់ ឬ អុកជង្គង់ឆ្វេងបើសិនរូបគេដកថយមកក្រោយវិញ។

កូនសិស្សមកពីក្លិប Sityodtong Amsterdam មានកម្ពស់រហូតដល់ ១៨៩ សង់ទីម៉ែត្រ។ គេនៅចាំថា ជង្គង់របស់ Eersel អាចឡើងដល់ចង្ការបស់ Nieky “The Natural” Holzken ដែលបានយកឈ្នះ និងគ្រងខ្សែក្រវាត់នាគ្រានោះ។ បើដៃគូហ៊ានប្រហែស Eersel យកស្នៀតនេះបំបាក់គ្រប់ពេលដោយសារតែជង្គង់ឡើងបានខ្ពស់។

‘Dynamite’ មានកណ្ដាប់ដៃធ្ងន់មហាសាល

ខណៈដែលម្ចាស់ខ្សែក្រវាត់មានជំនាញជង្គង់ដ៏ល្អ អ្នកប្រជែងខ្សែក្រវាត់ក៏មានស្នៀតប្រដាល់សកលប្រកបដោយគ្រោះថ្នាក់ផងដែរ។ មានកីឡាករជាច្រើនបានចាញ់ក្រោមកណ្ដាប់ដៃធ្ងន់ៗរបស់ Haida រួមមាន Daniel “The Rock” Dawson កាលព្រឹត្តិការណ៍ ONE: BEYOND THE HORIZON ផងដែរ។ ដូច្នេះ Eersel ត្រូវតែការពារចង្កា និងផ្ទៃមុខរបស់គេឲ្យល្អជារៀងរាល់ពេលនៅលើសង្វៀន។ ម្យ៉ាងវិញទៀត “Dynamite” អាចប្រើកណ្ដាប់ដៃបានល្អ ទោះនៅឆ្ងាយ ឬជិតក៏ដោយ។

តើខ្សែក្រវាត់នៅលើម្ចាស់ដដែល ឬ ប្ដូរម្ចាស់ថ្មី?