កីឡា
តិចច្រឡំជាតារាម៉ូដែល តាមពិតកីឡាការិនីអូស្ត្រាលីស៊ិចស៊ីត្រូវវ៉ៃថ្ងៃសុក្រនេះ
កីឡាការិនីប្រដាល់អូស្ត្រាលីនាង Alma Junika ត្រូវឡើងសង្វៀន ONE Championship ដើម្បីសាកសមត្ថភាពជាមួយម្ចាស់ខ្សែក្រវាត់ឃីកបុកសីងពិភពលោក Janet Dodd នៅព្រឹត្តិការណ៍ ONE: Fists of Fury III។
មុនជំនួបនារីស្រស់សោភាជាមួយម្ចាស់ខ្សែក្រវាត់ពិភពលោកនាថ្ងៃសុក្រ ទី១៩ ខែមីនា ចុងសប្តាហ៍នេះពីកីឡដ្ឋាន Singapore Indoor Stadium ឈានជើងចូលមក យើងខ្ញុំសូមបង្ហាញប្រវត្តិខ្លះៗរបស់កីឡាការីអូស្ត្រាលី។
ក្រឡេកមើលរូបភាពជាច្រើននៅលើគណនី Instagram របស់នាងបង្ហាញឲ្យឃើញពីរូបភាពស្រស់ស្អាត និងស៊ិចស៊ីគួរឲ្យទាក់ទាញដែលស័ក្តិសមជាតារាបង្ហាញម៉ូដ ឬក៏តារាសម្តែងជាដើម។
ប៉ុន្តែបើតាមដានពីប្រវត្តិរូបវិញទើបដឹងថា Alma Junika កីឡាការិនីប្រដាល់សេរីដ៏ឆ្នើមម្នាក់។ នាងកើតនៅទីក្រុងឡូហ្គេត រដ្ឋប្រីសបេន ប្រទេសអូស្ត្រាលី។ ឪពុកម្តាយរបស់នាងមានប្រភពដើមពីបាល់បានី និងកូសូវ៉ូ ប៉ុន្តែពួកគាត់អន្តោប្រវេសទៅប្រទេសអូស្ត្រាលីដើម្បីស្វែងរកទីជម្រកថ្មី មុនពេលនាងបានកើតមក។
ដើមឡើយនាងចាប់អារម្មណ៍នឹងកីឡាបាល់ទាត់ទេ ប៉ុន្តែក្រោយមកគេណែនាំនាងឲ្យហាត់ប្រដាល់មួយថៃនៅពេលនាងអាយុទើប៨ឆ្នាំ ហើយក៏ចាប់ចិត្តស្រឡាញ់ខ្លាំងពីពេលនោះតែម្តង។
នៅទឹកដីអូស្ត្រាលី នាងបានក្លាយជាការិនីប្រដាល់មួយថៃឆ្នើមម្នាក់ និងបានឈ្នះជើងឯកថ្នាក់ជាតិកម្រិតយុវជនជាច្រើនលើក។
បន្ទាប់មក នាងបានចាប់យកជំនាញប្រដាល់មួយថៃជាអាជីព។ នាងបានឈ្នះខ្សែក្រវាត់អូស្ត្រាលី WMC និងបន្តឈ្នះខ្សែក្រវាត់មួយថៃពិភពលោកកម្រិត WBC និង IPCC ជាបន្តបន្ទាប់ក្នុងរយៈពេលប៉ុន្មានខែ ក្រោយពេលនាងឈានដល់អាយុ១៨ឆ្នាំ។
ក្រោយមក Alma Junika បានបោះជំហានចូលស្ថាប័នពិភពលោក ONE Championship និងបានប្រកួតដំបូងជាមួយកីឡាការិនី Stamp Fairtex ដើម្បីដណ្តើមខ្សែក្រវាត់មួយថៃពិភពលោកប៉ុន្តែបន្ទាប់ពីតស៊ូ៥ទឹកពេញ នាងបានចាញ់ពិន្ទុ។
ពេលនេះកីឡាការិនីអូស្ត្រាលីដ៏ស្រស់ស្អាតទទួលបានឱកាសសាកសមត្ថភាពជាមួយកីឡាការិនីអាមេរិក Janet Dodd ដែលជាអ្នកដណ្តើមយកខ្សែក្រវាត់ឃីកបុកសីងពិភពលោកបានសម្រេចពីStamp Fairtex កាលពីឆ្នាំ២០២០។
សម្រាប់ការប្រកួតនៅថ្ងៃសុក្រ ទី១៩នេះ ទាំងនាង Alma Junika និង Janet Dodd ក្នុងជំនួបមិត្តភាព ប៉ុន្តែអ្នកទាំងពីរដាក់គោលយកខ្សែក្រវាត់មួយថៃពិភពលោកដែល Stamp Fairtex បានរបូតពីខ្លួនធ្លាក់ទៅជើងខ្លាំងប្រេស៊ីល Allycia Rodigue។
ដូច្នេះអ្នកឈ្នះអាចនឹងឡើងទៅប្រកួតដណ្តើមខ្សែក្រវាត់មួយថៃពិភពលោកពីកីឡាការិនីប្រេស៊ីល Allycia Rodigue៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង