បច្ចេកវិទ្យា
រថយន្ត SUV ទើបមកដល់ថ្មី Maxus D60 និង Souest DX7
រថយន្តប្រភេទ SUV នៅក្នុងទីផ្សារប្រទេសកម្ពុជាកាន់តែមានការចាប់អារម្មណ៍ជាបន្តបន្ទាប់គួរឲ្យកត់សម្គាល់។ បច្ចុប្បន្ននេះ ក្រុមហ៊ុន Maxus បានបង្ហាញពីម៉ូឌែលថ្មីរបស់ខ្លួនគឺ Maxus D60 ចំណែកឯក្រុមហ៊ុន Souest ក៏បានបង្ហាញនូវ DX7 ថ្មីផងដែរ។ ម៉ូឌែលទាំងពីរនេះមានភាពខុសគ្នាទៅនឹង តម្លៃ និង មុខងារប្រើប្រាស់ដែលបានបំពាក់មក។ រថយន្តប្រភេទSUV គឺជាជម្រើសដ៏ល្អបំផុតសម្រាប់តម្រូវការផ្សេងៗរបស់អ្នក ហើយក៏សាកសមសម្រាប់មនុស្សជាច្រើនដែលមានថវិកាសមល្មម។ ថ្ងៃនេះយើងខ្ញុំនឹងបង្ហាញពីចំណុចពិសេសមួយចំនួនរបស់រថយន្ត Maxus D60 និង Souest DX7៖
– រថយន្ត Souest DX7 មានតម្លៃចាប់ពី $38,800 ហើយវាបានបំពាក់មកជាមួយម៉ាស៊ីនតួបូ1.5 រួមនឹងប្រអប់លេខអូតូ៦វគ្គ។ ប្រវែងរបស់រថយន្ត Souest DX7គឺមាន ប្រវែងបណ្តោយ 4,585mm , ទទឹង 1,900mm , កំពស់ 1,718mm និងគម្លាតពីកង់មុខទៅកង់ក្រោយ 2,700mm។ ផ្នែកខាងក្នុងនៃរថយន្ត Souest DX7 ភ្ជាប់មកជាមួយការរចនាពណ៌សលាយខ្មៅ ដោយរចនាយ៉ាងស្រស់ស្អាតនៅលើកៅអី និង តាមទ្វារផងដែរ។ វាក៏បន្ថែមនូវម៉ូតជាពណ៌ឈើដែលរំលេចឡើងនៅតាប់ឡូកណ្តាល។ វាក៏បានបំពាក់មកជាមួយមុខងារប្រើប្រាស់ដ៏ទំនើបមួយចំនួនដូចជា កុងទ័រប្រភេទLCDទំហំ១០អ៉ីញ, អេក្រង់កម្សាន្តទំហំ១០អ៉ីញ, កាមេរ៉ាក្រោយរួមនឹងមានសេនស័រខាងក្រោយ, ប្រព័ន្ធសោឆ្លាតវៃ ហើយរថយន្ត Souest DX7 ក៏មានការធានារយៈពេល៥ឆ្នាំសម្រាប់អតិថិជនរបស់ពួកគេផងដែរ។
– រថយន្ដ Maxus D60 ជាប្រភេទរថយន្ត SUV ៧កៅអីដែលផ្តល់ជូននូវស្ទីលដ៏ស្រស់ស្អាតនិងផាសុកភាពបំផុត។ រថយន្ត Maxus D60 មានតម្លៃចាប់ពី $42,000 ហើយវាបានបំពាក់ដោយម៉ាស៊ីនតួបូ1.5TGI និង ប្រអប់លេខអូតូ DCT ៧វគ្គ។ វាផ្តល់នូវកម្លាំង 166hp និង កម្លាំងរមួល 250Nm ។ រថយន្ត Maxus D60 មានប្រវែងបណ្តោយ 4,720mm, ទទឹង 1,860mm , កម្ពស់ 1,736mm និងគម្លាតពីកង់មុខទៅកង់ក្រោយ 2,769mm ដែលវាមានទំហំធំជាងរថយន្ត Souest DX7។ ពូកស្បែករបស់រថយន្ត Maxus D60 ត្រូវបានដេរយ៉ាងម៉ត់ចត់ហើយរំលេចឡើងនូវស្បែកពណ៍ខ្មៅលាយក្រហមដែលកាន់តែប្រណីតនិងទាក់ទាញ។ រថយន្ត Maxus D60 ក៏បានបំពាក់នូវមុខងារដ៏ទំនើបមួយចំនួនដូចជា: កុងទ័រឌីជីថលLCDទំហំ១៤អ៉ីញ និង អេក្រង់កម្សាន្តទំហំ១២.៣អ៉ីញ។ Maxus D60 បន្ថែមមកជាមួយលក្ខណៈពិសេសស្តង់ដាររួមមានដូចជា: កាំមេរ៉ាមើលក្រោយអមនឹងសេនស័រក្រោយជំនួយពេលចតរថយន្ត, ប្រព័ន្ធត្រួតពិនិត្យសម្ពាធកង់, មុខងារពិសេសអាចបញ្ជាពីដៃចង្កូត, ប្រព័ន្ធគ្រប់គ្រងល្បឿនក្នុងពេលបើកបរ ហើយរថយន្ត Maxus ក៏ផ្តល់ជូននូវការធានារយៈពេល៥ឆ្នាំផងដែរ។
ប្រសិនបើលោកអ្នកកំពុងពិចារណាលើរថយន្តប្រភេទSUV លោកអ្នកអាចពិចារណាជាមួយរថយន្ត SUV ពីរម៉ូឌែលខាងលើដែលសាកសមសម្រាប់ការប្រើប្រាស់ជាលក្ខណៈគ្រួសារ និងការងារអាជីវកម្មផ្សេងៗរបស់អ្នកប្រកបដោយសុវត្ថិភាព និងផាសុកភាព៕
-
ព័ត៌មានអន្ដរជាតិ៧ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៥ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៧ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៥ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ចរាចរណ៍២ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានជាតិ១ សប្តាហ៍ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៤ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៣ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?