បច្ចេកវិទ្យា
នាយកដ្ឋានព័ត៌មានវិទ្យា ប្រាប់ឲ្យប្រុងប្រយ័ត្ន ចំពោះការឆ បោក ក្រោមរូបភាព «មនោ សញ្ចេតនា» លើបណ្តាញ សង្គម
នាយកដ្ឋានព័ត៌មានវិទ្យា នៃក្រសួងមហាផ្ទៃ បានប្រាប់ឲ្យប្រជាពលរដ្ឋ និងសាធារណជន មានការប្រុងប្រយ័ត្ន អំពីការឆបោក ក្រោមរូបភាព មនោសញ្ចេតនា (Romantic Scam) លើបណ្តាញទំនាក់ទំនងសង្គម។
ទំព័រហ្វេសប៊ុក របស់នាយកដ្ឋានព័ត៌មានវិទ្យា នៅរសៀលថ្ងៃទី៣០ ខែសីហានេះ បានសរសេរថា កន្លងក្រុមការងារនាយកដ្ឋាន បានធ្វើការចុះផ្សាយ ស្តីពី ល្បិចឆបោកប្រាក់ផ្សេងៗ របស់ជនខិលខូច ដោយប្រើប្រាស់បច្ចេកវិទ្យាគមនាគមន៍ និងព័ត៌មានជាមធ្យោបាយ។
ដោយឡែក នៅថ្ងៃនេះក្រុមការងារនាយកដ្ឋាន បានលើកយកល្បិចឆបោក ដោយប្រើប្រាស់មធ្យោបាយ មនោសញ្ចេតនា (Romantic Scam) ដើម្បីរៀបចំគម្រោងទុច្ចរិត ទៅលើជនរងគ្រោះ តាមវិធីសាស្ត្រជាសង្ខេបដូចខាងក្រោម៖
១- ជនខិលខូច ធ្វើការប្រមូលព័ត៌មាន ពាក់ព័ន្ធនឹងជនរងគ្រោះគោលដៅ (Target Victims) លើបណ្តាញ អ៊ីនធឺណិត ដើម្បីរៀបចំគម្រោងឆបោករបស់ពួកគេ។
២- ជនខិលខូច ចាប់ផ្តើមធ្វើការភ្ជាប់ ទំនាក់ទំនង ជាមួយជនរងគ្រោះ តាមរយៈកម្មវិធី បណ្តាញទំនាក់ទំនងសង្គមផ្សេងៗ តួយ៉ាងដូចជាកម្មវិធីហ្វេសប៊ុក កម្មវិធីសារអឡិចត្រូនិក (Telegram, WhatsApp, Line, Messenger)។
៣- ជនខិលខូច ធ្វើការតាមដាន រាល់ព័ត៌មាន មតិយោបល់ ឬសកម្មភាពផ្សេងៗ របស់ជនរងគ្រោះ លើបណ្តាញអ៊ីនធឺណិត ដើម្បីសន្និដ្ឋានទឹកចិត្ត និងសតិអារម្មណ៍របស់ជនរងគ្រោះ។
៤- ជនខិលខូច ធ្វើការជជែកលេង ជាញឹកញាប់ ជាមួយជនរងគ្រោះ ពិសេសនៅពេល ដែលពួកគេមានបញ្ហាផ្លូវចិត្តក្នុងជីវិតឯកជន គ្រួសារ ឬជំនួញ។ល។
៥- នៅពេល ដែលជនរងគ្រោះធ្លាក់ ក្នុងអន្លង់មនោសញ្ចេតនាក្លែងក្លាយ ជនខិតខូច ចាប់ផ្តើមអនុវត្តគម្រោងទុច្ចរិត តួយ៉ាង ដូចជា ការឆបោកប្រាក់ ដោយហេតុផលផ្សេងៗ ការលួងលោមថតសកម្មភាព រូបភាពអាស អភាស ឬការណាត់ជួប និងបន្ទាប់មក ប្រព្រឹត្តសកម្មភាព ល្មើសផ្សេងៗ ជាដើម។
លើសពីនេះក្រុមការងារ នាយកដ្ឋានព័ត៌មានវិទ្យា នៃក្រសួងមហាផ្ទៃ ក៏បានសង្កេតឃើញផងដែរថា មានជន ខិលខូចមួយចំនួន កំពុងធ្វើសកម្មភាពល្មើស ពីក្រៅប្រទេស (ជនបរទេស) និងមានជនល្មើសមួយចំនួន (ជនបរទេស ឬជនជាតិខ្មែរ) ក៏កំពុងប្រព្រឹត្ត សកម្មភាពទុច្ចរិតនេះ ក្នុងទឹកដីនៃព្រះរាជាណាចក្រកម្ពុជាផងដែរ ។
នាយកដ្ឋានព័ត៌មានវិទ្យា នៃក្រសួងមហាផ្ទៃ បានអំពាវនាវ ឲ្យប្រជាពលរដ្ឋទាំងអស់ ពិសេសអ្នកដែលកំពុងប្រើប្រាស់កម្មវិធី បណ្តាញទំនាក់ទំនងសង្គម មេត្តាប្រុងប្រយ័ត្ន នូវល្បិចកលខាងលើ និងសូមធ្វើសេចក្តីរាយការណ៍ ជូនមន្ត្រីមានសមត្ថកិច្ច នៅពេលបានដឹង ជួបប្រទះ ឬសង្ស័យថា ជាប្រភេទបទល្មើស ខាងលើនេះ៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»