នាយកដ្ឋានព័ត៌មានវិទ្យា ប្រាប់គន្លឹះការពារសុវត្ថិភាពកុមារពីគ្រោះថ្នាក់នៃការប្រាស់ប្រព័ន្ធអុីនធឺណិត

អុីនធឺណិត​ បានក្លាយជាមធ្យោបាយប្រើប្រាស់ចាំបាច់​បំផុត​មួយ ដែលបម្រើ​ដល់​សកម្មភាព​ទូទៅប្រចាំថ្ងៃ របស់មនុស្ស មិនថាបម្រើឱ្យកិច្ចការងារទូទៅ អាជីវកម្មសម័យឌីជីថល ការសិក្សា និងការទំនាក់ទំនងឡើយ។ ទន្ទឹមនឹងភាពរីកចម្រើននៃបច្ចេកវិទ្យា បញ្ហាសុវត្ថិភាព​ ក៏ជាក្តីបារម្ភផងដែរ សម្រាប់អ្នកប្រើប្រាស់ប្រាស់ប្រព័ន្ធបច្ចេកវិទ្យា នាពេលបច្ចុប្បន្ននេះ ពិសេសជនងាយរងគ្រោះ ដូចជាអ្នកមិនសូវដឹងពីបច្ចេកវិទ្យា និងកុមារ។

ជាទូទៅ កុមារមិនសូវជាយល់ពីបញ្ហាបទល្មើ​សបច្ចេក​វិទ្យាឡើយ ហើយក៏មានច្រើនករណីមកហើយ ដែលត្រូវក្លាយជា​ជន​រងគ្រោះ ព្រោះតែសង្គមនៃបច្ចេកវិទ្យា។ ដូចនេះ ដើម្បីជា​ជំនួយ​ក្នុង​ការពារសុវត្ថិភាពកុមារ ​ពី​គ្រោះថ្នាក់​ទាំងអស់​នេះ​ នាយកដ្ឋានព័ត៌មានវិទ្យា​ ធ្លាប់បានចែករំលែកនូវ​វិធី​សាស្រ្ត​មួយចំនួនផងដែរ ដល់អាណាព្យាបាល ដើម្បីបង្ការបញ្ហាធ្ងន់ធ្ងរកើតឡើង​។

ខាងក្រោមនេះ ជាចំណុចខ្លះៗដែលកន្លងមក នាយកដ្ឋានព័ត៌មានវិទ្យានៃក្រសួងមហាផ្ទៃ បានចែករំលែកដល់អាណាព្យាបាល ឱ្យមានការយកចិត្តទុកដាក់៖
១. យកចិត្តទុកដាក់រាល់កម្មវិធីដែលកូនប្រើប្រាស់
_ សិក្សាស្វែងយល់អំពី​គេហទំព័រ ហ្គេមកំសាន្ត និងកម្មវិធីផ្សេងៗ​ដែលកូនៗរបស់លោកអ្នកកំពុងប្រើ​ប្រាស់ ដើម្បីអាចដឹងទាន់ពេល បើសិនជាមានអ្វីមិនប្រក្រតីកើតឡើង។​
_ ពិនិត្យមើលសកម្មភាពពួកគាត់ នៅ​លើបណ្តាញទំនាក់ទំនងសង្គម (ជួនកាល យើងអាចប្រទះឃើញ ភាពមិនប្រក្រតី របស់ជនអានាមិកណាមួយ កំពុងបង្ហាញចេតនាអូសទាយកូនរបស់យើង) ។
២. ពន្យល់ណែនាំកូន អំពីប្រភេទព័ត៌មានដែលគួរធ្វើការចែករំលែក​ ឬផ្តល់មតិយោបល់​ ​​ជៀ​ស​វាសការបង្ហោះព័ត៌មានឯកជនភាព​ ឬព័ត៌មានប្រឌិត​ ដែលប៉ះពាល់ដល់សន្តិសុខខ្លួនឯង​ ក្រុ​មគ្រួសារ​ និងសង្គម។
៤. ជួយប្រឹក្សាផ្នែកបច្ចេកទេសដល់កូនលោក​អ្នក​ អំពី​ការពង្រឹងមុខងារប្រព័ន្ធសុវត្ថិភាព ការដាក់លេខកូដសម្ងាត់​ កា​​រ​ការពារសុវត្ថិភាពគណនីអ៉ីនធឺណិត​។
៥. ណែនាំពួកគាត់ឱ្យមានការប្រុងប្រយ័ត្ន ចំពោះទំនាក់ទំនងលើបណ្តាញទំនាក់ទំនងសង្គម​​ ឱ្យពួកគេបានយល់ពីការបោកប្រាស ដែលកន្លងមកមានជនដើរអូសទាញក្មេងស្រី ចូលក្នុងក្នុងទំនាក់ទំនង ស្នេហា ណាត់ជួប រហូតឈានដល់ឱ្យប្រព្រឹត្តសកម្មភាពស្រើបស្រាលផ្សេងៗ៕