ចរាចរណ៍

រថយន្ដបែនដឹកដីបត់ចូលការដ្ឋានមិនប្រយ័ត្ន ជ្រុលបុករថយន្តស៊េរីទំនើបទាំងកំរោល

បានផុស

៣ years មុន

នៅ

ថ្ងៃចន្ទ ១៤ មិថុនា ២០២១

ដោយ

រថយន្តហ្វតធូនន័រ ស៊េរីទំនើបមួយគ្រឿង ត្រូវរងការខូចខាតផ្នែកខាងមុខយ៉ាងដំណំ ដោយសាររថយន្តប៉ែនដឹកដីធុនធំមួយគ្រឿង បើកចូលក្នុងការដ្ឋានមិនប្រយ័ត្ន ក៏ជ្រុលចង្កូតបុកទាំងកំរោល នៅបណ្តោយផ្លូវ៦០ម៉ែត្រ ក្នុងសង្កាត់ចាក់អង្រែក្រោម ខណ្ឌមានជ័យ បង្កការភ្ញាក់ផ្អើលកាលពីវេលាម៉ោង២២និង៣០នាទីយប់ ថ្ងៃទី១២ ខែមិថុនា ឆ្នាំ២០២១ ។

រថយន្តបង្ក ជាប្រភេទរថយន្តប៉ែនដឹកដីធុនធំ ពណ៌ក្រហម ពាក់ស្លាកលេខពោធិ៍សាត់ 3A-1140 ។ ដោយឡែករថយន្តរងគ្រោះម៉ាកហ្វតធូនន័រ ពណ៌ខ្មៅ ពាក់ស្លាកលេខភ្នំពេញ 2AM – 1199 ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពព័ត៌មានឲ្យដឹងថា នៅមុនកើតហេតុ គេឃើញរថយន្តរងគ្រោះបើកបរធ្វើដំណើរតាមបណ្តោយផ្លូវ៦០ម៉ែត្រ ក្នុងទិសដៅពីជើងទៅត្បូង ក្នុងល្បឿនលឿនគួរសម ។ ខណៈដល់ចំណុចមុខការដ្ឋានចាក់ដីមួយកន្លែង ស្រាប់តែរថយន្តប៉ែនដឹកដីធុនធំខាងលើ ដែលបើកបរបញ្ច្រាសទិសដៅគ្នា បានបើកបត់ចូលទៅការដ្ឋានរបស់ខ្លួនយ៉ាងលឿន ដោយមិនបានប្រយ័ត្នចំពោះអ្នកដំណើរដែលកំពុងបើកបរលើផ្លូវអាទិភាព បណ្តាលឲ្យបុកចំពីមុខក្បាលរថយន្តហ្វតធូនន័រ ពេញទំហឹង រងការខូចខាតផ្នែកខាងមុខយ៉ាងដំណំ។

ក្រោយកើតហេតុ កម្លាំងសមត្ថកិច្ចមូលដ្ឋាន បានចុះអន្តរាគមន៍ ធ្វើការវាស់វែង និងធ្វើការសម្របសម្រួលដល់ភាគីទាំងសងខាងឲ្យចចារគ្នា ដើម្បីឈានដល់ការបញ្ចប់រឿងផងដែរ។ ក្រោយការជជែកចចារគ្នាមួយរយះពេលធំហើយនោះ ភាគីតំណាងខាងរថយន្តបង្ក បានសម្រេចទទួលខុសត្រូវចេញសងថ្លៃខូចខាតលើរថយន្តរងគ្រោះទាំងស្រុងនៅចំពោះមុខសមត្ថកិច្ច ដើម្បីបញ្ចប់រឿង ។