ចរាចរណ៍

រថយន្តហាយឡែនឌ័របុករបាំងថ្មពុះចែកទ្រូងផ្លូវបណ្ដាលឲ្យរងរបួសម្នាក់

បានផុស

២ years មុន

នៅ

ថ្ងៃចន្ទ ១៥ វិច្ឆិកា ២០២១

ដោយ

រថយន្តម៉ាកហាឡិនឌ័រ១គ្រឿងបានរងការខូចខាត និងដាច់កាលេមុខបែកកង់មិនអាចបន្តដំណើរទៅមុខបានដោយសារតែបុករបាំងពុះចែកទ្រូងផ្លូវពេញទំហឹង។

ហេតុការណ៍គ្រោះថ្នាក់នេះ បានកើតឡើងកាលពីរាត្រីថ្ងៃ១៤ ខែវិច្ឆិកា ឆ្នាំ២០២១ នៅចំណុចក្បែរស្តុបក្តាន់ពីរ តាមបណ្តោយផ្លូវសហព័ន្ធរុស្ស៊ីក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានដែលបានឃើញហេតុការណ៍បានឲ្យដឹងថា នៅវេលាកើតហេតុគេឃើញរថយន្តហាយឡិនឌ័រពណ៌ស្ករមួយគ្រឿង ពាក់ស្លាកលេខ ភ្នំពេញ2AT6396បើកបរដោយបុរសម្នាក់ធ្វើដំណើរតាមបណ្ដោយផ្លូវសហព័ន្ធរុស្ស៊ីពីកើតទៅលិច លុះដល់ចំណុចកើតហេតុក៏រេចង្កូតទៅឆ្វេងដៃ បុករបាំងពុះចែកទ្រូងផ្លូវពេញទំហឹងបណ្ដាលឲ្យរថយន្តដាច់កាលេបែកកង់និងបែកកញ្ចក់បណ្ដាលឱ្យអ្នករួមដំណើរជាមួយក្នុងរថយន្តនោះរងរបួសហើយត្រូវបានបញ្ជូនទៅមន្ទីរពេទ្យផងដែរ។

បន្ទាប់ពីកើតហេតុកម្លាំងមូលដ្ឋានបានចុះគ្រប់គ្រងកន្លែងកើតហេតុ និងបានទំនាក់ទំនងសមត្ថកិច្ចជំនាញចុះមកស្ទូចរថយន្តយកទៅរក្សាទុកដើម្បីរង់ចាំដោះស្រាយតាមនីតិវិធី៕

អត្ថបទ៖ រស្មី