ក្រោយបាត់បង់កូនប្រុស Ronaldo ប្រកាសឈ្មោះកូនស្រីដែលនៅរស់

ថ្មីៗនេះ Cristiano Ronaldo និងមិត្តស្រីនាង Georgina Rodriguez បានប្រកាសឈ្មោះកូនស្រីជាស្រឡាញ់ បន្ទាប់ទារិកាមានអាយុជិត ១ខែ។ កាលពី ៣សប្ដាហ៍មុន គូស្នេហ៍នេះបានបាត់បង់កូនប្រុស កំលុងពេលសម្រាល ប៉ុន្តែជាសំណាងល្អបងស្រីភ្លោះរបស់ទារកមានសុវត្ថិភាពល្អ ហើយពួកគេទើបតែទម្លាយឈ្មោះរបស់នាង កាលពីម្សិលមិញនេះ ស្ដាប់ទៅពិរោះម្យ៉ាង។

នាងតូចនេះ ឈ្មោះថា Bella Esmeralda ។ កាលពីនៅថ្ងៃទី១៨ ខែមេសា កន្លងទៅ Bella Esmeralda បានសម្រាលជាមួយនឹងប្អូនប្រុសភ្លោះរបស់នាង ប៉ុន្តែជាអកុសលប្អូនប្រុស​ភ្លោះមិនទាន់បានឃើញពន្លឺថ្ងៃផង គេក៏បានស្លាប់ទៅវិញ។​ យ៉ាងណាមិញ កូនស្រីភ្លោះរបស់ CR7 នាងមានសុខភាពល្អ និងបានត្រឡប់ទៅផ្ទះវិញដោយសុវត្ថិភាព។

ជាមួយគ្នានេះ ក្រោយទៅដល់ផ្ទះវិញ​ កីឡាករបាល់ទាត់ Ronaldo បានបង្ហោះរូបជួបជុំគ្រួសារ ដើម្បីអបអរដល់កូនស្រីជាទីស្រឡាញ់ និងសារថ្លែងអំណរគុណដល់អ្នកគាំទ្រ ដែលបានជួយរំលែកទុក្ខដល់គ្រួសាររបស់លោក៕

ប្រែសម្រួល៖ សន្យា

ចុចអាន៖ ថៃ តែងតាំងបវរកញ្ញារបស់ខ្លួនឱ្យកាន់តំណែង Miss Grand មីយ៉ាន់ម៉ា ឆ្នាំ២០២២