ថៃ តែងតាំងបវរកញ្ញារបស់ខ្លួនឱ្យកាន់តំណែង Miss Grand មីយ៉ាន់ម៉ា ឆ្នាំ២០២២

បន្ទាប់ពីការប្រកួតប្រជែងយ៉ាងស្វិតស្វាញ ថែ បានរកឃើញបវរកញ្ញាជយលាភីឯក កញ្ញា Ingfa Waraha ដែលជាអ្នកគ្រងមកុដ Miss Grand Thailand ប្រចាំឆ្នាំ២០២២ ហើយស្ថាប័ននេះក៏បានប្រកាសតែងតាំងបវរកញ្ញា Mee Mee Kansuda ដើម្បីគ្រងមកុដ Miss Grand Myanmar 2022 ជាផ្លូវការផងដែរ។

ការតែងតាំងបានប្រកាសឡើងកាលថ្ងៃទី៧ ខែឧសភា ដោយមានការយល់ព្រមពីស្ថាប័ន Miss Grand មីយ៉ាន់ម៉ា។ ដោយសារស្ថានភាពក្នុងប្រទេសមីយ៉ាន់ម៉ា មិនអាចរៀបចំកម្មវិធីប្រកួត Miss Grand ទើបប្រទេសទាំងពីរព្រមព្រៀងគ្នា តែងតាំងបវរកញ្ញា Mee Mee Kansuda ឱ្យជាប់ដោយស្វ័យប្រវត្តិតែម្ដង។

បវរកញ្ញា Mee Mee Kansuda មានដើមកំណើតមកពីសហគមន៍ជនជាតិដើមភាគតិច Karen ដែលមានព្រំប្រទល់ថៃ-មីយ៉ាន់ម៉ា។ នាងជាកូន​កាត់​ថៃ-មីយ៉ាន់ម៉ា និងជាម្ចាស់តំណែង Miss Grand តំណាងខេត្ត Prachuap Khiri Khan នៅលក្នុងឆ្នាំនេះ។ ថ្វីត្បិតនៅលើឆាកប្រកួត Miss Grand Thailand 2022 នាងមិនទទួលបានជយលាភី ប៉ុន្តែបច្ចុប្បន្នបវរកញ្ញារូបនេះត្រូវបានតែងតាំងជាផ្លូវការឱ្យជាប់ជាបវរកញ្ញាឯកតំណាង Miss Grand មីយ៉ាន់ម៉ា ឆ្នាំ២០២២៕

ប្រែសម្រួល៖ សន្យា

ចុចអាន៖ សមាជិកគ្រួសារ Baifern ជាប់ឈ្មោះជាគ្រួសារកំពូលសម្រស់ ប្រចាំប្រទេស ថៃ

ចុចអាន៖ ប្រភពមួយទម្លាយថា បវរកញ្ញា Ingfa ធ្លាប់ឆ្លងកាត់ការវះកាត់ជាច្រើនកាំបិត