ព័ត៌មានជាតិ

អាជីវករផ្សារអូរឫស្សី ប្រឈមបិទតូបលក់ដូរបើគណៈកម្មាធិការផ្សារស្រាវជ្រាវឃើញមានលួចលាក់កត់ឆ្នោត

បានផុស

៥ years មុន

នៅ

ថ្ងៃព្រហស្បតិ៍ ២៤ ធ្នូ ២០២០

ដោយ

ភ្នំពេញ៖ បងប្អូនអាជីវករ នៅក្នុងផ្សារអូរឫស្សីដែលកត់ឆ្នោតទាំងស្របច្បាប់និងទាំងខុសច្បាប់ ប្រឈមបិទតូបលក់ដូរជាបណ្ដោះអាសន្ន បើគណៈកម្មាធិការផ្សារស្រាវជ្រាវរកឃើញថា បងប្អូននៅតែបន្តសកម្មភាព លួចលាក់កត់ឆ្នោតខុសច្បាប់នៅក្នុងតូបបន្តទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកហ៊ត វ៉ាន់ធី ប្រធានគណៈកម្មការផ្សារអូរឫស្សីបានមានប្រសាសន៍លើកឡើងថា ចំពោះបងប្អូនអាជីវករ ដែលកត់ឆ្នោតទាំងស្របច្បាប់និងទាំងខុសច្បាប់ សូមមេត្តាផ្លាស់ប្ដូរមុខរបរទៅលក់ដូរអ្វីផ្សេងវិញប្រសើរជាង ដោយហេតុថា កន្លងមកនេះមានបងប្អូនអាជីវករមួយចំនួន បានលួចលាក់កត់ឆ្នោតខុសច្បាប់នៅក្នុងតូប ។ ជុំវិញបញ្ហានេះ បើគណៈកម្មាធិការផ្សារស្រាវជ្រាវរកឃើញថា បងប្អូននៅតែបន្តសកម្មភាពបែបនេះទៀត ចាប់ពីថ្ងៃទី ២៥ធ្នូនេះតទៅ គណៈកម្មការផ្សារនិងសម្រេចបិទតូបលក់ដូររបស់បងប្អូនជាបណ្ដោះអាសន្ន ហើយបើសិនជាកន្លែងចល័តវិញ គឺគណៈកម្មការផ្សារនិងធ្វើការដកហូតមកវិញ ដោយគ្មានលក្ខខណ្ឌ។

លោកហ៊ត វ៉ាន់ធី បានបន្តថា ការធ្វើបែបនេះ គឺអនុវត្តតាមការណែនាំរបស់លោកឃួង ស្រេងអភិបាលនៃគណៈអភិបាលរាជធានីភ្នំពេញ ដែលបានណែនាំឱ្យអាជ្ញាធរក៏ដូចជាគណៈកម្មការផ្សារទប់ស្កាត់ឱ្យបានចំពោះការលួចលេងល្បែងស៊ីសងខុសច្បាប់នៅក្នុងផ្សារនានាក្នុងរាជធានីភ្នំពេញ។

ការព្រមានដូចជាបែបនេះ បានធ្វើឡើងកាលពីរសៀលថ្ងៃទី២៤ធ្នូឆ្នាំ២០២០ ខណៈដែលគណៈកម្មការផ្សារបានអញ្ជើញអ្នកកត់ឆ្នោត សរុបចំនួន១២នាក់មកអប់រំ ឲ្យពួកគាត់ឈប់កត់ឆ្នោតជាបន្ទាន់នៅទីស្នាក់ការផ្សារ៕
ដោយ ៖ ស្រីរ័ត្ន

Related Topics:

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា