ព័ត៌មានជាតិ
តើប័ណ្ណសមាជិក ប.ស.ស. អាចប្រើប្រាស់បានទៀតឬទេនៅពេលកម្មករឈប់ពីការងារ?
មានបងប្អូនកម្មករជាច្រើនបានលើកជាចម្ងល់ នៅពេលដែលពួកគាត់ឈប់សម្រាកពីការងារថាតើប័ណ្ណសមាជិក ប.ស.ស. របស់ពួកគាត់អាចប្រើប្រាស់បានទៀតដែរឬទេ?
ពាក់ព័ន្ធសំណួរនេះមន្ត្រីប.ស.ស. បានធ្វើការពន្យល់ឱ្យដឹងនៅរសៀលថ្ងៃទី២៤ ឧសភានេះថា ប្រសិនបើលោកអ្នកជាសមាជិក ប.ស.ស. និងមានប័ណ្ណសមាជិក ប.ស.ស. ហើយបានឈប់បម្រើការងារ នោះប័ណ្ណសមាជិក ប.ស.ស. នៅតែអាចបន្តប្រើប្រាស់បាន ប៉ុន្តែត្រូវគោរពទៅតាមលក្ខខណ្ឌកំណត់។
មន្ត្រីដដែលនោះបានលើកឧទាហរណ៍មកបញ្ជាក់ថា ក្នុងករណីលោកអ្នកបានធ្វើប័ណ្ណសមាជិក ប.ស.ស. រួចរាល់ និងថៅកែ ឬម្ចាស់ក្រុមហ៊ុនបានប្រកាសភាគទាន (បង់ភាគទាន) មក ប.ស.ស. បានចំនួន ២ ខែជាប់គ្នា ហើយអស់កាតព្វកិច្ចបង់ភាគទាន (ឈប់ធ្វើការ) នោះលោកអ្នកមានសិទ្ធិទទួលបានការប្រើប្រាស់សេវា ប.ស.ស. បានចំនួន ២ ខែបន្ទាប់ (គិតចាប់ពីថ្ងៃប្រកាសភាគទានខែទី២) នៅគ្រប់មន្ទីរពេទ្យដៃគូ ប.ស.ស.។
ក្នុងករណីមួយទៀត លោកអ្នកបានធ្វើប័ណ្ណសមាជិក ប.ស.ស. រួចរាល់ និងថៅកែ ឬម្ចាស់ក្រុមហ៊ុន បានប្រកាសភាគទាន (បង់ភាគទាន) មក ប.ស.ស. បានយ៉ាងតិចចំនួន ៦ ខែក្នុងរយៈពេល ១២ ខែចុងក្រោយគិតមកដល់ខែដែលមានបញ្ហាសុខភាព ឬសម្រាលកូន នោះសមាជិកដែលមានប័ណ្ណសមាជិក ប.ស.ស. ខាងលើមានសិទ្ធិទទួលបានការប្រើប្រាស់សេវា ប.ស.ស. ជាធម្មតានៅគ្រប់មន្ទីរពេទ្យដៃគូរបស់ ប.ស.ស. រយៈពេល ៦ ខែផងដែរ។
បច្ចុប្បន្ននេះបេឡាសន្តិសុខសង្គម (ប.ស.ស.) កំពុងអនុវត្តរបបសន្តិសុខសង្គមចំនួន ៣ ផ្នែកគឺទី១ផ្នែកថែទាំសុខភាព ទី២ ផ្នែកហានិភ័យការងារ និងទី៣ផ្នែកប្រាក់សោធន។ ក្នុងនោះផ្នែកថែទាំសុខភាពនិងផ្នែកហានិភ័យការងារតម្រូវឱ្យថៅកែរោងចក្រសហគ្រាសឬម្ចាស់ក្រុមហ៊ុនបង់ភាគទានជំនួសកម្មករនិយោជិត។ ប៉ុន្តែផ្នែកប្រាក់សោធនតម្រូវឱ្យកម្មករនិយោជិតបង់ ២ ភាគរយនិងថៅកែបង់ ២ ភាគរយនៃប្រាក់បៀវត្សរ៍៕
អត្ថបទ៖ សំអឿន
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៧ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៤ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៤ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ២ ម៉ោង ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៧ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ៧ ថ្ងៃ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ