ព័ត៌មានជាតិ
ប.ស.ស និងអង្គការអុកស្វាម បានរៀបចំវេទិកាពិភាក្សាជាមួយតំណាងកម្មករនិយោជិតស្ដីពីរបបសន្តិសុខសង្គម
នៅព្រឹកថ្ងៃទី១៨ ខែធ្នូ ឆ្នាំ២០២៣នេះ បេឡាជាតិសន្តិសុខសង្គម (ប.ស.ស) នៃក្រសួងការងារ និងបណ្តុះបណ្តាលវិជ្ជាជីវៈ និងអង្គការអុកស្វាម បានសហការរៀបចំវេទិកាប្រចាំឆ្នាំ លើកទី១ ជាមួយថ្នាក់ដឹកនាំមូលដ្ឋាន និងតំណាងកម្មករនិយោជិតស្ដីពីរបបសន្តិសុខសង្គម។
វេទិកាប្រចាំឆ្នាំជាលើកដំបូងនេះ បានរៀបចំឡើងក្រោមប្រធានបទ៖ «ដំណើរឆ្ពោះទៅរបបសន្តិសុខសង្គមប្រកបដោយបរិយាបន្ន ឆ្លើយតបយេនឌ័រ និងជាសកលនៅកម្ពុជា» ដែលបានប្រព្រឹត្តទៅក្រោមវត្តមានលោក ហេង សុផាន់ណារិទ្ធ អគ្គនាយករងបេឡាជាតិសន្តិសុខសង្គម និងលោកស្រី ភាណ សោភ័ណ នាយិកាអង្គការអុកស្វាម។
បើតាមលោកស្រី ភាណ សោភ័ណ វេទិកានេះរៀបចំឡើងក្នុងគោលបំណងបង្កើតឱ្យមានកិច្ចពិភាក្សាពីគោលនយោបាយ ដើម្បីស្វែងយល់ពីបញ្ហាប្រឈម និងដំណោះស្រាយរវាងអ្នកឯកទេស អ្នកតាក់តែងគោលនយោបាយ និងអ្នកផ្តល់សេវាក្នុងក្របខណ្ឌរបបសន្តិសុខសង្គម ជាមួយថ្នាក់ដឹកនាំមូលដ្ឋាន និងតំណាងកម្មករនិយោជិត ដើម្បីជំរុញកម្ពុជាឱ្យឆ្ពោះទៅប្រព័ន្ធគាំពារសង្គមប្រកបដោយបរិយាបន្ន ឆ្លើយតបនឹងយេនឌ័រ និងជាសកល។
លោកស្រី ភាណ សោភ័ណ លើកឡើងថា បេសកកម្មរបស់អង្គការអុកស្វាម គឺដើម្បីលុបបំបាត់ភាពក្រីក្រ និងអយុត្តិធម៌ ហើយអង្គការបានប្តេជ្ញាធ្វើការជាមួយរាជរដ្ឋាភិបាល និងគាំទ្រដល់រាជរដ្ឋាភិបាលកម្ពុជា ក៏ដូចជាដៃគូពាក់ព័ន្ធនានា ដើម្បីកាត់បន្ថយភាពក្រីក្រ និងវិសមភាពក្នុងចំណោមកម្មករនិយោជិតក្នុងវិស័យកាត់ដេរ កសិករខ្នាតតូច កម្មករធ្វើការនៅក្នុងសេដ្ឋកិច្ចក្រៅប្រព័ន្ធ ដែលភាគច្រើនជាស្ត្រី និងអ្នកម្តាយ សំដៅធានាដល់លទ្ធភាពរបស់ពួកគេក្នុងការទទួលបានរបបសន្តិសុខសង្គម។ លោកស្រី បន្តថា ការទទួលបានការគាំពារសង្គម គឺមានសារៈសំខាន់ណាស់សម្រាប់កម្មករនិយោជិត និងក្រុមគ្រួសាររបស់ពួកគេ ព្រោះវាជួយទ្រទ្រង់សុខុមាលភាពរបស់ពួកគេ បង្កើនភាពធន់ និងកាត់បន្ថយហានិភ័យនានា ដែលបណ្តាលពីគ្រោះមហន្តរាយ ឬជំងឺរាតត្បាតជាសកល និងទប់ស្កាត់ការធ្លាក់ចូលទៅក្នុងស្ថានភាពក្រីក្រ ជាដើម។
អញ្ជើញជាអធិបតីក្នុងវេទិកានេះ លោក ហេង សុផាន់ណារិទ្ធ អគ្គនាយករងបេឡាជាតិសន្តិសុខ (ប.ស.ស) បានថ្លែងថា ក្នុងអាណត្តិទី៧ នៃរាជរដ្ឋាភិបាលកម្ពុជា ក្រោមការដឹកនាំរបស់សម្ដេចធិបតី ហ៊ុន ម៉ាណែត ជានាយករដ្ឋមន្ត្រី បានដាក់ចេញនូវយុទ្ធសាស្ត្របញ្ចកោណ ដំណាក់កាលទី១ ដើម្បីបង្កើន ការងារ សមធម៌ ប្រសិទ្ធភាព និងចីរភាព សំដៅកសាងមូលដ្ឋានគ្រឹះឆ្ពោះទៅចក្ខុវិស័យកម្ពុជា នៅឆ្នាំ២០៥០។ លោក បានបញ្ជាក់ថា បញ្ចកោណទី១ គឺការអភិវឌ្ឍមូលមនុស្ស នៃមុំទី៤ ការពង្រឹងប្រព័ន្ធគាំពារសង្គម បានបង្ហាញនូវការកសាង ការអភិវឌ្ឍប្រព័ន្ធគាំពារសង្គម ឱ្យមានលក្ខណៈប្រមូលផ្ដុំ និងសង្គតភាព ទាំងក្នុងប្រព័ន្ធជំនួយសង្គម និងប្រព័ន្ធសន្តិសុខសង្គម ដោយឈរលើស្មារតីមិនបោះបង់ពលរដ្ឋណាម្នាក់ឡើយ។
បើតាមអគ្គនាយករង ប.ស.ស រូបនេះ បច្ចុប្បន្ន របបបេឡាសន្តិសុខសង្គម នៃក្រសួងការងារ និងបណ្ដុះបណ្ដាលវិជ្ជាជីវៈ បាននិងកំពុងអនុវត្តរបបសន្តិសុខសង្គមជាច្រើន រួមមាន របបសន្តិសុខសង្គមផ្នែកហានិភ័យការងារសម្រាប់វិស័យឯកជន និងសាធារណៈ របបសន្តិសុខសង្គមផ្នែកថែទាំងសុខភាពសម្រាប់វិស័យឯកជន និងសាធារណៈ របបសន្តិសុខសង្គមសម្រាប់ប្រាក់សោធនសម្រាប់វិស័យឯកជន និងរបបសន្តិសុខសង្គមផ្នែកថែទាំងសុខភាពតាមរបបវិភាគទានដោយស្ម័គ្រចិត្តសម្រាប់បុគ្គលស្វ័យនិយោជ និងអ្នកនៅក្នុងបន្ទុក ប.ស.ស ក៏ត្រូវបានដាក់ឱ្យអនុវត្ត នាពេលថ្មីៗនេះផងដែរ។
តាមរយៈវេទិកាពិភាក្សាពេលនេះ លោក ហេង សុផាន់ណារិទ្ធ សង្ឃឹម និងជឿជាក់ថា អង្គវេទិកាទាំងមូល នឹងទទួលបាននូវចំណេះដឹង និងបទពិសោធន៍ថ្មីៗ ជាធាតុចូលសំខាន់ៗ ដើម្បីជាគន្លីះ ជាយុទ្ធសាស្ត្រ ក្នុងការប្រតិបត្តិការងារ ដោយជោគជ័យ តាមរយៈការបង្កើនសមត្ថភាព ការពង្រឹងគណនេយ្យភាព តម្លាភាព បរិយាបន្ន និងអភិបាលកិច្ចល្អសម្រាប់ប្រព័ន្ធគាំពារសង្គម ក្នុងការរួមចំណែកការពង្រឹងប្រព័ន្ធគាំពារសង្គម ដើម្បីឆ្ពោះទៅរកការគ្រប់ដណ្ដប់សុខភាពជាសកលនៅកម្ពុជា៕
-
សេដ្ឋកិច្ច៦ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៤ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
ជីវិតកម្សាន្ដ៥ ថ្ងៃ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
ព័ត៌មានជាតិ២ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ព័ត៌មានអន្ដរជាតិ៣ ថ្ងៃ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
នយោបាយ៥ ថ្ងៃ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
-
ព័ត៌មានជាតិ២ ថ្ងៃ ago
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក
-
ព័ត៌មានអន្ដរជាតិ៦ ថ្ងៃ ago
អ៊ុយក្រែន បើកការវាយប្រហារចូលដីរុស្ស៊ី ចំទិវាជ័យជម្នះ