កីឡា

ម្ចាស់ខ្សែក្រវាត់ពិភពលោក៣ខ្សែ Zepeda មិនទាន់ចាញ់ក្នុងរយៈពេល៩ឆ្នាំ

បានផុស

២ years មុន

នៅ

ថ្ងៃអង្គារ ៣០ មេសា ២០២៤

ដោយ

កីឡាករប្រដាល់សកល William Zepeda ដែលជាម្ចាស់ខ្សែក្រវាត់ទម្ងន់ស្រាលពិភពលោក៣ខ្សែ កំពុងកាន់កំណត់ត្រាមិនទាន់បរាជ័យសោះក្នុងរយៈពេលជិត១ទសវត្សរ៍ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

William Zepeda ដែលកើតឆ្នាំ១៩៩៦ ជាអ្នកប្រដាល់សញ្ជាតិម៉ិកស៊ិក បានចាប់ផ្តើមប្រកួតប្រដាល់សកលអាជីពនៅថ្ងៃទី១៤ ខែវិច្ឆិកា ឆ្នាំ២០១៥ ហើយបានផ្ដួលកីឡាករ Alonso Salvatierra ឲ្យសន្លប់ក្នុងទឹកទី៣ ក្នុងការប្រកូតនៅប្រទេសកំណើត។ គិតចាប់តាំងពីឆ្នាំ២០១៥ រហូតដល់ឆ្នាំ ២០២៤ រូបគេប្រកួតបាន៣០លើកហើយគឺមិនដែលចាញ់សោះ ក្នុងនោះផ្ដួលឲ្យដៃគូបោះបង់ការប្រកួត២៦លើក។

អ្នកប្រដាល់ម៉ិកស៊ិកវ័យ២៧ឆ្នាំ ទទួលបានឱកាសប្រកួតដណ្ដើមខ្សែក្រវាត់ WBF ក្នុងកម្មវិធី Corner Retirement កាលពីថ្ងៃទី២៥ ខែតុលា ឆ្នាំ២០១៧ បន្ទាប់ពីរូបគេបង្កើតកំណត់ត្រាឈ្នះ១១លើកជាប់គ្នា និងបានផ្ដួលដៃគូឲ្យបោះបង់ការប្រកួត៩លើក។ ពេលប្រកួតដណ្ដើមខ្សែក្រវាត់លើកដំបូង Zepeda បានផ្ដួលកីឡាករ Juan Pablo Borbon ឲ្យបោះបង់ការប្រកួតនៅទឹកទី៣ ដើម្បីក្លាយជាម្ចាស់ខ្សែក្រវាត់ទម្ងន់ស្រាល WBF។

Zepeda បានឈ្នះខ្សែក្រវាត់ទី២ នៅថ្ងៃទី២ ខែមីនា ឆ្នាំ២០១៩ នៅទីក្រុង Ciudad Acuña ប្រទេសម៉ិកស៊ិក ក្រោយផ្តួលកីឡាករ Eliot Chavez តាមរយៈការបញ្ឍប់របស់អាជ្ញាកណ្ដាលនៅទឹកទី១០ ហើយបានក្លាយជាខ្សែក្រវាត់ទម្ងន់ស្រាល WBC FECARBOX Silver។ ក្នុងនាមជាម្ចាស់ខ្សែក្រវាត់ WBC FECARBOX Silver កីឡាករ Zepeda ពិតជាធ្វើបានល្អមែនទែនសម្រាប់ការឡើងការពារខ្សែក្រវាត់ចំនួន៤លើកដោយគ្មានកីឡាករណាម្នាក់អាចយកខ្សែក្រវាត់ពីរូបគេបានឡើយ។

នៅថ្ងៃទី៩ ខែកក្កដា ឆ្នាំ២០២១ ការប្រកួតនៅទីក្រុង Los Angeles សហរដ្ឋអាមេរិក កីឡាករ William Zepeda ទទូលបានឱកាសដណ្ដើមខ្សែក្រវាត់ WBA Continental Americas។ រូបគេបានផ្ដួលកីឡាករ Hector Tanajara ក្នុងទឹកទី៦ដើម្បីទទួលបានខ្សែក្រវាត់ទី៣។ បន្ទាប់ពីឈ្នះខ្សែក្រវាត់ WBA Continental Americas រូបគេបានឡើងការពារខ្សែក្រវាត់៣លើកដ៏ជោគជ័យ។

បច្ចុប្បន្នកីឡាករ William Zepeda ដែលកំពុងគ្រប់គ្រងខ្សែក្រវាត់៣ខ្សែពិតជាពិបាករកដៃគូដែលប្រកួតជាមួយរូបគេណាស់៕

ប្រែសម្រួល៖ ផា រតនា